¹ Ri bele na tabekena dari tara,na tanga ne Gerasens. ² Tahuna e Isu i pea a aga i pori na krukruna hini nga a bakovi i tahoka spirit hale i bele vona. ³ Ra bakovi iea i kara ni made na tanga ne huriki ri mate pali.I uka tara bakovi i kara ni nugu tatea,a sen tara keme ge nugu tatea. ⁴ Ri nugua pali ri kolotatea bloko kupo turana ain a sen.Pali ia i kinikudu virika sen i kiriroko ain ranga i kiroko liu.I uka tara bakovi ge tora ni rupurua. ⁵ Virika rodo a haro pololilo na tanga ne huriki ri mate pali pololilo ne virika lolo,ia i ni tani,i ta dagi i pala mulea kulina turana virika kedo i vere. ⁶ Tahuna ia i matai basia e Isu,i nunu lakea vona i pasike puru na vahana. ⁷ Ia i tangi turana ni gale dagi,"Iau ga rata ara ne vomu,Isu,Tune Deo polomeli liu?Iau a nanoe na rane Deo kunana,nahani habia ne nau a ni madihi." ⁸ Lakea e Isu i taki maea ia,"O pea ra bakovi iea o pagi tala vona,ioe a spirit hale." ⁹ "Lakea e Isu i nanea,erei a ramu?"Lakea ra bakovi iea i koli maea,"A ragu e ami,na rana mia mi kupo." ¹⁰ Ra bakovi iea i nana kupoa e Isu nahani ge rudu tala ria vona tanga iea. ¹¹ Ngane i tahoka e virika boro ri kani polomeli na lolo kroko. ¹² Re virika spirit hale nga ri taki maea e Isu,"Rudu mia migi dili na boro,o rudu mia migi dili ne ria." ¹³ Pali ngane i longo ne ria;virika spirit hale ri pagitala na bakovi iea ri dili na boro,virika boro ri nunu laviriri puru na lolo kiroko ri pori na dari,i popote ge 2,000 a boro i mate pololilo na dari. ¹⁴ Muri re hurika tara ri habi a maki ni kani na boro ri nunu lakea ne virika tanga dagi virika tanga polovavo na tanga dagi ri vaka longo ara maki bele,lakea e hurika bakovi a ngatavine ri lakea vona hini nga rigi matai ara maki bele. ¹⁵ Muri ri valai ne Isu,ri masia ra bakovi i dili vona virika spirit hale,a bakovi erei i made pololilo vona e ami,i made,i rodoa varikinga vona i made turana ni luhoi kamumu tabu;lakea e huriki ri mangege. ¹⁶ Erei e hurika tara ri matai ara maki bele vona ra bakovi virika spiri hale ri tabuli vona,ri taki virika maki i bele vona ri taki tabu ria vona ara maki bele ne virika boro. ¹⁷ Muri ri taki tabua ge pea tanga ne ria. ¹⁸ Tahuna e Isu i rike na aga,ra bakovi tabuli vona spirit hale,i nanea e Isu ge vano turana. ¹⁹ Pali e Isu kimi longo vona,i taki maea ia,"Lakea na ruma vomu ne hurika turamu o taki ria na ara maki e Viridagi i rata vomu,na ara dala e Viridagi i vakasiri a ni dodo vona ne vomu." ²⁰ Lakea ra bakovi i tabuli vona spirit hale i vano i vakatubu ni taki e huriki na ara maki dagi i rata e Isu vona pololilo ne virika tanga dagi,e huriki lobo ri longoa ri matapara turana ni vivi dagi hateka na ara maki i bele vona. ²¹ Tahuna e Isu i lakea na tabekena dari tara,pololilo na aga a palulune hurika bakovi a ngatavine ri made haluia, tahuna ia i made pololilo na ni tarebo rike na dari. ²² Lakea muri tara bakovi ni matakari a ruma ni vasileki ne hurika Juda,rana e Jairus,i valai ni matai e Isu i boru puru na vahana. ²³ I nana tabu e Isu i ta,"E tugu a koma ngatavine kiroko i popote ge mate.Iau a nanoe,o valai o ru langa limamu vona ge kamumu ge made mahuri." ²⁴ Lakea e Isu i vano turana,hurika paluluna bakovi a ngatavine ri ramai e Isu ri valai vona ri pesi haluia. ²⁵ Ngane i tahoka tara ngatavine i made i tahoka gilanga ni dara polopolo na pida ravulu taku a polona i rua. ²⁶ I hataki hateka ni madihi i matai hurika dokta ri kupo,virika mahala vona i lobo,pali kimi mahuri ia i bele dagi hateka gilanga vona. ²⁷ Tahuna ra ngatavine i longo a nuverei e Isu,i muri valai ne Isu pololilo na bohone huriki i nugua varikia vona. ²⁸ Ra ngatavine iea i ta maea,"Pali ri iau ga nugu kunanea varikinga ne Isu bara mahuri." ²⁹ Tahuna ia i nugua e Isu,a dara kama i tua,i hatakia pololilo na kakaina i lobo a gilana vona. ³⁰ Laviriri kunana pololilo vona e Isu i hatakia a ni tora vona i malaharuri tala vona.I puloa na palane hurika bakovi a ngatavine i ta maea,Erei i nugua varikinga nau?" ³¹ Hurika murimuri vona ri taki maea ia,"Ioe komo matai e hurika bakovi a ngatavine ri pesi halui ioe o ta mavonga ke,'Erei nugau?"' ³² Pali e Isu i mata viliha lae ne erei i nugua. ³³ Ra ngatavine i mata kilalea ara maki bele vona, i manegneg hateka i vakulu.I valai i boru puru na matane Isu i takia vona na ara ngava muholi na ara maki i bele. ³⁴ Lakea e Isu i taki maea ia,"Tugu,ni luhoi tora vomu i ratoe o mahuri.Ioe o vano turana ni tamudi puru ma o mahuri pali i lobo a gilanga vomu." ³⁵ Tahuna e Isu i tabana ni ta,hurika tara ranga ri valai na mugamuga ni matakari a ruma ni vasileki,ri ta maea,"Tumu a ngatavine i mate pali,nahani habi a ni mava na vinara?" ³⁶ Pali e Isu i longoa pali ara maki to takia,i taki e hurika mugamuga na ruma ni vasileki maea,"Nahani manegenge,Mu luhoi tora kunana." ³⁷ Ia kimi ngaru hurika bakovi a ngatavine rigi muri vona,ia i longo ne Pita,Jems turane Jon,e tarine Jems. ³⁸ Ri valai ri bele na ruma na mugamuga na ruma ni vasileki i masia ra hini nga e hurika bakovi ri roro;ri tani dagi hateka. ³⁹ Tahuna ia i dili na ruma,i taki maea ria,"Navai mu dodo mu tani?Koma kimi mate pali ia i mahita." ⁴⁰ Ri nongo vakia.Pali e Isu i taki ria ri made lobo polovavo na ruma,ia i bole tamana e kinana koma turane erei ri made turana,ri dili na hini tabuli vona koma. ⁴¹ Isu i bolea a limana koma i taki maea ia,"Talita,koum,!"bara te puloa ra ngava iea biri manga kunana maea"Ngatavine kiroko,iau a takoe,o pesi," ⁴² Laviriri hateka i pesi rike a koma i laho (Ra koma ngatavine i tahoka a pida i ravulu taku a polona i rua).Laviriri e hurika bakovi a ngatavine ri turutu ri vivi dagi hateka. ⁴³ Lakea e Isu i ta dagi ne ria maea nahani ge lohoka tara ranga vona hini nga.Muri e Isu i taki ria rigi habi a maki ni kani vona koma ge kani.