¹ Na parava tara na Sabat Isu i dili pololilo na ruma ni vasileki ne hurika Juda,tara bakovi erei i mate a limanga ia i made vona hini nga. ² Ranga bakovi ri ru a matane ria ne Isu ge kara ni koria na parava na Sabat.Re hurika tara nga ri vorokana dala ni kotimia. ³ Isu i takia ra bakovi i mate a limanga,"o pesirike o pesi na palane hurika bakovi." ⁴ Muri i nana e hurika bakovi a ngatavine,kimi kara ni rata kamumu na parava na Sabat,o habi a ni hale;ni kori a ni mahuri,o go rabalakia?"Pali ria ri made madoru. ⁵ Isu i matai ria turana ni tamudi hale,lakea i dodo tabu ria na rana,i tora a tamudine ria.Lakea i takia ra bakovi iea,o rata kamumua limamu o tototala."Ra bakovi iea i rata kamumua a limana,lakea e Isu i vaka mahuria. ⁶ Tahuna e hurika Farisi ri matai a hini nga,ri lakea laviriri ne hurika tara ne Herot rigi ta palupu ni rabalaki e Isu. ⁷ Muri na hini nga,Isu i lakea na dari turane hurika murimuri vona.Pali i kupo e hurika bakovi a ngatavine o Galili o Judea, ⁸ Iea o Jerusalem iea o Idumea lakea na tabekene Jodan hurika tara pololilo o Taia turane hurika Sidon ri ramai.Kupo e hurika tara ri longo ara maki i rata e Isu lakea ri valai vona. ⁹ Isu i taki e hurika murimuri vona rigi rua tara aga kiroko a vuhuna i kupo hateka hurika bakovi a ngatavine rigi masia,bara ri tabukoi hateka ri kopea. ¹⁰ I vaka mahuri e hurika bakovi a ngatavine ri kupo,e huriki a tara erei ri tahoka gilanga i kupo ri valai tabukoi vona,na rana ri luhoi ni nugua. ¹¹ Tahuna e virika spirit hale ri masia,ri boru na matana ri gale ri ta maea ,"Ioe tune Deo a koma bakovi." ¹² Pali ia i ta tora ne ria nahani rigi ratea ge kavakava. ¹³ I sike na lolo i gale hurika tara ia i ngaru ria rigi valai vona. ¹⁴ Vonga i pasi a bakovi i ala ravulu taku a polona i rua i lakea i gale ria a murimuri,lakea bara ri made turana biri rudu ria ni takitala velenga kamumu, ¹⁵ I habia ne ria a ni tora dagi rigi lili tala spirit hale. ¹⁶ I pasi a murimuri vona i ala ravulu taku a polona i rua,e Saimon i galea a rana,e Pita; ¹⁷ Jems tune Sebedi,Jon e tarine Jems(i rua a rana e Boaneges,a vuhuna ni gale maea a tuna bakovi na hunu i bikruru); ¹⁸ Turane Andru,Pilip,Batelome,Matiu,Tomas,Jems,tune Alpeaus,Tadeus,Saimon erei ri galea e Selot, ¹⁹ Turane Juda Iskariot,a bakovi i habi e Isu na limane hurika pile. ²⁰ Muri i hamule lakea na ruma,i kupo e hurika bakovi a ngatavine ri vapopo ri kupo hateka kimi kara ria bret rigi kani. ²¹ Tahuna e hurika tara vona ri longoa hini nga,ri vano rigi tulia,ri ta maea,"Ra ni luhoi vona kimi kamumu." ²² Ranga e hurika bakovi ni lohoka ni here a lo ri valai o Jerusalem ri ta,"Belsibal i made pololilo vona,ra bakovi i muga virika spirit hale ia i kara ni lili tala spirit hale." ²³ Isu i gale valai ria vona i ta na ni ta vakakika,navai re satan ia ge lili talea e satan? ²⁴ Pali ri tara harikinga i vapida tabeke rua rugu vatepu mule ne rua,ra harikinga iea keme ge pesi. ²⁵ Pali ri tara ruma ge mapuka ge tabeke rua,ra ruma iea keme ge pesi. ²⁶ Pali re satan ge pesi ge tepu mulea,keme ge pesi,biri lobo liu. ²⁷ Pali tara bakovi keme ge dili na ruma na bakovi i tora ge panaho a mahala vona,ge kolotata taroa limana vahana ra bakovi i tora hateka.Muri ge panaho a mahala vona na ruma. ²⁸ Muholi hateka iau a taki matou,maka sin e hurika bakovi a ngatavine ri rata ri ta padikede ne Deo,e Deo biri puga voroki a sin ne ria. ²⁹ Pali erei i ta padikede na hanu kiripiripi,Deo keme ge puga sin ne ria;sin biri tabuli vakaroro vakaroro. ³⁰ Isu i rata ra ngava nga narana hurika bakovi ri ta,"ia i tahoka spirit hale i tabuli vona." ³¹ Kinana e turana mai ri valai ri pesi polovavo,to rudua tara bakovi i gale poria. ³² Kupo e hurika bakovi a ngatavine ri made haloia e Isu ri takia,"e kinamu e turamu mai i davoe polovavo ri mata kanoe." ³³ Ia i taki ria,"Erei e nana e hurika turagu?" ³⁴ I matanono e huriki ri made haloia i ta,"Masia,huriki nga e nana e turagu mai! ³⁵ Muholi hateka erei i ramai a ni ngaru e Deo,ra bakovi a ngatavine nga a turagu,e korobagu e nana."