¹ Jehova wakamba kuli mozesi- eechi chakali chiindi chakufwa kwabana balombe ba Aloni bobile nibakiinda afwafwi aJehova alimwi bakafwa. ² Jehova wakati kuli Mozesi," Aambila Alonimunyokwe alimwi umwambile kuti atanozi kufumbwa chiindi mubusena busalalisya mukati kachisitikizyo, kunembo lyachivunisyochakubozezya eecho chilabbokesi lyamulawo. Na wachita uyoofwa, nkaambo ndalibonia mujoba aajuulu achivunisyo chakubwedezegwa. ³ Aboobo mbobu Aloni mbelede kuza mubusena busalala. Weleede kunjila akapule kaniinini kangombe mbuli chipayizyo chachibi, amugutu mbuli zipayizyo zyakutenta. ⁴ Welede kuzwaata idembo lisalalisya atelemuka, alimwi azwate dembo litelemuka munsi lyakwe, alimwi welede kuzwata lukumba mulukumba lyalembo litelemuka aachimbala chasani lituba mumutwe. Eezi zikkobela zisalala weleede kusamba mubili wakwe mumaanzi alimwi eelyo alizwatike zikobela eezi. ⁵ Weleede kubweza kuzwa kubbungano yabantu ba Izilayili mpongo ngalumi zyobile mbuli chipayililo chachibi amugutu mbuli chipayizyo chakutenta. ⁶ Eelyo Aloni weleede kutula mupule wangombe mbuli chipayizyo chchibi, eecho chiyooba chakwe kuti aliboozeezye ampuli yakwe. ⁷ Eelyo weleede kubweza mpongo zyobile aazyete kunembo lyaJehova kumulyango watente lyakubunganina. ⁸ Eelyo Aloni weleede kuwala chisolo kumpongo zyobile, choomwe chisolo cha Jehova, alumwi chimwi chisolo chakampongo keswelelo. ⁹ Eelyo Aloni welede kweeta mpongo eeyo yawidwa chisolo cha Jehova, alimwi apede mpongo eeyo mbuli chipayizyo chazibi. ¹⁰ Pesi mpongo yawidwa chisolo champongo yenswelelo yelede kweetwa kunembo lya Jehova, kayichipona kubozezya akwiitandilwa mbuuli mpongo ye nsowelelo munkanda. ¹¹ Eelyo Aloni welede kweeta mupule wangombe mbuli chipayizyo chachibi, chitabe chakwe welede kulibozezya we ampuli yakwe, eelyo welede kujeya mupulewangombe mbuli chipayizyo chachibi kulinguwe. ¹² Aloni welede kubweza chitentelo chizwide makala amulilo kuzwa kuchipayililo kunembo lya Jehova, amaanza aakwe aazwide tumunkilizyo tunante akweta zintu eezi mukati kachisitikizyo. ¹³ Ooko welede kubikka tununkilizyo amulilo kunembo lya Jehovas kuti ijoba kuzwa kutununkilizyo livumbe chivunisyo chakubozeezya ajulu lyachizuminano chamulawu mwelede kuchita eechi kuti atafwi. ¹⁴ Eelyo welede kubweza bumwi bwabulowa bwamupule wangombe akubusansayila akanwe kwakwe kunembo lyachivunisyo chakubozezya. Welede kusansayila bumwi bwabulowa amunwe wakwe zyiindi zilimusanu azibili kunembo lyachivunisyo chakuboozya. ¹⁵ Eelyo welede kujaya mpongo yachituzyo chachibi nkukuti chabantu akweeta bulowa bwayo mukati kachisitikizyo. Ooko weleede kuchita mbuli mbwakachita kubulowa bwamupule wangombe: weleede kubusansayila aatala kwachivunisyo chakubozezya akunembo lyachivunisyo chakuzeezya. ¹⁶ Weleede kuchita kubozezyana kwabusena busalalisya nkaambo kachinto zibi zyabantu ba Izilayili akaambo kakupapila azibi zyabo zyoonse. Weleede kuchitaeezi akudumba lyakubunganina ooko Jehova nkwakala akati kabo, abuliowo bwanchinto zyabo zibi. ¹⁷ Takwe welede kuba mudumba lyakubunganina aawo Aloni nanjila akuchita ziboozyo amubusena busalala, mane azwe aanze amanisya kuchita chibozezyo chakwe mwini ampuli yakwe ambungano yoonse ya Izilayili. ¹⁸ Weleede kwiinka aanze achipayililo kunembo lya Jehova akuchita chiboozyo chacho, akubweza bumwi bwabulowa bwamupule wangombe abumwi bulowa bwampongo akububikka ameja achipayilo chizyunguluka choonse. ¹⁹ Weleede kusansayila bumwi bwabulowa aatala akamwe kakwe tulim tulimusanu atubili kukuchisalazya akuchibambila Jehova, kuzwa kunchinto zitasalali zyabantu ba Izilayili. ²⁰ Na wamanisya kubozezya busena busalala tente lyakubunganina, achipayililo, welede kupendekezya mpongo ngumi. ²¹ Aloni welede kubikka maboko aakwe oonse amutwe wampongo ipona akwambilila alinjiyo boonse kukachilwa kwabantu ba Izilayili, akupapila kwabo, azibi zyabo zyoonse. Eelyo welede kubika bubi amutwe wampongo akwitanda mpongo nkilangwidwe amuntu ulibambilide kuzwilwida mpongo munkanda. ²² Mpongo ibweze bubi alinjiyo boonse bwabantu kubusena butakwe muyoliliyoli. Ooko kunkanda mwalumi welede kuleke mpongo yiinke akwangunuka. ²³ Eelyo Aloni welede kubweda mutente lyakubunganina akugwisya chizwato eecho nchazweete katananjila mubusena busalala akuyosiyAa zizwato eezyo mukati. ²⁴ Welede kusamba mubili wake mumaanzi mubusena busalala akuzwaata zizwaato zyakwe; eelyo azwe aanze atula chipayilo chakutenta chabantu, alimwi munzila eeyi achite chiboozo chabantu bakwe achabantu. ²⁵ Welede kutenta mafuta achipayililo chachibi aatala achipayililo. ²⁶ Mwalumi ooyo uleka mpongo yanswelelo welede kusanzya zyakusama zyakwe akusamba mubili mumaanzi; kuzwa aawo abole kumusasa. ²⁷ mupule wangombe wachipayizyo chchibi ampongo yachipayizyo chachibi uula mubola bwaketwa kuchita chiboozyo mubusena busalala, weleede kubwezwa akutolwa aanze amusasa. Ooko bakatente zitobo nyama, abufumba. ²⁸ Mwalumi ooyo uitenta zipayiizi welede kusanzya zikobela zyake akusamba mumaanzi, musule azeezi, weleede kubola kumusansa. ²⁹ Uoba mulawo kulindinywe moonse kuti mumwezi wamusanu ayibili, mubuzuba bwakkumi bwamweezi, welede kulibombya akutachita mulimo, nikuba mwana muzyale na muzwakule ooyo upona aakati kanu. ³⁰ Eechi nkaambo mubuzuba bwakuboozyo chiyochitilwa nduwe akukusalazya kuzwa kuzibi zyanu zyoonse eelyo uyosalala kunembo lyaJehova. ³¹ Ndizuba lisalala litegwa Sabata lyakulyokezya kwanu alimwi welede kulibombya akutachita mulimu ooyu. Ooyu uyoba mulawu aakati kanu moonse. ³² Mupayizi mupati, ooyo utakananikwe akubinkwa kuba mupayizi mubusena bwawisi welede kuchiita chiboozye akuzwaata chikobela chitelemuka, nkukuti, chikobela chisalala. Weleede kuchiita kuboozya kwabusena bvusalalisya. ³³ Welede kuchita chiboozyo chatenti lyakubunganina akwachipayiyilo, alimwi welede kuchita kuboozya kwabapayizi akwabantu boonse bambungano. ³⁴ ooyu uyooba mulawu wanu kwalyoonse kuchita kboozya kwabantu ba Izilayili nkaambo kazibizyabo zyoonse kamwi mumwaaka umwi awumwi lyoonse.''Eechi chakachitwa mbuli Jehova mbwakalayilila Mozesi.