¹ Ia i taki maea ria,"Muholi hateka iau a taki mua,i tahoka ranga ri pesi koea,erei keme ge mate ge masia harikinga ne Deo biri valai turana ni tora." ² Muri na parava i polotara,Isu i bolea e Pita e Jems turane Jon to lakea turana na lolo ne ria.Tahuna ri mahita,kakaine Isu i mapulo i bele tebi hateka na matane ria. ³ Virika varikia vona i bele manga ni para i mata kamumu i keakea i tebi hateka ne hurika bakovi vona malala kama ri kara ni kado kamumua turana maki ni loi a varikia. ⁴ Muri e Elaija turane Moses ru bele kavakava na tabeke to made vona ru ta turane Isu. ⁵ Pita i taki maea e Isu,"Vinara,i kamumu ne teu bara te made koea,tege rata koea a ruma ge tolu.Tara nege vomu,tara nege Moses tara nege Elaija." ⁶ (Pali ia kimi lohoka vona ara maki i takia,na rana ri manegeng hateka.) ⁷ Tara bubu i valai i kaptagu ria.Tara ni gale i pagitala na bubu i ta,"Ra komea e tugu iau a ngaru hatekea.Longoa ngavana." ⁸ Laviriri hateka,tahuna ri mata viliha,kama ri matai e huriki ri made turane ria ri matai kunanea e Isu. ⁹ Tahuna ri hamule puru na lolo,Isu i ta tora ne ria maea,nahani takia tara bakovi vona maki moto masia ne nau,ge vano ne Tune Deo ge mahuri mule na tanga ne hurika bakovi ri mate pali. ¹⁰ Lakea ri rihilolo mule ne ria ra ngava iea,ara vuhuna ra ngava iea,"Mate o mahuri mule." ¹¹ Ri nanea e Isu,"Ara vuhuna e hurika bakovi ni herena lo ri ta maea e Elaija ge bele taro?" ¹² Ia i taki maea ria."Elaija ge valai taro ge ru kadolu virika maki ge rumule na hini ri made vona.Pali ara vuhuna hini ni here maea tune bakovi dagi bari bole a ni mava bara ri rata manga bakovi i uka rana? ¹³ Pali iau a taki maea mua,Elaiji i valai pali ri rata ara maki ri ngaru vona manga kunana ngavane Deo i taki." ¹⁴ Tahuna ri valai ne hurika murimuri,ri matai e hurika bakovi a ngatavine ri made vapopo turane hurika bakovi ni herena lo kama ri tamudi taku ri ta kupogala turane ria. ¹⁵ Laviriri pali ri masia e Isu,hurika bakovi a ngatavine ri turutu hateka ri valai laviriri ni taguia ri ta vivi vona. ¹⁶ Ia i nana e hurika murimuri vona,"Navai mu ta pula ne ria ?" ¹⁷ Tara erei i made na palane hurika bakovi a ngatavine i koli maea ngavana,"Vinara,iau a bole vilia vomu e tugu a koma bakovi.Ia i tahoka tara spirit hale i tabuli pololilo vona i ratea kimi ta. ¹⁸ I lalua turana ni tora vona i bolea i voroki purua biri sisi a maturena biri kanikania nina i katoro i madihi haleliu.Iau a nana e hurika murimuri vomu ni lilitalea vona ra spirit hale ge pagitala vona,pali kama ri kara ni lilitalea." ¹⁹ Ia i kolia a ni nana ne ria,"Matou a bakovi a ngatavine mu uka ni luhoi tora,i riva parava iau a made turane mua?I riva parava iau a rata maea ne mua?Bole vilia nau." ²⁰ Ri bole vilia vona ra koma bakovi.Tahuna ra spirit hale i matai e Isu,i laviriri i bolea ra koma iea i voroki purua na malala i sisi a maturena. ²¹ Isu i nanea e tamana,"I riva parava ia i rata maea?"Lakea e tamana i taki maea e Isu,na tahuna ia i koma kiroko. ²² I bloko kupo biri bolea ra koma iea biri voroki dilia na kanono ne virika naru ri toni ni ratapilea.Pali ri ioe o luhoi tara maki ge karoe,o dodo mateu o kori mateu." ²³ Isu i taki maea ia,"Pali re ia ge karoe?Virika maki biri kara e hurika bakovi erei ri luhoi tora vona." ²⁴ Laviriri pali ra tamana koma iea i tani dagi i ta,"Iau a luhoi tora!Kori iau na naro ni luhoi tora!" ²⁵ Tahuna e Isu i matai e hurika bakovi a ngatavine i kupo ri nunu lakea ne tou,Ia i madihi a hatena i takia ra spirit hale,"Ioe a spirit hale ni pulo a ngava ni talinga tutu,iau a ta tora vomu,pagi tala vona nahani go dili tabu vona." ²⁶ I tani dagi i pea ra koma iea turana ni vakulu dagi i pagitala.Ra koma iea i mata manga bakovi i mate pali,a bakovi a ngatavine ri kupo ri ta,"Ia i mate pali." ²⁷ Pali e Isu i tuli pesi rikea ra koma iea i pesi rike malamala. ²⁸ Tahuna e Isu i pori na ruma,hurika murimuri vona ri made ne ria kunana lakea ri nanea,"Navai kama mi kara ni lilitala spirit hale ge pagitala?" ²⁹ Ia i taki ria,"Ra hini nga biri madihi ni lilitala,pali turana ni vasileki biri maluvi ni pea ni pagitala." ³⁰ Ri pea hini nga ri lakea na tanga o Galili.Ia kimi ngarua tara bakovi o a ngatavine o a koma tara ge lohoka vona hini ri made vona, ³¹ Na rana ia i tovo e hurika murimuri vona.Ia i taki maea ria,"Huriki bari habi a tuna bakovi lakea na limana hurika bakovi bara ri rabalakia.Tahuna ri rabalakia i mate pali,muri na parava i tolu biri pesirike tabu." ³² Pali kama ri bole kamumua vuhuna ra ni luhoi vona ra ngava iea ri manegeng ni nanea. ³³ Muri bele na tanga iea o Kapenaum.Muri vona ia ge dili na ruma,ia i nana maea ria,"Matou moto taki ara maki na krukruna dala?" ³⁴ Pali ria ri mangulu.Na rana,tahuna ri valai na dala,ri vagege mule na palane ria maea erei i dagi na palane ria. ³⁵ Tahuna e Isu i made,ia i gale e hurika murimuri vona ri ala ravulu taku a polona i rua ri vapopo palupu biri taki ria,"Pali ri tara ge ngaru ni dagi,mavonga ge ia iku liu ne huriki lobo ge bele manga voravora ne hurika bakovi ranga. ³⁶ Ia i bolea tara koma kiroko i vakapesia na palane ria.Ia i bokea na limana i taki maea ria, ³⁷ "Erei i kara ni bolea ra koma kiroko maea na ragu,ia tara biri bole iau a turana pali ri tara ge bole iau,kimi bole iau kerikeri uka,ia i bole iau turana erei i rudu iau a valai ³⁸ Jon i taki maea ia,,"Vinara,mateu mete matai ranga bakovi ri lilitala virika spirit hale na ramu mia mi patutu ria na rana kama ri muri ne mia." ³⁹ Pali e Isu i ta,"Nahani patutua.Uka tara bakovi erei ge rata leho dagi na ragu muri ge rata ngava hale ne nau. ⁴⁰ Erei kimi ta hale ne teu. ⁴¹ Erei i habi a naru vomu go ninu,na rana ioe a tara ne Kristo,muholi hateka iau a taki matou,keme ge konea. ⁴² Erei i kara ni rata re hurika tara kiroko;erei ri luhoi tora rigi boru na sin,i manga kunana tara bakovi i koloa tara kedo na lohona bakovi tara i bolea i voroki purua na dari. ⁴³ Pali ra limamu ge vaka boru ioe na sin,o tolokudu talea.Biri kamumu ioe boro dili na harikinga ne Deo turana limamu i taku,maga limamu ge rua biri ratoe o puru na kanono na hel i uka ni lobona. ⁴⁵ Pali ra vahamu tara ge vakaboru ioe na sin,tolokudua o vorokia.Biri kamumu hini boro dili na harikinga ne Deo turana vahamu i taku,maga vahamu ge rua bara ni voroki dili na kanono na hel. ^{46 47} Pali ra matamu ge vaka boru ioe na sin,o sigitalea o vorokia,i kamumu hateka hini boro dili na harikinga ne Deo turana matamu ge taku kunana,maga ni voroki lakea na hel turana matamu i rua. ⁴⁸ Na tabeke a mata na malala kama ri kara ni mate a kanono tara keme ge mate. ⁴⁹ Na kanono navai ge gutu e hurika tara i manga kunana e huriki ri ru a dari na maki ni kani. ⁵⁰ Dari i kamumu,pali ra namikana ge lobo,ge navai tege ratea ge namika tabu?Mua bara mu tahoka dari na palane mua,ni tamudi puruma ge tabuli turane matou turana turamu."