¹ Ia i pea hini nga i lakea na tanga dagi ne vona,lakea e hurika murimuri vona ri muri vona. ² Tahuna a parava na sabat i bele,pali ia i dili na ruma na ni vasileki ne hurika Juda i tovo e hurika bakovi a ngatavine.Kupo e hurika bakovi a ngatavine ri longoa hini i tovo ria ri turutu.Ri ta maea,"I bolea vai re virika ngava nga?""I bolea vai ra ni luhoi kamumu iea?""Ara ni ta vakabele i rata na limana?" ³ "Ra bakovi iea kimi ia bakovi ni rata ruma,tune Maria a koma bakovi e turane Jems e Jos e Judas turane Simon?E korobana kimi made turane teu?"Ri tamudi mava ne Isu. ⁴ Muri e Isu i taki e hurika bakovi a ngatavine maea,"Hurika profet ri bole a rana dagi na hini ranga kunana.Ria kama ri bole a rana dagi na tanga dagi ne ria kunana,hurika tara ne ria kabu ne ria. ⁵ Ia kimi kara ni rata leho dagi,pali ia i kara ni ru langa limana ne hurika bakovi a ngatavine ri giloa biri vaka mahuri ria. ⁶ Ia i turutu hale,na rana,ria kama ri luhoi tora.Lakea rigi muri vona ne virika tanga lobo ni tovo e hurika bakovi a ngatavine na ni tane Deo. ⁷ Lakea i gale a murimuri vona i ala ravulu taku a polona i rua i rudu rua rua ria.Ri vano ni taki a ni tane Deo.Lakea e Isu i habi a ni tora langa ne ria ni lili tala spirit hale, ⁸ Lakea i taki maea ria,"Nahani bolea tara maki ge manga pou na moni,bret turana hole ni laho,pali mu nugua kai ni laho." ⁹ Rodo kunanea sendal nahani rodoa maki ge marape ge rua. ¹⁰ E Isu i taki maea ria,"Na ara tabeke mu lakea mu made pololilo vona tara ruma,pali mu made vona hini nga i vano bara mu pea mu vano. ¹¹ Pali ri tara tanga dagi kimi bole matou o kimi longoa ngavane matou,pali ra hini motogo pea ra tanga,mu puraki vorokia habulo na sendel matou manga ni vakasiri vomu ne ria ¹² Ri pagitala ri taki e hurika bakovi a ngatavine rigi habi a bito na naro hale ne ria. ¹³ Ri lili tala a spirit hale i kupo lakea ri guru langa wel na gine hurika bakovi a ngatavine ri giloa ri vaka mahuri ria na gilanga ne ria. ¹⁴ King Herot i longoa ra nuverei iea,lakea ra rane Isu i bele kavakava hateka.Ranga ri ta maea,"Jon na Baptais i pesi rike na tanga ne huriki ri mate pali,lakea ia i tahoka ni tora ni rata re virika ni tora nga." ¹⁵ Huriki ranga ri ta maea,"Ia e Elijah,"ranga ri tabana ni ta maea,"Ia tara profet i made paru hosi." ¹⁶ Pali na tahuna e Herot i longoa ra ngava iea,ia i ta maea,"Iau a tolokudua gine Jon na baptais,lakea i pesi rike mule." ¹⁷ Herot i rudu e hurika bakovi ri nugu tatea e Jon na Baptais ri rua na bavi.Na rana,ia i ngaru ni parani ne Herodias,girihina turana,e Pilip. ¹⁸ Jon i taki maea e Herot,"Kimi kamumu hini go bolea a girihina turamu.." ¹⁹ Pali e Herodias i mava tamudina ne Jon i ngaru ni rabalakia,pali kimi tora, ²⁰ Herot i maegege ne Jon.Ia i lohoka maea,Jon tara a bakovi malamala i mata pado.Lakea e Herot i matakari kamumua.Tahuna e Herot i longoa ngavane Jon,ia i tamudi mava hateka,pali ia i vivi ni longo virika ngavana. ²¹ Pali muri,na parava i podea e kinana e Herot i rata maki ni kani dagi ne hurika ofisa vona turane hurika mugamuga na nugu maheto turane hurika mugamuga o Galili. ²² Tune Herodias a koma ngatavine ia i valai i raulo na matane ria.Ia i vaka vivia e Herot turane hurika bakovi ri valai ni kani.Lakea e Herot i taki maea ia,"Ioe o nanau na ara maki o ngarua,bara habia vomu." ²³ Herot i ta gamai ne vona maea,"Ara o nanau vona,bara habia vomu.O nanau na harikinga nau." ²⁴ Lakea ia i pori polovavo i taki maea e kinana,"Ga nana navia e King?"E kinana i ta,"Nanea na gine Jon na Baptais." ²⁵ Lakea i laviriri mule ne King i nana maea ia ,"Iau a ngaru togo habia nau a mapane Jon na Baptais na kai a dis o habia nau." ²⁶ Pali ia i ramai a ngavana na rana,ia i ta gamai ne vona pali na matane hurika bakovi ri valai na ni kani. ²⁷ Lakea e King i rudua tara nugu maheto vona,i takia ge bole vilia vona mapane Jon.Lakea a nugu maheto i lakea na bavi i palakudua a gine Jon i bole vilia vona. ²⁸ I bole vilia a mapane Jon na dis dagi tara i habia na koma ngatavine e tune Herodias i vano i habia ne kinana. ²⁹ Tahuna e hurika murimuri e Jon ri longoa ra ngava iea,ri valai ri bolea kakaine Jon ri rua na tanga ne huriki ri mate. ³⁰ Pali,e hurika murimuri ri hamule ne Isu ri takia ne virika maki ri rata ni tovo e hurika bakovi a ngatavine. ³¹ Muri e Isu i ta maea,te lakea na tanga i uka bakovi te malo papote vona.I navai i kupo e hurika bakovi a ngatavine ri lakea lakea i uka ni malo. ³² Lakea ri rike na aga ri lakea na tanga i uka bakovi. ³³ Pali e huruka bakovi a ngatavine ri matai ria ri vano kupo ri matakilala ria.Ri valai na vahane ria ne virika tanga dagi ri bele muga na tanga ge lakea vona e Isu. ³⁴ Tahuna ri bele na gagana naru,Isu matai e hurika bakovi a ngatavine ri kupo ri vapopo ri made.Isu i matai ria i dodo hateka ria.Na rana?Ia i matai maea ria,sipsip i uka matakari i vakatubi ni tovo ria na maki kupo. ³⁵ Tahuna i puru a haro,hurika murimuri e Isu ri valai ri taki maea ia,"Ra tanga iea i uka bakovi a ngatavine ge kupo i papote ge uvo a hini. ³⁶ O rudu ria lakea na tanga dagi ne hurika tara ri tabukoi ne ria,rigi matakana maki ni kani ne ria." ³⁷ Pali e Isu i koli mule ria maea,mu habi ne ria maki ni kani.Ri taki maea ia,"I kara mia migi vano migi kona bret a harena biri manga 200 silva koin mu habi ne ria rigi kani. ³⁸ Lakea e Isu i nana ria,"I riva bret mu tahoka?"Mu vano mu matai.Tahuna ri matai pali,ri ta maea,"mia mi tahoka bret i lima a manu i rua." ³⁹ Ia i taki e hurika bakovi a ngatavine rigi made vapopo langa na kukuni. ⁴⁰ Ri made vapopo maea ri 100 ranga ri 50 ranga. ⁴¹ Isu i bole a bret i lima turana manu i rua,pali i mata rike na hunu i ta gamai.I keve a bret i habi ne hurika murimuri vona rigi habi ne hurika bakovi a ngatavine.Manu i rua ranga i rata mavonga tabu i habi ne ria. ⁴² E hurika bakovi a ngatvine ri kani ri maru. ⁴³ E hurika murimuri vona ri ru palupu a maka kalavana maki ni kani lakea ri tahoni a kolopi i ravulu taku a polona i rua lakea ri rata mavonga tabu na manu. ⁴⁴ Ni gi ne hurika bakovi i kara maea 5,000. ⁴⁵ Malaviriri kunana e Isu i taki e hurija murimuri vona ri rike na aga ri muga lakea na gagana tanga dagi o Betsaida.Lakea ri rudu e hurika bakovi a ngatavine ri vano. ⁴⁶ Na tahuna ri vano pali,lakea ia i sike na lolo ni vasileki. ⁴⁷ A uvo i puru pali,a aga ne tou i pasi pali ba kurukuruna dari,e Isu kikeri ia na lolo. ⁴⁸ E Isi i matai tou to tuhamoko ni vorea aga ne tou.A vuhuna,vilu dagi i kope laea aga ne tou.Pali popote na uvo ge puru e Isu i laho langa na dari ge muga tou. ⁴⁹ Na tahuna to mataia e Isu i laho lang a na dari.Ri luhoi maea,maga hanitu lakea ri haloho. ⁵⁰ A vuhuna,ri mataia ri mangenge hateka.Malaviriri kunana e Isu i taki tou maea,"a tamudine matou ge tabuli puruma.Iau kunana,moto nahani mangenge." ⁵¹ E Isu i rike turane tou na aga lakea a vilu i tabuli puruma.E hurika murimuri vona ri masia ra makea lakea ri turutu. ⁵² E hurika murimuri vona kama ri lohoka kamumu vona a bret.Manga hini a tamudine tou i tora. ⁵³ Na tahuna to polokudua pali a dari lomu.To bele na malala ni gale e Genesaret lakea to rua na gagana naru a aga ne tou. ⁵⁴ Na tahuna to pagitala na aga lakea e hurika bakovi a ngatavine ri matakilala tou. ⁵⁵ Ri nunu lakea ne virika tabekena tanga lobo ri bole e hurika bakovi a ngatavine ri giloa lakea ne Isu. ⁵⁶ Ne erei a tabekena tanga o na tanga dagi,ri vakamade e hurika bakovi a ngatavine ri giloa lakea ri nanea e Isu ge longo rigi nugu kunanea varikia vona.Mange hurika bakovi a ngatavine ri giloa ri rata maea lakea ri mahuri.