¹ Muri na parava e Isu i hamule lakea o Kaperneam,hurika bakovi a ngatavine ri longo maea ia i made pololilo na ruma. ² I kupo e hurika bakovi a ngatavine ri valai ri vapopo uka ruma pololilo i polovavo na ni hebi ngi rana i uka tabekenga ruma.Isu i takitala velenga kamumu ne ria. ³ Ranga tara ri valai ne Isu ri bolea tara bakovi i mate a vahana a limanga;a bakovi i ala va to rua na kiri to kaloho vilia. ⁴ Kama ri kara ni dili na ruma na rana i kupo e hurika bakovi a ngatavine ri vapopo,lakea to rike polomeli na ruma,to pukea ruma to rupurua kiri,turana bakovi a vahana,limana i mate pali i puru na hini pesi vona e Isu. ⁵ Isu i matai a ni luhoi tora vona ra bakovi nga i ala va lakea i takia a bakovi i mate vahana a limana,"Tugu,iau a puga voroki pali a sin vomu." ⁶ Pali i tahoka ranga bakovi ni lohoka ni here a lo ri made na tabeke hini ri leho ni luhoi pololilo na tamudine ria, ⁷ "Ra bakovi iea navai i ta maea?I ta biu e Deo!I uka tara bakovi ge puga sin,e Deo i taku kunana? ⁸ Laviriri e Isu i lohoka vona tamudine ria ara ri luhoia na palane ria,lakea i taki ria,"Navai moto luhoi ra ngava i tabuli pololilo na tamudine matou?" ⁹ Ge navai a hini maluvi nau ga taki vona ra bakovi i mate a vahana limana,'ga puga sin vomu'o ga takoe'o pesi o pilu rike a kiri vomu o laho'? ¹⁰ Pali matou moto lohoka maea a tuna bakovi i tahoka ni tora vona malala iea pali ia i kara ni puga sin,Ia i takia ra bakovi a vahana a limana i mate pali maea," ¹¹ Iau a takoe,pesi,o bolea moke vonu,vano o lakea na ruma vomu." ¹² I pesi rike laviriri i pilua moke,i laho tala na ruma na matane huriki lobo.Lakea ri turutu ri kuvurikea a rane Deo,ri ta maea,"Mateu kama mete mataia tara maki ge maea." ¹³ Isu i pea tanga nga i lakea na dari lomu,a palulune hurika bakovi a ngatavine ri valai vona,lakea i takitala velenga kamumu ne ria. ¹⁴ Tahuna ia i laho lokovonga,ia i masia e Livai tune Alfius,erei i made na murina ni bolena takis lakea e Isu i takia i ta maea,"O valai o muri nau."Lakea i pesi rike i muri ne Isu. ¹⁵ Tahuna e Isu i kani na ruma e Livai,i kupo e hurika bakovi ni bole a takis turane hurika bakovi a ngatavine na sin hurika murimuri ri kani turane Isu,na rana e hurika bakovi a ngatavine ri ala kupo ri muri vona. ¹⁶ Lakea e hurika bakovi ni lohoka na ni herena lo,turana tara na farisi ri matai maea na tahuna e Isu i kani turane hurika bakovi ni ratena sin e hurika bakovi ni bole a takis,,ri taki e hurika murimuri vona maea,"navai i kani turane hurika bakovi ni bolena taksi turane hurika bakovi ni rata sin?" ¹⁷ Tuhuna e Isu i longoa ra ngava iea i taki maea ria,"hurika bakovi a ngatavine i tora a kakaine ria kama ri ngaru a kinori;huriki ri giloa kunana bara ri lakea na kinori.Kama valai ni gale e hurika bakovi a ngatavine ri malamala,uka.Iau a valai mai e hurika bakovi a ngatavine na sin. ¹⁸ Hurika murimuri e Jon turane hurika Farisi ri peremu ni kani.Ri valai ri takia,"navai e hurika murimuri e Jon turane hurika murimuri na maka Farisi ri peremu na maki ni kani,pali a maka murimuri vomu kama ri peremu kilala ria?" ¹⁹ Lakea e Isu i taki maea ria,"pali ra bakovi i ngaru ni parani na ngatavine hurika kabu vona kama rigi peremu na maki ni kani na tahuna ia i made turane ria?Kama tahuna ni peremu na maki ni kani na tahuna ia bakovi ni parani i made turane ria. ²⁰ Pali muri na tahuna ri bolea a bakovi ni parani i vano basi ne ria,na parava iea,bara ri peremu na maki ni kani. ²¹ Uka tara bakovi ge rahia tara varikia karaba ge lakea na varikia hosi,na rana varikia hosi biri lalua varikia karaba biri ratea i marape dagi. ²² I uka tara bakovi ge kara ni gurua a wain karaba ge gurudilia na kulina wain hosi,pali re ia ge rata maea ra kulina wain biri mavida biri hale a wain,a kulina wain tara biri hale.Pali ia ge bolea wain karaba ge gurudilia na kulina wain karaba." ²³ Na parava na sabat e Isu i laho polollilo na hania na wit,hurika murimuri vona ri vakatubu ni pasi a kanena wit ri kani. ²⁴ Hurika Farisi ri taki maea e Isu,"Masia,navai ri rata maki kimi kara ni rata na parava na sabat?" ²⁵ Lakea e Isu i taki maea ria,"Re mua kama mu gia ra maki e Devit i rata na tahuna ia turane hurika bakovi vona ri vitolo? ²⁶ Devit i dili pololilo na ruma e Deo na tahuna e Abiata i made manga mugamuga,ia i kani a bret i tabuli pololilo,na matane Deo,i kara kunana e hurika mugamuga bara ri kani keme hurika bakovi a ngatavine lobo;pali i habi ne hurika tara erei ri made turana ranga?" ²⁷ Lakea e Isu i ta maea tabu,"parava na sabat ne vone hurika bakovi a ngatavine,kama ne vona hurika bakovi a ngatavine na parava na sabat. ²⁸ Lakea e tune bakovi dagi i matakari a parava na sabat."