¹ Jehova wakambula kuliMozesi, wakati, ² " Ambula ngano zyoonse zyabantu baIzilayeli alimwi uteedi kulimbabo, mulelede kusalala, nkaambo mebo ndiJehova Leza wanu ndasalala. ³ Umwi awumwi welede kulemeka banyina awisi, alimwi mulelede kubamba masabatha angu. Ndime jehova Leza wanu. ⁴ Mutabwedeli zikozyano zyabuyo nikuba kulichitila baleza balubulo.Ndime Jehova Leza wanu. ⁵ Nimutuula chituzyo chabulidilano kuliJehova, mulelede kuchitula kuti mukatambulike. ⁶ Mulelede kuchilya buzuba obo mbumwachitula, na mubuzuba butobela. Na kulichasyala kusikila kuzuba lyatatu, chelede kutentwa amulilo. ⁷ Na chaligwa choonse muzuba lyatatu ninyama isofwede; tiyelede kutambulwa, ⁸ alimwi umwi awumwi uchilya welede kuzumina mulandu wakwe nkaambo wasofwazya ech chisalala kuliJehova, alimwi oyo muntu ulatandwa kuzwa kubantu bakwe. ⁹ Nimwatyola butebuzi bwanyika yanu, tamwelede kumanisya kutebula muzyooko zyamumyunda yenu, nikuba kubungika butebuzi bwanu boonse mbumwatebula. ¹⁰ Mutabungiki masansa woonse kuzwa munda wamasansa, nekuba kubungika masansa ayo akawida ansi mukati kamuunda wanu, mulelede kwasila bachete abenzu. Ndime jehova Leza wanu. ¹¹ Mutabbi. Mutabeji. Uteni mwenzinyokwe. ¹² Utakonki chakubeja muzina lyangu akusofwazya zina lyaLeza. Ndime Jehova. ¹³ Utadyamizyi simabambanwa wako na kumubbida. Mpindu zyamubelesi muzike tazyelede kukkal kulinduwe mansiku woonseni kusikila kuseni. ¹⁴ Utatuki musinke matwi na kubikka chilebyo kunembo lyamoofu. Pesi, kuyowa Leza wako. Ndime Jehova. ¹⁵ Mutachityi lubeta kuba lwabuyo. Mutatondezyi kusalula kulumwinkaambo kakuti muchete , alimwi mutatondezyi kusalula kuli umwi nkaambo muyandisi, pesi, beteka simabambanwa wako chakululama. ¹⁶ Utanoyendi bulengelela bantu bako, pesi yandula kukwabilila buumi bwasimabambanwa wako. Ndime Jehova. ¹⁷ Utasuli mukulana wako mumoyo wako. Mwelede kutapatila simabambanwa wako chabululami mbubonya mutakabani muchibi nkaambo kanguwe. ¹⁸ Utabwedezyi na kujatila kufumbwa nkoto atala kufambwa bantu bako, pesi ulelede kuyanda simabambanwa wako mboli mbuliyanda. Ndime Jehova. ¹⁹ Ulelede kubamba mbeta zyangu. Mutezyi kuzyazya banyama banu abanyama bamisyobo imbi. Utavwelani misyobo ibili zyambuto isiyene nubyala mumunda wako, Utazwati chisamo chakachitwa amisyobo yamilembo obile akaswanizigwa antomwe. ²⁰ Kufumbwa ulala amusimbi muzike uwakatangilwa amwalumi, pesi tana kupegwa mbeji na kupegwa lwangunuko, welede kusubulwa. Telede kujiigwa pe nkaambo tewakangunikide pe. ²¹ Mwalumi welede kweta chipayizyo chamulandu zyakwe kuti Jehova kumulyango watente lyakubunganina - mugutu mbuli chipayizyo chamulandu. ²² Elyo mupayizi achite luswanizyo lwakwe amugutu wachipayizyo chamulando kunembo lyaJehova, wachibi eecho nchakachita. Elyo chibi nchakachita chiyolekelelwa. ²³ Nimuyosika munyika akubyala minsamu yamisyobo yoonse iligwa, mwelede kuchita kuti michelo njizyala ikasigwe kuligwa . Michelo yelede kukasigwa kulindinywe kwamyaka yotatwe. Tiyelede kuligwa. ²⁴ Pesi mumwaka wane micheelo yoonse iyosalala, nchipayizyo chakulumbayizya kulya micheelo. ²⁵ Mumwaka wamusanu mulakonzya kulya michelo, kamuli mwalindila kuti misamu izyalisye. Ndime Jehova Leza wanu. ²⁶ Mutalyi kufumbwa nyama ichili abulowa mulinjiyo. Mutayanduli kuziba zyajunza alimwi mutayanduli kwendelezya bamwi amanguzu abusondi. ²⁷ Mutalikululi kuzyoko zyamasusuanu akumabazu amitwe yanu na kugela mamanino achilezulezu chako. ²⁸ Mutanengi mibili yanu nkambo kabafu na kubika bulembo amibili yanu. Ndime Jehova wanu. ²⁹ Utasofwazyi mwanako musimbi akumuchita kuba simamambe, na chisi chiyowida kubumambe anyika ilazula bukompami. ³⁰ Muleleede kubamba maSabata angu akulemeka busena bwadumba lyangu. Ndime Jehova. ³¹ Mutabwedeli kulibaabo bambula abafwide na myuuya, mutabayandawuli, elyo bayomusofwazya . Ndime Jehova Leza wanu. ³² Mwelede kubuka kunembo lyamuntu ulamvwi kumutwe akulemeka buliwo bwamunene. Mwelede kuyowa Leza wanu. Ndime Jehova. ³³ Na mwenzu wakkala akati kanu munyika yanu, mutamuchitili kufumbwa chitaluleme. ³⁴ Mweenzu ukkala andinywe abe mbuli muzyalwa mu-Isilayeli ukkala akati kanu kulindinywe, alimwi mwelede kumuyanda, nkaambo mwakali beenzu munyika yaIjipiti. Ndime Jehova Leza wanu. ³⁵ Mutabelesyi chakubeja mumakani akwelela nimweleka bulamfu, abulemu, na buvule. ³⁶ Mulelede kubelesya chipimyo chelene, ankomesi iyelene. Ndime Jehova Leza wanu, wakamugwisya munyika yaIjipiti. ³⁷ Mulelede kuswilila imbeta zyangu zyoonse amilawu yangu, akwichita. Ndime jehova.'"