1 Chali mwenshi wa cinelubali panuma ya lupwa lwa ku Israeli babwelele ku misumba yabo, ulo abantu balongene pamo muli buumo mu Yelusalemu. 2 Jeshua mwana mwalalume waku Jozadaka na ba munyina ba Shimapepo, na Zerubbabel umwana waku Shealtiel, na ba munyina kabema no kukula icintamba caku Lesa wakwa Israeli kukupe lambo lya koca ngefi calembwa mu malamulo yaku Mose umuntu waku Lesa. 3 Elo bashimpile cipailo pamufula, pantu umwense wali pali bo pamulandu wa bantu mbo abali muli njilya ncenda. Bapele icabupe canko ku Lesa ku ma caca ne cungulo. 4 Balikukonkele ukusefya kwa chipaka ngefi calembwa nakambi balikupela icakoca akasuba nakasuba ukulingana ne cipope, cilancito pa kasuba kaiko. 5 Ukulinganishiwa, kwali fya koca cilabushiku, ilambo lya mwenshi wa bwangu, ne lambo lya kusefya kwabikwa ukwaku Lesa nko kwasangululwa, penka pamo ilambo lya kuitemenwa, ukufuma kuli bonse mbo abapele kuli Lesa. 6 Balitampileko abakupela icibwesha cakoca kuli Lesa pakasuba kakubalilapo mu mweshi wa cine - lubali, nangula cakwebati tempele talilati lisangwe. 7 Kanshi kabapela silveri kuli bakapanga wa mabwe nabafya kubasa - basa, nakambi kabapa ifilyo, ifya kunwa na mafuta ku bantu ba mu Sidon na Tyre, pakwebati, bangaleta ifimuti fya ma cedar pali bemba ukufuma ku Lebanon ukuya ku Joppa, nga fintu basuminishiwe kuli bo na Cyrus, imfumu ya mu Persia. 8 Elo mu mweshi wa cibili mu mwaka wa cibili panuma baishile kunanada yaku Lesa mu Yelusalemu, Zerubbabel umwana waku Shealtiel, Jeshua umwana waku Jozadak, bamunyinabo abashele ba Shimapepo na bena Lebi, nambo abafumine muli bunkole ukubwelela ku Yelusalemu kabatampe ncito. Kabapela bena Lebi abali imyaka amakumi yabili naba kulileko ukulokubona pa milimo ya munanda yaku Lesa. 9 Jeshua nabana bakwe na bawakwe, na Kodmiel nabana bakwe, mbo abali lupwa lwaku Hodaviah), nabana bakwe Henadad nabana babo, na ba munyinabo - bonse kabali bena Lebi - kabekatene capamo mukulolekeshapo pali mba abalikubomba pa nanada yaku Lesa. 10 Ba kakula kababika umufula we Tempele lya ku Lesa. Nci, kacangushisha ba Shimapepo ukwiminina mufwakufwala fyabo nama penga, nabena lebi, ba mwana Asaph, mukulumbanya Lesa ne miwaya, ngefi ukuboko kwa ku David, imfumu yaku Israeli ya konkobeshe. 11 Kabemba neshamalumbo no kutotela kuli Lesa, "Ali wama! icipangano cakwe bucishinka kuli Israeli cibelelele umuyayaya." Abantu bonse kabapinda apakulu kwebesha no kupunda ukukulu ukwine kantu ukwa kusekela noku lumbanya Lesa pakwebati umufula we Tempele ulimbilwe no kubikwa. 12 Nomba ba Shimapepo abengi, abena Lebi, nabakalamba ba ndupwa, mbo abali abakote nokubone nanda ya kutampilapo, ulo nji nanda umufulwa walikupangwa mumenso yabo, balilile ne ciunda icikulu. Nomba abantu abengi balikupunda nensansa no kwanga neciunda cakucankwa. 13 Pamulandu wa nci, abantu kabafilwa ukupusanya ukwanga no kucankwa ukufuma kuciunda ca bantu ukulila, pantu abantu balikulila no kwanga ukukulu, ne ciunda calikumfwika ukufuma ukutali sana.