¹ Tahuna ria ri lakea o Jerusalem,ri bele tabukoi o Betpeis turana e Betani,na Lolo o Olive,Isu i rudu a murimuri vona i rua ² Ia i taki maea rua,"muru lakea na tanga na ngalane teu.Na tahuna muru dili tabukoi, bara muru masia tara donki karaba uka tara bakovi ge rike vona ma.Lakea muru pugea mota ni topi vona muru lalu vilia nau. ³ Pali tara bakovi ge ta,'Navai muru rata maea?'Muru taki ria,'ViriDagi i tahoka leho vona biri rudu laviriri mule vilia.'" ⁴ Lakea ru vano ru masia tara donki karaba ni kolo polovavo na ni dilina dala dagi,ru pugea mota ni kolo vona. ⁵ Ranga e hurika bakovi a ngatavine ri pesi vonga ri nana maea rua,"Ara murugu ratea,i navai muru pugea ra donki karaba?" ⁶ Lakea ru koli mule manga e Isu i taki rua rugu rata,hurika bakovi a ngatavine ri matanono kunana rua ru vano. ⁷ Ra murimuri vona nga rua ru bole lakea ne Isu ra donki karaba ri bole virika varikia ne ria ri ru langa na donki ne Isu ge made langa vona. ⁸ Lakea e hurika bakovi a ngatavine ri ala kupo ri vulala puru na dala varikia ne ria pali ranga ne ria ri putu a pagana kai na robo ri vulala na dala. ⁹ Lakea e hurika bakovi a ngatavine ri muga vona ri muri vona ranga ri gale dagi maea,"Hosanna!Bakovi erei i bole a maki kamumu,a bakovi erei i valai na rane ViriDagi. ¹⁰ ViriDagi i ta na harikinga na hamone teu e Devit,ia biri valai ngane!Hosana i rike polomeli liu!" ¹¹ Muri e Isu i dili o Jerusalem i dili na tanga a ruma e Deo vonga lakea i mata viliha ne virika maki.I popote ge uvo a hini ia i vano turana a murimuri vona i ala ravulu taku a polona i rua to lakea o Betani. ¹² Na parava muri i pea e Betani ri vano,ia i vitolo. ¹³ Lakea ia i masia tara kai a fik i pesi basi ia i matai kunana pagana.Lakea ia i vano kunana tege masia i tahoka ranga tuna kai a fik.Tahuna i valai vona,ia i matai kunana pagana,a vuhuna kama tahuna na kai a fik ge vua ma. ¹⁴ Lakea i takia a kai ia i ta maea,"I uka tara bakovi ge kani tabu a vuamu."E hurika murimuri vona ri longoa ra ngava i takia. ¹⁵ Lakea ri bele o Jerusalem ri dili na ruma ni vasileki.Lakea i tonotala a maka bakovi ni habi vakuloi ri kona maki na ruma ni vasileki.Lakea i pulo a dede ne hurika bakovi ri leho ni vakuloi na moni turana sia na viri to habi vakuloi na kadirovo. ¹⁶ Lakea ia kimi matataroa tara bakovi ge bolea tara maki ni habi vakuloi ge dili na ruma ni vasileki. ¹⁷ Lakea i tovo ria i ta maea,"Huriki ri here maea,'Ruma nau bara ni gale maea a ruma ni vasileki ne virika tanga lobo,'Pali mua mu ratea i manga ruma ne hurika panaho." ¹⁸ Lakea e hurika mugamuga turana tara ni here a lo ri longoa ri matakana dala ni rabalakia.Ria ri mangege nara hurika bakovi a ngatavine ri vapopo vonga ri turutu vona maka ngava i tovo ria vona. ¹⁹ Tahuna i puru a uvo,ri pea tanga dagi ri vano. ²⁰ Na hetelanga ri laho ri vano,ri masia ra kai a fik i mate lobo na rahana i puru mai a vuhuna. ²¹ Lakea e Pita i luhoi i ta,"Vinara,masia!Ra kai e o tahatea i mate liu. ²² Lakea e Isu i koli mulea a ngavane tou i ta maea,"Moto rua a ni luhoi tora matou ne Deo. ²³ Muholi hateka iau a taki matou erei ge takia ra lolo maea,'Pesi o voroki ioe lakea na dari,'Pali ia kama ge tahoka tamudi rua pali o luhoi uka a ni luhoi tora manga ara maki ia i takia bari bele,ia e Deo biri rata i bele. ²⁴ Mavonga iau a taki ioe,ara maki lobo ioe o vasileki o nana vona,ioe o luhoi tora maea ioe o bolea pali bari bele. ²⁵ Tahuna ioe o pesi o vasileki,ioe o puga a maki i rata virihi vomu a viri tara erei i rata a maki hale ne vomu,mavonga re tamane matou erei made na hunu ia tara biri puga naro hale vomu.Na maka buk ni here hosi,na ves ne Mak 11:26 kimi tabuli.(Masia e Matyu 6:15).Mak.11:26* ²⁷ Ri valai tabu o Jerusalem.Na tahuna e Isu i laho pololilo na ruma ni vasileki,hurika mugamuga,hurika bakovi ni hera lo hurika bakovi dagi ranga ri valai vona. ²⁸ Ri taki maea ia,"Ioe o rata ara maki nga na ni tora ne erei,erei i habia vomu a ni tora ni rata virika maki?" ²⁹ Lakea e Isu i taki maea ria,"Iau ga nana matou vona tara ni nana.Mu takau bara taki matou vona iau a bolea vai a ni tora iea a rata virika maki. ³⁰ Baptais ne Jon,i valai na hunu o na bakovi?Kolia ngavagu." ³¹ Lakea ri ta vagege mule ne ria ri ta maea,"Pali re teu tege ta,'Na hunu'a£"Ia biri ta,i navai kama mu luhoi tora vona?' ³² Pali re teu tege ta,'Ne hurika bakovi"'a£"Ri mangege ne hurika bakovi a ngatavine,na rana,hurika bakovi a ngatavine ri luhoi tora maea e Jon ia tara profet. ³³ Mavonga lakea ri kolia a ngavane Isu ri ta,"Mia kama mi lohoka."Lakea e Isu i taki maea ria,iau tara kama ga taki matou,na ni tora erei iau a rata virika maki nga.