¹ Lakea e Isu i vakatubu ni tovo ria na ni ta vakakika.Ia i taki maea ria,"Tara bakovi i varoa tara hania na wain,ia i ratea a nure i haluia ra hania na wain iea,lakea i kelia tara lovo ni vakatubu murina ni rata wain a murina ni bole.Ia i ratea tara ruma ne vone huriki rigi matakari a hania na wain bara ri habi lakea ne hurika tara ri matakari a hania na wain vona.Ia i lakea na hini ranga. ² Na tahuna ni bole valai a kanena wain?,ia i rudua tara voravora i lakea ne hurika bakovi ni matakari a hania na wain bara ni bole ranga kanena wain. ³ Pali ri bolea,ri ubia,ri rudu mulea turana ni lima papa. ⁴ Ia i rudu tabua tara voravora i lakea ne ria,i rudu bloko rua ri tolokevea a gina ri rata halea ri vakarare hetekea. ⁵ Ia i rudu tabua tara i vano,ni rabalaki ra bakovi iea i mate.Lakea ri rata hale huriki ranga na naro i kupo,ri ubi ranga ri rabalaki e huriki ranga ri mate. ⁶ Ia i tahoka tara bakovi i ala taku biri rudu tabua i vano,ra verea e tuna,ia i ngaru hatekea.Ia a iku ni rudu i lakea tabu ne ria.Ia i ta maea,"Bara ri longo mai e tugu a koma bakovi." ⁷ Pali e hurika tara ri matakari a hania na wain ri ta na palane ria maea,"Ra bakovi iea ia biri bole lobo virika maki e tamana.Moto valai,teu tege rabalakia,virika moni a maki kamumu vona bara te bole. ⁸ Lakea ri nugu tatea,ri rabalakia ri voroki talea na hania na wain. ⁹ Mavonga ra,tahona hania na wain ara ngane ge ratea?Ia biri valai i ratapile e hurika bakovi ni matakari a hania na wain lakea biri habia ra hania na wain ne hurika bakovi ranga. ¹⁰ Pali re mua kama mu gia ra ngava i tabuli na buk e Deo o i uka?Virika kedo hurika bakovi ni rata ruma ri vorokia,ia i tora i kamumu hateka ni rata ruma. ¹¹ Ra ngava iea ia i valai ne ViriDagi,lakea i mata kamumu ni matai."' ¹² Ria ri luhoi ni tangotatea e Isu,pali ri mageng ne hurika bakovi a ngatavine i kupo ri made,na rana ri lohoka maea a vuhuna e Isu i ta vakakika ne ria.Lakea ri pea ri vano. ¹³ Lakea e hurika mugamuga ri rudu ranga Farisi turana tara e Herot ri valai vona,ri ngaru ni tonia ge rata ranga ngava kimi malamala. ¹⁴ Na tahuna ri valai,ri taki maea ria,"Vinara,mateu mete lohoka maea ioe a bakovi ni ta malamala pali kama o ngaru a viri ala taku,uka ra ni ngaru vomu i tabuli na palane hurika bakovi a ngatavine lobo liu moholi hateka ioe o tovo e hurik bakovi a ngatavine na narone Deo.I kamumu ni habi a takis ne Sisa o uka?" ¹⁵ Pali e Isu i lohoka pali na ni ta toni ne ria,lakea i taki ria maea gerana mua mu ngaru ni toni iau?Bole vilia tara koin ge valai ga mataia." ¹⁶ Lakea ri bolea tara koin i valai ne Isu.Ia i taki maea ria,"Ra makea a hanune rei vona ra koin iea pali a rane erei i tabuli vona?"Ria ri takia,"Sisa." ¹⁷ Lakea e Isu i taki maea ria,"Mua mu habia ne Sisa ara maki ne vone Sisa,habia ne Deo,ara maki ne vone Deo."Lakea ri turutu na ngavana. ¹⁸ Lakea e hurika Sadusi ri valai ne Isu,E hurika tara ri taki maea i uka ni mahuri mule.Ri nanea,ri ta maea, ¹⁹ "Vinara,Moses i herea ra ngava ne mateu,'Pali ri tara turagu ge mate ge pea e girihina i made, i uka koma,pali e turana i made ia ge bolea ra ngatavine i mate e girihina ge parani vona,ia biri vakabele a koma na turana. ²⁰ I tahoka a makitari i ala polorua ri made,a tabua i paranhi vona tara ngatavine lakea i mate,i uka koma. ²¹ Lakea a pahamuri tabua ia i bole tabua ra ngatavine vona re turana i mate,i uka koma.I palupu manga a toluna. ²² Lakea tou lobo a makitari i ala polorua tou to mate loboliu to uka koma.I muri i mate tabu a ngatavine." ²³ Na ni mahuri mule,tahuna ri mahuri mule tabu,ge ia e girihine erei?Na rana ra makitari i ala polorua to parani vona manga e girihine tou." ²⁴ Isu i taki maea ria,"Na naro iea kunana,mu rata potu,na rana kama mu lohoka vona ngava i tabuli na buk e Deo na ni tora ne Deo tara? ²⁵ Na rana na tahuna ri pesirike mule na ni mate,ria kama rigi parani tabu,Uka.Pali bara ri bele manga hurika ensel na hunu. ²⁶ Pali a ngava na bakovi i mate i mahuri mule,mua mu gi a buk ne Moses,na ni tana robo,na rana maki i ta vona e Deo i ta turana ni ta,'Iau e Deo ne Abraham,Deo ne Aisak,Deo ne Jekop?' ²⁷ "Kimi ia e Deo ne hurika bakovi ri mate,pali ia Deo ne hurika bakovi ri made mahuri.Mua e hurika bakovi ni ta tebi." ²⁸ Tara bakovi ni lohoka ni herena lo i valai ni longona ngavane ria,ia i matai maea e Isu i koli kamumua ngavane ria.Ia i nana maea ia,"Erei a lo e Deo i kamumu ne virika lo ranga?" ²⁹ Isu i koli i ta maea,"Longo Isrel,Isu e Deo ia kunana. ³⁰ Mua mu ngarua e ViriDagi,Deo ne teu turana tamudine matou,turana hurika spirit matou,turana ni luhoi ne matou,turana na ni tora matou. ³¹ Pali a ni pahamuri a lo e Deo i maea,'Ioe boro ngaru e hurika bakovi a ngatavine ri made tabukoi ne vomu manga ioe o ngaru mule ioe.'I uka tara lo dagi ne Deo ge tabuli manga verea. ³² Pali a bakovi ni herena lo i ta maea,"Kamumu,Vinara! Ioe o ta muholi hateka maea ia i taku kunana,i maea kunana i uka tara viri ge made tabukoi turana. ³³ Na ni ngaru ia na tamudine teu lobo,turana ni luhoi,turana virika ni tora ne teu,ni ngaru erei i made tabukoi ne vomu manga o ngaru mule ioe,ra ngava nga i rua i dagi hateka kimi manga ni habi ni gutu na kanono." ³⁴ Tahuna e Isu i matai maea i habi a ngava kamumu manga viri tahoka ni luhoi kamumu hateka,i taki maea ia,"Ioe kama o made basi na harikinga ne Deo."Vona ra tahuna nga i uka tara bakovi ge nana tabu e Isu na ngava ranga na rana ri magege. ³⁵ Tahuna e Isu i tovo e hurika bakovi a ngatavine pololilo na ruma ni vasileki,Ia i koli mule ria i ta maea,"Navai ra bakovi ni herena lo i taki maea e Kristo ia e tune Devit? ³⁶ Hunu kiripiripi i made pololilo ne Devit,lakea i ta maea,'ViriDagi' i taki e ViriDagi nau maea,made na limagu a kanegu,i vano i kara iau bara rata hurika pile vomu rigi made polotano na vahamu. ³⁷ Devit i taku kunana i gale Kristo,' E ViriDagi' Mavonga navai i bele manga e tune Devit?"Hurika bakovi a ngatavine ri longoa ngavane Isu turana ni vivi. ³⁸ Isu i tovi e hurika bakovi a ngatavine i taki maea,"Matadoko ne hurika bakovi ni herena lo,erei ri ngaru ni rodona varikia ola ri laho,hurika bakovi a ngatavine ri kara ni ta kamumu ni vivi ne ria na murina ni habi vakuloi. ³⁹ Pali ria ri ngaru ni made na sia pololilo na ruma ni vasileki,lakea ri made na sia kamumu na parava na ni vapopo dagi na ni kani. ⁴⁰ Lakea tou ranga to pala ni rata pile a ruma ne hurika ngatavine e girihine ria ri mate pali,lakea ri kara ni vasileki ola ne hurika bakovi a ngatavine rigi matai.Bara ri bole a ni mava dagi." ⁴¹ Muri,e Isu i made lakea na tabekena hini ni ru a moni na tava pololilo na ruma ni vasileki;ia i matanono e hurika bakovi a ngatavine ri dili ni ru a moni pololilo na tava.Lakea i kupo e hurika bakovi na moni ri ru a moni dagi. ⁴² Muri tara ngatavine i uka mahala i mate pali e girihina i valai i rudilia a koin kiroko i rua,i manga 1toea. ⁴³ Isu i gale valai e hurika murimuri vona ri vapopo i taki maea ria,"Muholi hateka iau a taki mua,ra ngatavine i uka e girihina i mate pali ia i rua moni dagi hateka i rede e hurika bakovi a ngatavine erei ri ru kadolu a moni na tava pololilo na ruma ni vasileki. ⁴⁴ Re huriki nga ria ri habi a moni ne ria i kupo ri tahoka a moni i kupo,pali ra ngatavine i mate pali e girihina,ia i uka moni ge kupo,pali ia i ru virika moni vona i uka tabu a moni ge tabuli i habi lobo."