¹ E Isu i vakatubu ngava vinara ne hurika tara a bakovi a ngatavine na ni tarebo rikena dari.Muri i pagi rike vona tara aga i pasi na dari lakea i made vona.A palulune hurika bakovi a ngatavine ri made na dari ri longoa. ² Isu i kupo a vinara i habi ne hurika bakovi a ngatavine na ni ta vakakika,pololilo na vinara ne vona i lakea ne ria,ara makea i takia ne ria. ³ "Longo,bakovi ni leho na hania i pagi tala ni varo a vutuna kai vona. ⁴ Tahuna ia i varoa a vutuna kai,ranga vutuna kai i boru langa na dala i valai a kadirovo i kani ranga vutuna kai. ⁵ Ranga vutuna kai i boru langa na malala i tahoka kedo i uka malala ge kupo vona.Ra vutuna kai nga ri rike laviriri hateka a vuhuna ra malala nga kimi puru hateka ⁶ Pali a tahuna a haro i rike valai,i gutu ria,na rana kana vutuna kai kimi rako puru na malala,lakea ri kere lobo. ⁷ Ranga vutuna maki ni kani i boru puru na palana mota padipadi.Ra mota padipadi i rike i bimomo puru ra tuna maki ni kani. ⁸ Ranga vutuna kai i boru langa na malala kamumu i vua i kupo.Maki ni kani i vua maea ranga i ravulu tolu ranga i ravulu polotara ranga i 100-pela. ⁹ Muri i ta maea,erei i tahoka tulina ni longo,o rua ge longo! ¹⁰ Tahuna e Isu i tabana,hurika tara ri made tabukoi vona turane hurika murimuri vona i ala ravulu taku a polona i rua ri nanea ara vuhuna ra ngava i ta vakakika. ¹¹ Ia i taki maea ria,matou moto bolea pali a ni luhoi kapiloho na harikinga ne Deo.Pali ne erei a tara ri made polovavo,virika maki lobo i tabuli na ni ta vakakika. ¹² Mavonga na tahuna ri matanono,pali bara ri matanono kunana kama rigi matavisi,na tahuna ri longo,bara ri longo tavula kunana kama rigi mata kilala.Maga ri mata kilala bara ri mapulo ri hamule ne Deo biri puga a potu ne ria. ¹³ Muri ia i taki maea ria,kama mu mata kilalea vuhuna ni luhoi na ngava ni ta vakakika?Maga motogo mata kilala ne virika vuhuna ni luhoi ne virika ni ta vakakika ranga. ¹⁴ Bakovi ni leho a hania erei i varo a vutuna maki ni kani,ia i manga bakovi i varo a ni tane Deo. ¹⁵ Re virika vutuna kai nga ri boru puru na dahana dala,i maea,a ngava i valai na tahuna ri longo,laviriri kunana satan i valai i bole talea ngava i tabuli pololilo ne ria. ¹⁶ Re virika vutuna kai i boru langa na malala i kupo a kedo i maea,hurika tara a bakovi a ngatavine ri longoa ngava iea ri bole laviriria turana ni vivi. ¹⁷ Ri uka kane ria ge puru na malala lakea i tabuli papote kunana.Muri na tahuna ni mava ni toni i bole ria na ranga ngava kimi tabuli pololilo ne ria,laviriri kunana ri boru vona virika ni mava a ni toni. ¹⁸ Ranga virika vutuna kai i boru langa na palane virika mota padi pabi,ri longoa ni tane Deo, ¹⁹ Pali a ni ngaru vona malala,a naro ni tatami ni ngaru a mahala vona malala turana ni hate rike na maki kupo i dili i kaftagua ni tane Deo,kimi vua. ²⁰ Muri ra vutuna kai nga i boru langa na malala kamumu,hurika tara erei ri longoa ni tane Deo ri bolea ngava,ri vaka bele maki ni kani.Ranga i vua i ravulu tolu ranga i vua i ravulu polotara ranga i vua i 100-pela i rede a viri ri varoa. ²¹ Isu i taki maea ria,"matou moto bolea maki ni para i dili na ruma mu rua na kulopi o polotano na kiri?Matou moto kara ni bolea maki ni para mu ru lanea na kai na maki ni para." ²² Na rana,uka tara maki ge tabuli kapiloho kama rigi palala vona,i uka tara maki rigi rahiloloa keme ge bele kavakava. ²³ Mavonga ri ranga rigi tahoka talingane ria ni longo,rigi longo ria. ²⁴ Ia i taki maea ria,"rua talinamu o longoa,na ara harena o pasia,na harena nga bari pasoe boro polomeli liu. ²⁵ Na rana erei tahoka,ne vona bara ni habi i kupo erei uka,bara ni rata voroki a maki tahoka. ²⁶ I ta maea tabu,"Harikiaga ne Deo i manga tara bakovi i varo a vutuna kai vona na malala." ²⁷ Ia biri mahita vona rodo i hadongo na haro,pali a vutuna kai biri gaga rike i rike.Ia kimi lohoka vona ara dala ra hini nga i bele. ²⁸ Malala ia kunana i vaka bele mulea vona maki ni kani,muga i vaka bele taroa pagana muri a kanena muri ma i vaka bele tabua kanena i rike i dagi. ²⁹ Tahuna i moro a maki ni kani,bakovi ni leho a hania biri kara ni rudua naip biri tolotalea, a maki ni kani i moro pali bara ni bole." ³⁰ Ia i ta maea tabu,"na rana a maki bara kilakila ne teu na harikinga ne Deo.Ara ni ta vakakika tege ratea ge bele kavakava harikinga ne Deo? ³¹ Ia i manga tara tuna vutuna kai na tahuna ni varo,i kiriko hateka ne virika tuna maki ni kani na malala. ³² Pali,tahuna ri varo,biri rike hateka i polotaroa virika kai turane virika kukuni na hania.Biri vakabelea a rahana kai dagi ne virika kadirovo bara ri valai ri rata ruma vona." ³³ Turana ni ta vakakika i kupo,ia i takitala ngavane Deo ne ria maea rigi kara ni matakilaka, ³⁴ E virika ngava lobo vona i lakea ne ria,i kupo virika ni ta vakakika.Pali,tahuna ia i tabaka turane hurika murimuri,ia i taki kavakava tala virika vuhuna ni ta vakakika. ³⁵ Na parava iea a malunga i valai,ia i taki ria,"te lakea na gagana dari lomu." ³⁶ Lakea ri hataro hurika tarana bakovi a ngatavine ri bolea e Isu i vano turane ria,a vuhuna e Isu i made turane ria pali na nga.Ranga nga i vano turane ria. ³⁷ Muri kunana vona,tara vilu dagi i bele lakea dari i rere valai i dili liu na nga i popote ge vonu a nga. ³⁸ Pali,e Isu kerikeri i mahita na bitona nga.Hurika murimuri vona ri vangoa ri ta,"Vinara,ioe komo matakilala mateu papote bara mete mate?" ³⁹ Ia i pesirike i pula vona vilu i taki maea dari,Malilo!Nahani rere!"Muri kunana,vilu i lobo liu a dari tara i malilo. ⁴⁰ Muri i taki maea ria e hurika murimuri,"Navai mu mangenge?Mu uka ma ni luhoi tora?" ⁴¹ Hurika murimuri ri vonu ne ria manenea dagi ri ta mule ne ria maea,"Ia erei,a vilu turana dari ru longo totoa ngavana?"