1 Nomba Haggai kasesema na Zecharia kasesema, mwana Ido kasesema mwishina lya ku Lesa waku Israeli kuba Yuda mu yudea na mu Yelusalemu. 2 Zerubbabel umwana waku Shealtiel na Jeshua umwana waku Jozadak kabuka nakambi katampa ukukula inanda yaku Lesa mu Yelusalamu naba kasesema mukubafwa bo. 3 Nomba Tattenai cilolo wa citungu ukucila munika, Shethar - Bozenai, nabo bomfwana nabo kabesa no kulabila kuli bo, "Nani amupe nsambu shakukula nji nanda no kupwisha ifi fibumba"? 4 Nakambi kabalabila, "Bushe nibani amashina abo abalalume abakokula nci cikulwa. 5 Nomba ilinso lyaku Lesa kalili palibo abakukula bena Jewishi na balwani tabakenyepo bo. Balikulolele nkalata ukufuma ku mfumu ne nsambu ukubwela kuli bo iikolanda pali mfi. 6 Nji enkalata yashelepo kuli Tattenai, cilolo wa mucitungu ukucilafye nenika, na Shethar - Bozenai nambo balikumfwana nabo mu citungu ukucilafye nenika njo batumine kuli Darius imfumu. 7 Batumine ukubilisha, ukulemba mfi ku mfumu Darius, "Umutende ube namwe." 8 Lekeni imfumu ishibe ukwebati katuya kucitungu caku Yudea ku nanda yaku Lesa iikulu. Kaikulwa namabwe aakulu namapulanga kayabikwe mufibumba. Nji milimo kaibombwa bwino nokuboneka bwino mumenso abo. 9 Katwipusha abakulu, 'abafumishe nsambu ukwimaka nji nanda ne fibumba.? 10 Nakambi katubepusha na mashina yabo aalikwebati amashina abo kayeshibikwa kuli mwe; nomba amashina abalalume aali mumitwi yabo alilembelwe panshi. 11 Mfi efi batwasukile fwe, 'Kabalabila, Tulibabomfi ba kuli umo uuli ni Lesa wa mwiulu na pa calo, nakambi tuko kululula nji nanda nji yakulilwe myaka ya kale ulo imfumu iikulu ya mu Israeli yakulile nokupwisha. 12 Nangula cibe mfi, ulo ifikolwe kafikalifya Lesa uwa ku mulu, kapela bo muminwe yaku Nebuchadnezzar imfumu yaku Babylon, na chaldean, uwaonawile mfi nanda nakambi kabapintwa muli bunkole mu Babylon. 13 Nangu cibe mfyo, mumwaka wakubalilapo ulo Cyrus ali mfumu mu Babyloni, Cyrus kafumya insambu sha kukululula inanda yaku Lesa. 14 Imfumu Cyrus nakambi kabwesha golide na silvele ifibombelo ifibakwete kunanda yaku Lesa njo Nebuchadnezzar abweseshe kafumya kwitempele mu Yelusalemu kwitempele mu Babyloni. Kafika kuli umo uoo balikwite shina Sheshbazzar, umo uoo basontele nga cilolo. 15 Kalabila kuli ye, "Bule fibombelo mfi, koya kafibike mwitempele mu Yelusalemu. Lekeni inanda yaku Lesa ikulululwe nkulya." 16 Elo nomba Sheshbazzar kaisa nokwimba umufula wa nanda yaku Lesa mu Yelusalemu; elo nomba kaikulwa, lelo tayapwilililepo ukukula. 17 Nomba nga asekeshe mfumu, cibe icafwailikishiwa mu nanda yakucimfya mu Babyloni nga cakwebati icipope ukufuma ku mfumu Cyrus cafumine mukukula nji nanda yaku Lesa mu Yelusalemu. Nomba lekeni ukusala kwa mfumu kwise kuli fwe.