1 Nomba abalwani bambi abaku Yuda na Benjamin baumfwile kwebati abantu abali mubusha nomba bakokula Itempelelya ku Lesa, Lesa wabena Israeli. 2 Kanshi kabaya kuli Zerubbabel na bakulu bandupwa shamumikowa. Kabalabila kuli bo, "lekeni tukule bonse namwe, pantu nga mwe tukofwaya Lesa wenu nakambi tuliipele kuli Ye ukufuma inshiku ulo Esarhaddon, imfumu yabena Assyria, batuletele kuli njino ncende." 3 Nomba Zerubbabel, Jeshua, naba shala imitwi yafikolwe fya mikowa yenu balabile ukwebati, "Temwensopo, nomba nifwe tufwile ukukula inanda yaku Lesa wesu. Pantu mitwi abakukulila Lesa, Lesa waku Israeli, ngefi mfumu Cyrus waku Persia ya konkobeshe. 4 Kanshi abantu bankulya ku calo batompwele amaboko yabantu ba mu Yudea, bapangile aba Yuda ukumfwa umwenso wakukula. 5 Nakambi kabapela amafisakanwa kuli bashi cilye ukufupula amapange abo. Balicitile mfi panshita yonse iya nshiku shakwa Cyrus na mu butungulushi bwa ku Darius imfumu ya mu Persia. 6 Elo pakutampa mitekele ya kwa Ahasuerus, ba lembele ifya kubepesha kubekashi ba mu Yudah na Yelusalemu. 7 Yali ni munshiku sha ku Artaxerxes ukwebati Bishlam, Mithredath, Tabeel, na ba balanshanya nabo kabalemba ku mfumu Artaxerxes. Kalata yalembelwe mu Aramaic nakambi nokupilibulwa. 8 Rehum mushika na Shimshai balembele mfi ku mfumu Artaxerxes pamulandu wa Yelusalemu. 9 Elo Rehum, umukulu waba shilikale, Shimshai kalemba, naba nabo bambi abali abapingushi na balashi bambi, abena Persia, abaume ukufuma ku Erech na Babylon, na balalume ukufuma ku Susa (ekwebati abena Elam kabalemba kalata - 10 nakambi balisankene nabantu mbo abacindeme no lulumbi Ashurbanipal katamfya no kupatikishiwa ukwikala mu Samaria, pamo nabashala abali mucitungu mwishilya lya mumana. 11 Mfi efyali kalata uwo twatumine kuli ye: kumfumu Artaxerxes, "umubomfi wenu, mwe balalume ba citungu kwishilya lya mumana, lembe mfi: 12 Leka imfumu shibe ukwebati mbo Yuda abaile ukufuma kuli ye balishile mukutalikana na ye mu Yelusalemu mukukula umusumba wabusangu. Balishilile ukukula ifibumba no no kulungisha imifula. 13 Nomba lekeni imfumu ishibe ukwebati ngu musumba nga wakulwa ne fibumba fipwe, tabalikutupapo umusonko ne mitulo ne misonko ya misebo nakambi nci cakonaula icipawo ca mfumu. 14 Ukwebesha pantu tulilile umucele we sano, tacikolingapo fwe ukubona ukonaula umucinshi ukucitika ku mfumu, nipamulandu wanci ukwebati tukotuma nci mu kwishibishe mfumu 15 kubebeta amabuku yaku ba wiso no kukwishiba pakwebati ngo musumba wabucisanguka ngo uukacene mfumu ne miputule. Cililengele amafya ayengi ku mfumu naku miputule. Cili ati ecikumanino caba cisanguka ukufuma akale. Nipali ngu mulandu cabela ukwebati umusumba walyonaika. 16 Tukoishibisha imfumu ukwebati kati ngu musumba ne fibumba fyakulwa, ninshi takwakabepo ifya kushalya kuli mwe mu muputule kwishilya lya mumana." 17 Kanshi imfumu kaituma ubwasuko kuli Rehum umukulu wabashilika na Shimshai kalemba nabanankwe mu Samaria na nabashalya abali mu muputule kwishilya lya mumana: "Lekeni umutende ube wenu 18 kalata ngo mwatumine wapilibulwa no kubelengwa kuli ne. 19 Kanshi icipope cilipelwe kuli ne, nakambi balifwailishe no kusanga ukwebati panshita iilepele ngulya musumba walipilibukila Lesa no kusangukila nakambi ubusangu fyalipangwa muli nco. 20 Imfumu yamaka yalitekele mu Yelusalemu nakambi yalikwata amaka pali fyonse mu mumuputule kwishilya lya nika. Ifyabupe, imisonko, ne misonko ya mu musebo fyali pelekelwe kuli bo. 21 Nomba, panga ifipope kuli mbo bantu kubakanya nokukana ukukula umusumba mapaka nkapange cipope. 22 Mucenjele ukukana sula mfi. Nindo ukusuminisha ukukutinya ukukula no kulenga ubuluse ubwingi mukuwamina ubufumu? 23 Ulo imfumu Artaxerxes icipope cakwe cabelengelwe kuli Rehum, Shimshai kalemba, nabanabo, Kabaya bwangu bwangu ku Yelusalemu nokupatikisha ba Yuda ukuleka ukukula. 24 Eco umulimo pa nanda yaku Lesa mu Yelusalemu kawiminina mpaka umwaka wacibili uwakuteka kwa ku Darious imfumu ya mu Persia.