¹ Jehova wakambia Mozesi, kuti, ² Ambila bantu ba Izilayeli,'' Kufumbwa muntu umwi aakati kaba Izilayeli, na mwenzu ukala mu Izilayeli upedekezya bana kuli Moleki, welede kujayigwa. Bantu bamunyika belede kumutulula mabwe. ³ Alimwi ndiyobusizya bukali bwangu kuloyo muntuakumugwisya aakati kabantu bakwe kambo wapa mwana wakwe kuli Moleki,wakusofwazya busena bwangu busalala akubbulubania izina lyangu lisalala. ⁴ Na bantu bamunyika bajala menso abo kuloyo muntu chiindi napeda umwi wabana bakwe kuli Moleki, nakuti tibamujaya, ⁵ mpawo ime lwangu ndiyobusizya bukali bwangu kuloyo muntu aluzubo lwakwe, alimwi ndiyomugwisya ayoyo wamuka kuti asobane bumambi a Moleki. ⁶ Muntu upilukila kuyowambula abantu bambula abakafwa, na kulabo bambula amyuya kuti bamuke ambabo, ndiyobusizya bukali bwangu kuloyo muntu; ndiyomugwisya kuzwa akati kabantu bakwe. ⁷ Aboobo amulisalazye alimwi musalale, nkambo ndime Jehova Leza wenu. ⁸ Mwelede kubamba imbeta zyangu akuzitobelezya. Ndime Jehova umucita basalali. ⁹ Ooyo utuka wisi na banyina welede kujigwa. Watuka wisi na banyina, ulamulandu alimwi welede kufwa. ¹⁰ Mwalumi uchita bumambi amwanakazi wamwaluminyina, chamba kuti, kufumbwa uchita bumambi amwanakazi wasimabambanwa wakwe - sibumambi mwalumi asibumambi mwanakazi boonse belede kujayigwa. ¹¹ Na mwalumi wona amwanakazi wawisi, uvumbula chintanda chawisi. Boonse mwana mulombe amwanakazi wawisi belede kujayigwa. Bulowa bwabo bulatala lwabo. ¹² Na mwalumi wona amukamwana, boonse belede kujayigwa. Bachita zitondwa. Balamulandu mpawo belede kufwa. ¹³ Na mwalumi wona awumwi mwalumi, mbuli mwanakazi, boonse aba bachita chisesemyo. Belede kwanchobeni bajigwa. Balamulandu mpawo belede kufwa. ¹⁴ Na mwalumi wakwata mwanakazi wakwata abanyina lubo, obu mbubi. Belede kutentwa, boonse mwalumi abanakazi, kuti ktabi bubi akati kenu. ¹⁵ Na mwalumi wona amunyama, nchobeni welede kujayigwa, alimwi welede kujaya munyama. ¹⁶ Na mwanakazi wayinkila munyama akona awe, mwelede kujaya mwanakazi amunyama. Nchonzyo belede kujayigwa. Balamulandu welela lufu. ¹⁷ Na mwalumi wabweza muchizi wakwe, mwana musimbi wayisi na mwana musimbi wabanyina, alimwi ngawamuvumbula chintanda, akubona chintanda chakwe, nchintu chipamawuse. Belede kugwisigwa kumenso abantu babantu babo. Wavumbula chintanda chamuchizi, alimwi welede kubweza mulandu wakwe. ¹⁸ Na mwalumi wona amwanakazi muchindi chakwe chitondwa akuvumbula chintanda chakwe, wavumbula kukkunka kwakwe, kasensa kabulowa bwakwe. Boonse mwalumi amwanakazi belede kugwisigwa kuzwa akati kabantu babo. ¹⁹ Toyelede kuvumbu chintanda chamukulana abanyoko, na muchizi wawuso, kaambo uyoliyuusisya nsoni kunzubo zyako zilafwifwi. Welede kubweza mulandu wako. ²⁰ Na mwalumi wona abanyinakulu, ngawubula wisilenzi. balabweza mukuli wechibi chabo, alimwi bayofwa nkabatakwe baana. ²¹ Na mwalumi wakwata mwanakazi mukulana wakwe nkakuli mukulana uchipona, zyusisya nsoni. Kunoli talemeka mukulana, alimwi ime ndilobweza kubaana babo kufumbwa lubono ndubakona kubazyali babo. ²² Abobo mwelede kubamba mbeta zyangu zyoonse amilayizyo yangu yoonse ; mwelede kwiswilila nkokuti nyika njindikumweta kuti mukale mulinjiyo itamuluki pe. ²³ Muteendi mutunsiyansiya twenyika ntwensikagwisye kunembo lyenu,nkbali bachita eezi zintu zyoonse, alimwi ime tandichibayandi pe. ²⁴ Ndakati kulindinywe, '''Muyokona nyika yabo; Ndiyoyipa kulindinywe kuti mukikone ; inyika ikunka malili abuchi. Ndime Jehova Leza wanu,wakakwanzania kuzwa kulibamwi bantu. ²⁵ Abobo welede kusiyanisya akati kabanyama basalala abasofwede, abayunibasofwede abasalala.Toyelede kulisofwazya abanyama basofwede na bayuni na chilengwa chiyavula anyika, eecho nchindakasala mbulizisofwede kuzwa kulindinywe. ²⁶ Welede kubamusalali, kuli ndime, Jehova, ndasalala, alimwi ndakakwanzania kuzwakuli bamwi bantu, nywebo mulibangu. ²⁷ Mwalumi na mwanakazi wambula abakafwa na wambula amyuya nchobeni welede kujayigwa. Bantu belede kumutulula mabwe. Balamulandu alimwi belede kufwa.