¹ I ngane a parava i rua muga na pasova i bele ni vapopo dagi na bret i uka yist.Hurika mugamuga turane hurika bakovi ni lohoka na lo ri vataki ni nugu tatea e Isu,rigi rabalakia. ² Ri ta maea,"Ra hini nga keme ge bele na ni vapopo dagi nara e hurika bakovi a ngatavine kama rigi vatepu mule ne ria." ³ Tahuna e Isu i made o Betani na ruma e Saimon erei i tahoka gilanga a patala.Ia i malo na dede,lakea tara ngatavine i valai vona turana maki huli mangi noro hateka.Lakea ia i talea a patuna a botol i guru lanea na gine Isu. ⁴ Pali e hurika bakovi ranga ri hate kapupu,ri ta mule na palane ria maea,"Ara vuhuna ra ngatavine iea i guru tavulea ra maki huli mangi noro? ⁵ Ra maki huli mangi noro i kara ni habi vakuloi na 300_silva koin,nigi habi ne hurika bakovi a ngatavine ri matasia."Lakea ri tahatea ra ngatavine iea. ⁶ Pali e Isu i taki ria,"Mu pea,navai mu rata ngava vona ra ngatavine iea?Ia i rata naro kamumu ne nau. ⁷ Na tahuna vakaroro mua mu tahoka hurika bakovi a ngatavine ri matasia ri made turane mua.Na ara tuhuna mugu ngaru ni kori ria mugu rata kamumu ria mugu rata,pali re mua kama mugu made turagu na parava vakaroro. ⁸ Ra ngatavine iea ia i rata ara maki ia i kara ni ratea.Ia i ru a maki huli mangi noro na kakaigu na ni lohoka na ni mategu. ⁹ Muholi hateka iau a taki matou,na tabekena malala lobo bara ri takitala velenga kamumu bara ri vaka longo talea ra narona ra ngatavine iea i ratea bara ri luhoi." ¹⁰ Muri e Judas Iskariot ia tara a murimuri ri ala ravulu taku a polona i ala rua erei ri habi bala bito ne Isu i lakea ne hurika mugamuga ge habia na limane ria. ¹¹ Na tahuna e hurika mugamuga ri longoa,ri vivi ni haba moni vona.Lakea e Judas i ru a mata vona narana na tahuna i kamumu biri habia na limane ria. ¹² Lakea na ni mugana parava a bret i uka yist,na tahuna ri gutu a tuna sipsip manga ni habi na Pasova,hurika murimuri ri takia e Isu,"Ioe o ngaru mia migi lokovai mia migi kadoa a tanga vomu boro kani a maki ni kani na Pasova?" ¹³ Isu i rudu a murimuri i rua i taki rua maea,'Muru lakea na tanga dagi tara bakovi biri bolea tara botol dagi na naru bara moto vakorokoro.Muru vona. ¹⁴ Ne Erei a ruma ra bakovi iea i dili vona,mu muri dili vona bara mu takia ra tahona ruma,Vinara mateu i ta maea,"I vai a ruma nau ga kani a pasova turane hurika murimuri nau?' ¹⁵ Ra bakovi iea bari vakasiri mua a ruma dagi i tabuli polomeli ni kado pali.Moto kado puru vonga a pasova ne teu." ¹⁶ Hurika murimuri vona ri lakea na tanga dagi ri matai virika maki manga hini e Isu i taki ria,ri kado puru a maki ni kani na pasova. ¹⁷ Tahuna i puru a haro,Isu i valai turana e hurika murimuri vona i ala ravulu taku a polona i rua. ¹⁸ Ri made na dede ri kani,lakea e Isu i taki maea ria,"Muholi hateka iau a taki matou,erei ne matou tara i kani turagu biri habau na limane hurika pile." ¹⁹ Ria lobo ri dodo hatekea,ria takutaku ne hurika murimuri ri takia,"A luhoi maea,kimi iau?" ²⁰ Isu i koli maea ria,"I tara ne mua hurika murimuri nau,ia bari ru iau na dis turana bret. ²¹ Bara ri habia na limane hurika pile tune bakovi dagi.I kamumu hateka pali ra bakovi iea e kinana kimi podea." ²² Tahuna ri made ri kani,Isu i bolea tara bret,i vasileki vona i kevea i habia ne hurika murimuri vona.Lakea e Isu i taki ria,"Bolea ia a bobogu." ²³ Ia i bole tabua cup i ta kamumu ne Deo,lakea i habia ne hurika murimuri vona ri nua. ²⁴ Isu i taki maea ria,"Ra makea a daragu na kontrak karaba ne nau,ra dara iea i maguru ne vone hurika bakovi a ngatavine lobo." ²⁵ Muholi hateka iau a taki maea matou,iau kama kara ni ninu turane matou na tuhuna tara i vano iau bara kara ni ninu a wain karaba pololilo na varikinga ne Deo. ²⁶ Tahuna ri kaloloa pali tara line,ri lakea na lolo o Oliv. ²⁷ Isu i taki ria,"Matou lobo bara moto pe iau,na rana i tabuli na ngava,'Iau bara rabalakia mugamuga bara ri ha viliha virika sipsip. ²⁸ Pali muri iau bara pesi rike mule,bara muga ne matou o Galili." ²⁹ Pita i takia e Isu,"Huriki ranga bari pe ioe iau kama ga pe ioe." ³⁰ Isu i take Pita,"Muholi hateka iau a takoe,na rodo iea muga na kureko ge tani bloko rua,boro taki maea bloko tolu ioe komo pala ne nau." ³¹ Pali e Pita i takia,"Iau a ngaru ni mate turamu,kama ga taki maea iau kama pala vomu."Ria lobo ri palupu kunana ni rata ni ta gamai ne Isu. ³² Ria ri valai na tanga ni gale e Getsemani,lakea e Isu i taki a murimuri vona,"Matou moto made koea pali iau ga vasileki. ³³ Isu i bolea e Pita,e Jame turane Jon na tahuna ri bele e Isu i taki ria maea iau a hataki ni mava i dagi hateka i kara iau ga mate. ³⁴ Ia i taki ria maea,"A tamudigu i mava hateka,iau bara mate.Moto made koea moto mata. ³⁵ Matou moto made koea moto mata kamumu,Isu i lokovonga papote i boru puru na malala lakea i vasileki ne Deo pali ra tahuna hale ge kara ni polotarau. ³⁶ Isu i vasileki maea,"Deo,Tata,uka tara maki kama go kara ni ratea,rata vorokia ne nau ra kap iea.Pali kama ni ngaru nau kunana uka,na ni ngaru vomu." ³⁷ Isu i hamule valai i matai maea a murimuri vona to mahita,lakea i takia e Simon Pita,ioe o mahita?Komo go pesi go mata na kilala ge taku? ³⁸ Matou moto mata lakea mu vasileki kama mugu boru na ni toni.Spirit i ngaru,pali a kakaigu kimi ngaru. ³⁹ Pali i vano tabu e Isu i vasileki,manga kunana hini vasileki muga. ⁴⁰ I hamule tabu ne tou i matai tou to mahita maka murimuri vona,na rana i mava matane tou.Pali kama to pala ara ngava togo ratea. ⁴¹ Muri e Isu i laho hamule bloko tolu tabu i taki tou,matou moto tabana ni mahita ni malo?Pali ngane!A tahuna i bele pali masia!E tune Bakovi Dagi bara ni habi na limana pile. ⁴² Moto pesi rike;tege vano.Masia,erei ge habau na limana pile i tabukoi pali. ⁴³ Na tahuna e Isu i ta,Judas ia tara a murimuri i ala ravulu a polona i rua,ia i valai i bele,lakea i ala kupo hateka e huriki ri muri vona a maka bikpris,bakovi ni lohoka na lo turana mugamuga ri nugua a bainat turana kai lakea ri valai ne Isu. ⁴⁴ Ra bakovi ia bari habi e Isu na limana pile, i ta maea,"A bakovi bara ngarua ia ra bakovi moto nugua mu tango tatea mu mata vona moto bolea ge vano. ⁴⁵ Na tahuna e Judas i bele,na tanga mavilagau kunana ia i valai ne Isu lakea i taki,"Vinara,"Lakea i ngarua. ⁴⁶ Muri ria ri rulanga lima vona lakea ri nugu tatea. ⁴⁷ Pali tara ne tou i pesi turane ria i bolea a bainat vona lakea i tolokudua tulina voravora na mugamuga. ⁴⁸ Isu i taki ria,"Moto valai manga mugu nugu a panaho pali moto valai turana kai na ni nugu iau? ⁴⁹ Tahuna iau a made na parava lobo turane matou lakea a takitalea a velenga kamumu pololilo na ruma ni vasileki matou kama moto nugu tata iau.Pali ra hini nga i bele ni ratena a ni tane Deo ge bele kava. ⁵⁰ Huriki lobo erei ri made turane Isu ri ha lae. ⁵¹ Tara koma bakovi i rodoa varikia i ola,na kakaina ia i muri ne Isu.Na tahuna a pile i bolea i vano. ⁵² Ia i pe purua a varikia vona i ola lakea i ha bobo. ⁵³ Ria ri bolea e Isu i lakea na limane hurika mugamuga.Maka hetpris,turana matakari,ranga hurika bakovi ri pala hateka na lo ri made. ⁵⁴ Lakea e Pita i ramaia i vano basi popote na nure na hetpris.Lakea i made turana nugu maheto na kanono i hua kulina. ⁵⁵ Hurika pris dagi turana maka matakari ri toni ni matakanea a nuvere tatami na ni vakapesi e Isu bara ni ubi mate.Pali kama ri puruvisia tara nuverei. ⁵⁶ Kupo ne ria ri bole a nuvere tatami ni vakapesi e Isu pali i uka tara vona ra maka nuverei ge palupu manga a nuverei e Isu. ⁵⁷ Ranga ne ria ri rata nuverei tatami ni vaka pesi ia;lakea ri ta, ⁵⁸ "Mia mi longo manga hini ia i taki,iau bara puka purua a tempel ni rata na lima,pali na parava i tolu iau bara ratea tempel kama ni rata na lima."' ⁵⁹ Ge rata ra hini ri rata viliha lae. ⁶⁰ Pali lakea a hetpris i pesi na palane ria i nanea e Isu,"Navai komo koli a ngavane mateu?I navai ra ngava ni padivirihi ioe vona?" ⁶¹ Pali ia kimi ta kimi koli ria.Tara hetpris nanea e Isu i ta,"Ioe e Kristo,ioe e tune Deo?" ⁶² Isu i ta maea,"Iau kunana;Boro masia a tuna bakovi ia bari made na limana kanena ne Deo i tahoka ni tora lobo ia bari valai na bubu na hunu." ⁶³ Hetpris i rapea a varikinga vona i ta maea,"Pali ara ngava tabu tege matakanea? ⁶⁴ Matou moto longoa pali ra ngava iea, ara maki motogo ratea?"Huriki lobo ri rata halea manga bakovi erei i ratea tara potu i kara ia ge mate vona. ⁶⁵ Ranga ri kalupea lakea ni kolo pupu a matana ni rata hale ri takia,o rata ara ngava na "Profet!"Lakea e hurika ofisa ri bolea ri ubia. ⁶⁶ Na tahuna e Pita i made na hini polotano vona ra hini nga,tara ngatavine a voravora na hetpris i valai vona. ⁶⁷ Ia i masia e Pita i hua na kanono,lakea i matanonoa e Pita i takia,"Iau a made turane Isu iea o Nasaret." ⁶⁸ Pali e Pita i tatami i ta maea,"I iau kama lohoka vona ara maki moto takia."Muri ia i pori polovavo tabukoi na ni hebi. ⁶⁹ Ra ngatavine a voravora na hetpris i masia e Pita i ta tabu vona,"Ra bakovi iea ia tara a turane tou.!" ⁷⁰ Pali e Pita i lavuni tabu.I ta maea,iau kama pala vona e Isu muri re hurika bakovi ri pesi vona hini nga ri taki maea e Pita,"Muholi ioe tara turane tou,na rana ioe tara a bakovi o Galili." ⁷¹ I ru mule ia na ni hale i ta maea,"Iau kama pala vona ra bakovi ioe o tata vona." ⁷² Pali i mavilangau a kureko i tangi bloko rua.Muri e Pita i luhoi a ngavane Isu i takia vona:" Lakea na kureko i tangi bloko rua, ioe boro ta maea,kama pala ne vona bloko tolu,"Pali e Pita i tani na rana ia i tatami.