¹ Isu i pea ra hini nga,i made i laho i bele ne distrik Judea,ia na tabekena malala i tabuli na dahane Jodan.Lakea paluluna bakovi a ngatavine ri muri vona.Ia i tovo manga hini ia i rata. ² Lakea ranga Farasi ri valai ri ngaru ni tonia e Isu ri nana maea,i muholi maea,"A lo i taki maea a bakovi ge pea e girihina?" ³ Pali e Isu i taki ria,"Moses i ta navai ne mua?" ⁴ Lakea tou to taki maea ia,Moses i ta maea,pali ra bakovi i ngaru ni tongo mulea e girihina,ia ge herea tara setifiket i vaka loboa ra paraniha iea ni tonoa ge vano." ⁵ Isu i taki maea ria,Moses i herea ra lo iea,na rana,tamudine mua i tora hateka ni tongo tala e girihine mua." ⁶ Pali na ni vaka tubuna maka maki lobo vona malala iea,Deo i rata rike a bakovi a ngatavine.' ⁷ Vona hini nga,bakovi biri pea e tamana e kinana pali i lakea biri made turane girihina. ⁸ Lakea ru bele manga viri ala taku,rua kama ru made vapida,uka,rua ru made manga viri ala taku.' ⁹ Manga ngi ara maki e Deo i hate kari,i uka tara bakovi ge rata pile. ¹⁰ Na tahuna ri made na ruma,lakea e hurika murimuri vona ri nana tabua vona ra ngava iea. ¹¹ Ia i taki maea ria,"Pali ra bakovi tara ge tono talea e girihina,ia i rata naro ni ngoi,pali ia ge parani karaba tabu,ia i rata naro ni ngoi turana." ¹² Pali ra ngatavine ge pea e girihina lakea ge parani karaba,na bakovi tara ia tara i rata naro ni ngoi turana ra bakovi iea." ¹³ Ria ri bole valai ne Isu huriki e tune ria ne vona ge nugu ria ge vasileki ne ria,lakea e hurika murimuri vona ri tahate ria. ¹⁴ Na tahuna e Isu i matai a murimuri vona to ratea ra naro iea,ia i madihi a hatena ne tou lakea i taki tou."Moto taparaki tou togo valai ne nau,na rana,ra harikinga na hunu ne vona ra tara ri made manga koma kiroko. ¹⁵ Muholi hateka iau a taki matou,"Hurika bakovi a ngatavine kama ri made manga koma kiroko,ria kama rigi dili na harikinga ne Deo." ¹⁶ Ia i bole hurika koma kiroko i nugu ria na limana lakea i gamai ria,lakea i ru langa limana ne ria i vasileki ne ria. ¹⁷ Tahuna ia i laho turane hurika muri muri vona,lakea tara bakovi i nunu lakea ne Isu i turume puru ne vona i nana maea,"Vinara kamumu,iau ga rata navai ga bole a ni mahuri i tabuli vakaroro?" 8 Lakea e Isu i koli maea,"Gera hini o gale iau a vinara kamumu,uka tara bakovi vona malala iea ge kamumu,Deo i ala taku ia i kamumu. ¹⁹ Ioe o lohoka pali vona a lo,'Nahani bimate tara turamu,nahani rata naro ni ngoi,nahani panaho a maki na turamu tara,nahani ta kupo ni tatami lae,ioe o longo mai e tamamu e kinamu." ²⁰ Lakea ra bakovi iea i taki maea e Isu,"Vinara,iau a murimai lobo ra maka lo nga na tahuna iau a kiroko." ²¹ Isu i matanonoa ra bakovi iea i ngarua i taki maea,"Ioe o kapo vona tara maki.O hamule lakea o habi polo lobo a maki o tahoka pali a moni o bolea o habi na matasia a bakovi a ngatavine.Pali boro tahoka maki kupo na hunu.Muri o valai o muri nau." ²² Tahuna i longoa ra ngava iea,kimi hataki ge vivi uka i tamudi hale liu i vano,na rana,ia i tahoka hateka maki kupo. ²³ Isu i mata lakea ne hurika murimuri vona i taki ria,"Longo,i madihi hateka ne hurika bakovi ri tahoka maki kupo ni dili na harikinga ne Deo!" ²⁴ Lakea e hurika murimuri e Isu ri longoa ra ngava iea ri turutu hale.Pali e Isu i taki tabu ria maea,"Hurika koma,i madihi hateka ni dili na harikinga ne Deo! ²⁵ Ia i maluvi kunana na kamel ni dili na matana nidol,pali i madihi hateka na moni man ge dili na harikinga ne Deo." ²⁶ Lakea e hurika murimuri ri turutu hateka vona ngava iea ri ta mule ne ria maea,"Pali ra hini nga i maea,erei ge bolea ni mahuri i tabui vakaroro vakaroro. ²⁷ Lakea e Isu i ngala kapulo i mata lakea ne ria ia i taki maea ria,"Turana bakovi i madihi,pali ne Deo ia i kara,na rana,i uka tara maki ge madihi ne Deo. ²⁸ Tahuna e Isu i ratea pali ra ngava iea,Pita i taki maea e Isu,"Masia,mateu lobo mete pe pali a maki lobo mateu mete muri vomu." ²⁹ Lakea e Isu i ta,"Iau a ta muholi ne matou,pali ra bakovi ge pea a ruma vona,e hurika turana e kurabana,hurike tamana e kinana,hurika koma turana malala vona,pali i luhoi iau turana velenga kamumu ne nau. ³⁰ Ia bari bole mule maka maki nga ia i pe,i kara na tuhuna i 100 ia i made na malala.Ra maka maki nga manga ruma e korobana,pali e tamana e kinana turana e hurika koma,turana virika malala ne ria,turana bakovi a ngatavine ri kaloho a ni mava na naro ni luhoi tora na ni tane Deo.Ria ranga bari bole ni mahuri malaku i tabuli vakaroro. ³¹ Mavonga hurika bakovi a ngatavine erei ri made muriliu ria bara ri made muga erei ri made muga bara ri iku liu." ³² Muri e hurika murimuri ne Isu to laho lakea o Jerusalem e Isu i muga tou.Hurika murimuri ne Isu ri turutu,lakea e hurika bakovi a ngatavine ri muri ne tou ri magege.Lakea e Isu i gale hurika murimuri vona i ala ravulu taku a polona i rua ri lakea na tanga i uka bakovi vona,ia i taki ria vona ara maki biri bele vona. ³³ " Mu masia,na tahuna teu bara te lakea o Jerusalem,bara ri nugu tatea e tune Bakovi Dagi bara ni habi na limane hurika mugamuga turana vinara na lo,hurika bakovi ni lohoka bara ri luhoi kadoa ni rabalakia.Bara ri rudu lakea ne hurika bakovi ranga bara ri rabalakia i mate. ³⁴ Lakea ri ta padikedea ri kalupea ri ubia i mate,pali muri na parava i tolu ia bari mahuri mule na ni mate." ³⁵ Jems rue Jon rua e tune Sebedi,ru nana maea e Isu,"Vinara,maria miri ngaru ioe go ratea tara maki maria mirigi nanoe." ³⁶ Ia i nana rua,marua muru ngaru iau ga rata ara marua? ³⁷ Lakea ru ta,"o ru maria mirigi made turamu na bagetunga ne vomu i tara ge made na limamu a kanemu i tara ge made na limamu a mauri." ³⁸ Pali e Isu i ta maea ne rua,"Marua kamu muru lohoka na ara maki murua muru nanau vona.Muru kara ni ninu na cup iau ga ninu vona?O muru kara ni bole a baptais na dala iau a bole a baptais vona?" ³⁹ Rua ru takia,"Maria miri kara."Lakea e Isu i taki maea rua,"I muholi marua bara muru ninu na kap iau bara ninu vona bara muru hilolo na naru iau a hilolo vona.Pali ni made na bagetunga ne Deo turagu na limagu a kanegu a limagu a maurigu,kama maki nau. ⁴⁰ Pali na ni made na limagu kanena na limagu a maurigu ia kama ne nau ni habia.Uka. ne vone hurika tara ia i ru muga pali ne ria rigi bole." ⁴¹ Na tahuna e hurika murimuri ranga i ala ravulu taku ri longoa ra ngavane Jems turane Jon,ri hatekapupu i madihi a hatene tou ne rua. ⁴² Muri e Isu i kalipopo e hurika murimuri ia i taki maea ria,"Matou moto kara ni matai e hurika mugamuga erei ri matakari e hurika bakovi a ngatavine rigi matakari ria.Hurika bakovi dagi ne ria ri matakari hateka ria. ⁴³ Pali matou moto nahani ratea ra naro iea,pali ri tara matou ge ngaru ni bele manga mugamuga na palane matou,ia ge made manga voravora matou. ⁴⁴ Pali erei i ngaru ni bele muga liu matou,ia ge bele manga voravora matou. ⁴⁵ Tuna bakovi kimi valai ne teu tege rata leho ni koria.Uka.Ia i habi a ni mahuri vona manga mapana ni kona mule e hurika bakovi a ngatavine." ⁴⁶ Tahuna ri bele pali o Jeriko,Isu turane hurika murimuri vona ri pea e Jeriko ri laho lokovonga lakea a paluluna bakovi a ngatavine ri muri ne ria.Tara bakovi i matakepa,e tune Timaus,rana e Batamius.Ia i made bala na dahana dala biri nana e hurika bakovi a ngatavine na moni. ⁴⁷ Tahuna ia i longo maea e Isu o Nasaret,i pesi i gale dagi i ta maea,"Isu ioe e tune Devit,ioe o dodo iau!" ⁴⁸ Iakea e hurika bakovi a ngatavine ri tahatea nahani ge gale.Pali ia i gale dagi tabu i ta,"Isu ioe e tune Devit,ioe o dodo iau!" ⁴⁹ Pali e Isu i longoa i pesi i ta,"Bole vilia nau ra bakovi i kepa,"Lakea e hurika bakovi a ngatavine ri takia,"O pesi rike malaviriri! Ia i galoe." ⁵⁰ Malaviriri pali i pesirike vorokia a jaket vona i lakea na dahana lakea ia i nunu lakea ne Isu. ⁵¹ Lakea e Isu i nana maea a matakepa,"Ioe o ngarau ga rata ara maki ne vomu."Lakea ia i ta,"ViriDagi,iau a ngaru ni matapara tabu." ⁵² Lakea e Isu i takia,"Vano.Ni luhoi tora vomu i ratoe o mahuri."Malaviriri kunana ia i matapara tabu,lakea i muri ne Isu i lakea na dala.