¹ Hurika Farisi ri valai ni vapopo turane Isu,turane hurika bakovi ni lohoka ni here lo erei ri valai o Jerusalem. ² Ri matai ranga murimuri ne Isu ri kana bret turana limange ria i katoki,i maea,kama ri loi a limane ria rigi kani. ³ (Hurika Farisi turane hurika Jews,kama rigi kani bara ri loi taroa limane ria,ri nugu tatea ngavane hurika hamone ria bakovi dagi na tara ne ria. ⁴ Tahuna e hurika Farisi ri hamule na murina ni vangoli a maki,kama rigi kani bara ri hilolo taro.I tahoka ranga naro kama rigi polotaro pali ri ramai kamumu,a naro ni loi a kap,a ulo,a maki ni rata na kopa turana dede ni made.) ⁵ Hurika Farisi turane hurika bakovi ni lohoka ni herena lo ri nana e Isu maea,"Navai e hurika murimuri vomu kama ri ramai malimali virika narone huriki hosi turana bakovi i dagi,navai ri kani kama ri loi a limane ria?" ⁶ Ia i taki maea ria,"Aisaia i rata ngava kavakava pali maea matou a tara ni tatami,i here i ta,'Hurika bakovi a ngatavine nga ri ta kunana na ngavane ria pali a tamudine a ni luhoi ne ria i tabuli basi hateka ne nau. ⁷ Ri vasileki tavula ne nau,ri kara ni tovo a narona lo na bakovi manga hini i taki e Deo. ⁸ Ioe o rupuru a lo e Deo o nugu tatea virika lo ne huriki hosi a narona bakovi." ⁹ Ia i ta maea,"Matou a bakovi a ngatavine ni rata hini hale turana ni malai ni ramai a lo e Deo lakea o nugu tatea ni luhoi ne huriki hosi i tabana ni tabuli" ¹⁰ Moses i ta,Mu longo toto a ngavane tamane matou e kinane matou;turane,'erei a bakovi i rata ngava hale ne tamana ne kinana,bara ri mate.' ¹¹ Pali ioe o ta,'Ri tara bakovi ge takia e tamana o e kinana maea,"Ara ni kori ioe o bolea ne nau manga ni habi i habi ne Deo,"Ni taki maea, o habi ne Deo'. ¹² Mavonga o rua pali ge rata maka maki e tamana o e kinana. ¹³ Ioe o ratea lo ne Deo o rata vorokia virika naro hosi boro rupuru.Turana a naro i kupo o rata." ¹⁴ Ia i gale hurika bakovi a ngatavine rikupo i taki maea ria,"Mu longo kamumu virika ngavagu,mu ru kamumu lobo na ni luhoi ne mua. ¹⁵ Uka tara maki ge tabuli polovavo na bakovi ge ratea ge katoki na tahuna i dili na tamudina.Ara maki tabuli pololilo i pagitala biri ratea i katoki." ^{16 17} Ngane na tahuna e Isu i pe e hurika bakovi a ngatavine i dili na ruma e hurika murimuri vona ri nanea ge taki ria na ni ta vakakika. ¹⁸ Lakea e Isu i ta,"Matou moto manga e hurika bakovi ri uka niluhoi kamumu?A ni luhoi maea matou kama moto matai maea ara maki i tabuli polovavo na bakovi tara ge dili pololilo keme ge ratea ge katoki, ¹⁹ Ra ni katoki iea keme ge dili na tamudina muri ge pori na dala ni koko."Turana ra ngava i ratea e Isu virika maki ni kani i matapado ni kani. ²⁰ Ia i ta,"I manga maki i pagitala na tamudina bakovi i ratea i katoki. ²¹ Lakea ra bakovi iea ara maki i tabuli pololilo na tamudina i pagitala vona,i kara ni vaka bele a ni luhoi hale,naro ni ngoi,bakovi ni panaho,ni rabalaki a bakovi i mate, ²² O turari a ngatavine a girihina bakovi tara o a ngatavine i turari a bakovi a girihina ngatavine tara,o nutu na maki na viri rana,o tero,o rata ni ta tatami,a naro ni bage,o hareharogi,naro ni bibi rike mule vomu kunana,ni rata naro manga manga. ²³ "Virika naro nga biri rata bakovi bari katoki." ²⁴ Ia i pea hini nga i lakea na malala ne hurika Taire turana Sidon.Ia i dili vona tara ruma kimi ngaru e huriki a bakovi rigi matakilalea maea ia i made vona hini nga,Pali i keri lae ni kapiloho. ²⁵ Pali i laviriri hateka tara ngatavine erei e tuna i tahoka spirit hale-ra ngatavine iea i longoa velenga ne Isu ne hurika tara ranga i valai pasike puru tabukoi na vahane Isu. ²⁶ Ngane ra ngatavine iea i valai o Grik,ia na tara o Fonisia.Ia i nana e Isu ge lili tala spirit hale ge pagitala ne tuna koma ngatavine. ²⁷ Isu i taki maea ia,"O ru e hurika koma rigi kani taro.Na rana kimi kamumu go bole a bret na koma go voroki lakea na ligo." ²⁸ Pali ra ngatavine iea i koli maea ngavane Isu,"Muholi,o Viridagi,pali e virika ligo ri kara ni made polotano na dede ni kani a luluna maki ni kani ne hurika koma i boru puru na dede." ²⁹ Ia i takia,"Mavonga ioe o ta,o vano malimali.Ra spirit hale i pea pali e tumu a koma ngatavine." ³⁰ Ia i hamule lakea na ruma i matai maea e tuna i tabana ni mahita na kiri,a spirit hale kimi tabuli tabu vona. ³¹ Isu i hamule tabu na malala ne Taire i lakea i bele o Sidon na dari o Galili pololilo na malala ne Decapolis. ³² Ri bole vilia vona tara bakovi i vou i ngava rubu,ri nana torea e Isu ge ru langa limana vona ra bakovi iea. ³³ Isu i bole talea na hini i kupo e hurika bakovi a ngatavine rua kekeri ru made,i bolea limana i rudilia na talingana,i kalupe puru na limana i ravua na tabelena. ³⁴ Isu i mata rike na hunu;Ia taravango dagi i ta maea,"Efata,"Ia i ta maea,"Ioe o longo!" ³⁵ Isu i ratea talingana ngane i lobo ni vou,i laviriri ara maki i nugu tata tabelena i velu,lakea ngane i ta pagapaga. ³⁶ Ia i taki ria nahani rigi taki e huriki ranga.Pali a tahuna e Isu i taki ria rigi ngava rubu nahani rigi ta,kama ri longoa ri ta vilihui. ³⁷ Ri turutu hateka,ri ta,"Ia i rata virika maki kamumu i kupo.Ia i rata e hurika vou ri longo a ngava hurika ngava rubu bara ri ta tabu.