1 Nomba imfumu Darius kaibike cipope nakambi kabafwailisha mu nanda yakucimfya uko bakasunga basungila ku Babyloni. 2 Mu musumba uwashishiwa uwaku Ecbatana na mu citungu ca Media mpa kapalebelwepo kapaboneka; nefyalembelwepo kafili mfi: 3 "Mu mwaka wakubalilapo mu bufumu bwaku Cyrus, Cyrus alifumushe cipope capa nanda iyaku Lesa mu Yelusalemu: Lekeni inanda ibe iya kulululwa nge ncende ya malambo, lekeni umufulwa waiko wime, lekeni ubutali bwaciko bube amakumi mutanda, na mubwipi bwa ciko imikono amakumi mutanda, 4 Ne misela itatu iya mabwe aakulu no musela umo uwa mapulanga aabwangu, nakambi lekeni babe abalipilwa ku bananda ya mufumu. 5 Nomba bwasheni golide na silvele ifibombelo fya mu nanda ya ku Lesa, ifi Nebuchadnezzar aletele ku Babyloni ukufuma mwitempele mu Yelusalemu no kufibwelesha kwi tempele mu Yelusalemu. Mukafibike mu nanda ya ku Lesa. 6 Nomba Tattenai, cilolo wa citungu ukukonka kaya ukucilapo, Shethar - Bozenai, nabomfwana nabo mbo abali mu citungu ukukonka inika, sungileni ukutali!! 7 Sheni umulimo wa nanda uy Lesa yenka. Cilolo na Yuda abakulu bakakula inanda ya ku Lesa pa ncende. 8 Nkofumya icipope mufwile ukucita kuba Yuda mbo aba abakulile inanda yaku Lesa: Indalama ukufuma kubupe bwa mfumu ukukonka ululamba lwanika shakubomfiwa ukulipila abalalume pakwe bati tabalekelepo njilya ncito. 9 Icikofwaikwa - igo'mbe ishana, umwana wambelele nangula sukusuku kufya kocela ifya bupe kuli Lesa uwa mwiulu, inseke, sauti, umwangashi, nagula amafuta ukulingana nokukonkobesha uko bashimapepo mu Yelusalemu - babapele mfi fintu kuli bo inshiku shonse ukubula ukufilwa. 10 Mulokucita mfi elo balokuleta amalambo yakusekesha Lesa wa mwiulu no kupa umweo wa mfumu nabana baiko. 11 Nkobika icipope ukweba ati kani uuli onse afulunganya nci icipope, iciti cikulumunwe mu nanda yakwe naye alingile ukukobekwa pali co. Inanda yakwe ilingile ukwalulwa ikanda lya fiko pa mulandu wa nci. 12 Lekeni Lesa uwalengele ati ishina lyakwe libeko nkulya licimfyye imfumu iili yonse nangula abantu abaimya ukuboko ukwalula nci cipope, nangula ukonaula nji nanda yaku Lesa mu Yerusalemu. Nebo, Dariusi, nkopingula mfi. Lekeni cicitwe no mukonsha!" 13 Nomba pa mulandu wa cipope catumine Dariusi imfumu, Tattenai, cilolo wa ncingi ya kwitala lya Nika, na Shetari Bozenai na banabo, kabacita fyonse ifi imfumu Dariusi alabile. 14 Efi abakulu ba baYuda kabakuula no kutunguluka ukupitila mu masambilisho yakwa Hagai kasesema na Sakaria, intuntuko shakwa Iddo. Kabashila ukupanga ifikulwa fyabo ukulingana ne cipope caku Lesa wakwa Israeli ne cipope cakwa Cyrusi, Dariusi, na Ashuerushi imfumu ya Pesia. 15 Inanda yashilile pa bushiku bwa shitatu mu mwenshi wa Adari, mu mwaka wa mutanda ku bufumu bwaku Dariusi. 16 Abena Israeli, bashimapepo, abena Lebi, nabambi aba bunkole kabasefya uku kupela inanda yaku Lesa ne nsansa. 17 Kabatuula amaombe yalalume umwanda umo, umwanda umo uwa mpaanga, ne myanda ine iya twana twa mpaanga upela ku nanda yaku Lesa. Bapepe ba mbushi ikumi na babili kashitulwa ukuba ica pa membu pa bena Israeli, imo pali cina mukowa mu Israeli. 18 Kabeba na bashimapepo na bena Lebi ukwabanika mu ncito yaku Lesa mu Yerusalemu, ifi calembelwe mwi citabo caku Mose. 19 Efi mbalya abali muli bunkole basefeshe ica kucilukila pa bushiku bwe kumi na shine mu mwenshi wakubalapo. 20 Bashimapepo na bena Lebi kabalokuisuka no kwipaya icakucilukila pali mbo bonse abali muli bunkole, ukubikapo nabo abene. 21 Abena Israeli abalileko icakucilukila bali ni mbo abafumine muli bu nkole nakambi kabaipatwileko ku kukowela kwa bantu ba ncilya calo no kufwaisha Yahweh, Lesa wakwa Israeli. 22 Mu nsansa kabasefya umutebeto wa mufuba umutapo icitutumushi pa nshiku cinelubali, pakuti Yahweh alibaletele nsansa no kwalula umutima wa mfumu yaku Assiria ukukosha amaboko yabo ku ncito ya nji nanda, inanda yaku Lesa wakwa Israeli.