¹ Ne virika parava nga,kupo e hurika bakovi a ngatavine ri vapopo tabu,ri uka tara maki rigi kania.Isu i gale hurika murimuri vona i taki ria, ² "Iau a dodo re hurika bakovi a ngatavine,na rana ri made turagu na parava i tolu kama ri bole a maki ni kani. ³ Pali ri iau ga rudu mule ria rigi hamule na ruma ne ria turana ni vitolo,biri vurea matane ria bara ri boru na krukruna dala.Ranga ri valai na tanga basi hateka." ⁴ Murimuri vona i koli,"Migi bole vai a bret migi habi ne hurika bakovi a ngatavine na tanga i uka tara maki vona?" ⁵ Isu i nana ria,"I riva bret mu tahoka?"Ri takia,"Polorua." ⁶ Ia i taki e hurika bakovi ngatavine rigi made na malala.I bole a bret i polorua,lakea i habi ni ta kamumu ne Deo.I keve a bret i habi ne hurika murimuri rigi veru.Lakea hurika murimuri vona ri veru lakea ne hurika bakovi a ngatavine. ⁷ Hurika murimuri ri tahoka ranga manu papote,lakea e Isu i ta kamumu ne Deo i taki e hurika murimuri vona rigi keve rigi habi ne hurika bakovi a ngatavine rigi kani. ⁸ Hurika bakovi a ngatavine ri kani ri maru.Ri bole a maka kalavana maki ni kani i tabuli ri tahoni na kolopi polorua. ⁹ Hurika bakovi a ngatavine,ni gi ria ri ala 4000.Lakea Isu i rudu tala ria ri vano. ¹⁰ I laviriri i rike vona tara aga turana hurika murimuri vona,ri lakea na distrik ne Dalmanuta. ¹¹ Muri e hurika Farisi ri pagitala ri vagege turana.Ri toni ni nanea ge vakasiria ni tora vona na hunu. ¹² Isu i taravango pololilo na spirit i ta maea,navai e hurika bakovi a ngatavine na tahuna iea ri nana na ni tora?Iau a taki maea matou,uka tara ni tora ge bele ne hurika bakovi a ngatavine na tahuna iea." ¹³ Muri i pe e hurika bakovi a ngatavine na aga,i lakea na tabekena dari lomu. ¹⁴ Hurika murimuri kama ri luhoi ni bole a bret turane ria.A bret i taku kunana i tabuli pololilo na aga. ¹⁵ Isu i takari ne ria maea,"Moto matadoko mule matou ne virika yis ne hurika Farisi turane Herot." ¹⁶ Hurika murimuri ri vataki mule ne ria maea,"Ia i ratea ra ngava,na rana a vuhuna te uka bret." ¹⁷ Isu i lohoka pali vona ara ngava to ratea,"Na rana mu ta na bret kimi tabuli?Matou kama moto lohoka o kama moto palala ma?Ni luhoi matou i kapo kunana? ¹⁸ Ioe o tahoka matamu,Pali komo matai e?Ioe o tahoka talingamu,Pali komo longo e?Ioe komo lohoia? ¹⁹ Tahuna iau a kevea a bret i lima na palane hurika 5000 a bakovi a ngatavine,i riva kulopi na bret mu tahoni?"Ri takia maea,"I ravulu taku a polona i rua." ²⁰ Na tahuna iau a keve a bret i polorua na palana e hurika bakovi a ngatavine ri ala 4000,mua i riva kulopi na bret mu tahoni?"Ri taki maea ia,"I polorua." ²¹ Re matou kama moto lohoka e?"Ia i nana ria. ²² Ri valai o Betsaida.Hurika bakovi a ngatavine vona hini nga ri bolea tara bakovi i kepa ri nana e Isu ge koria. ²³ Isu i nugua a limana bakovi i kepa,i bolea ru pea tanga iea ru vano.Tahuna i kalupea limanga i rua na matana,ia i nanea,"Ioe o kara ni matai ranga maki?" ²⁴ Ia i mata rike,i ta,"Iau a matai e hurika bakovi.Pali e virika kai manga ri laho." ²⁵ Muri i rua limana na matana,a bakovi i mata para,a matana i kamumu,ngane i matai kamumu tabu virika maki. ²⁶ Isu i rudua i lakea na tanga i takia,"Ioe nahani dili lakea na tanga dagi." ²⁷ Isu i pagitala turane hurika murimuri vona ne virika tanga lobo pololilo o Sisaria Pilipai.Na krukruna dala,i nana e hurika murimuri vona,"Hurika bakovi a ngatavine ri luhoi iau erei?" ²⁸ Ri koli a ni nana vona maea,"Ranga ri takia te Jon na Baptais.Ranga i ri takia te,'Ilaija,'Ranga ri takia,ti tara profet.' ²⁹ Ia i nana ria,"Pali matou moto takau, iau e erei?"E Pita i koli maea,"Ioe e Kristo." ³⁰ Isu i taki tora ria nahani rigi taki e huriki ranga maea ia e erei. ³¹ Isu i vakatubu ni tovo ria maea,Tune Bakovi dagi bari bole a ni mava i kupo.Hurika mugamuga hurika hetpris turane hurika bakovi ni lohoka na lo bara ri rabalakia.Pali na parava i tolu biri mahuri mule tabu. ³² Ia i ta kavakava maea.Muri e Pita i bole talea e Isu i tahatea. ³³ Pali e Isu i puloa i matai e hurika murimuri vona lakea i tahatea e Pita i ta maea,"Satan,o muri na bitogu!O uka ni luhoi ne Deo,ioe o luhoi kunana virika maki ne hurika bakovi a ngatavine." ³⁴ Muri i gale e hurika murimuri vona turane hurika bakovi a ngatavine,lakea i taki ria,"Ri tara bakovi i ngaru ni ramai iau,ge pe lobo e virika ni ngaru vona,ge kalohoa bolo vona ge muri nau. ³⁵ Erei i ngaru ni nugu tata mulea ni mahuri vona biri velu,erei i habi a ni mahuri vona na velenga kamumu turana ragu,ni mahuri vona biri tabuli kamumu. ³⁶ Ara ni kori a bakovi ge bole lobo virika maki vona malala iea,pali ia biri velu biri hale? ³⁷ Ara ge habia ge bole mulea ni mahuri vona? ³⁸ Erei a bakovi a ngatavine i maruhu nau i maruhu na ngavagu na tahuna iea,re hurika bakovi a ngatavine ri rata naro hale ri haba bito ne nau,Tuna bakovi Dagi tara biri maruhu ne ria,tahuna ia i valai biri turana harikinga ne tamana turana hurika engel ri kiripiripi."