¹ Jehova wakambila Mozesi a Aaloni kuti, ² ''Amwaambile bana ba Izilayeli, akwamba kuti kulimbabo, 'Na muntu wasensa kuzwa kumubili wakwe, ulasfwala. ³ Kusofwala kwakwe kuba akaambo kakusensa. Na mubili wakwe ulasensa nekuba wakangwa kukusensa, ulisofweede. ⁴ Kufumbwa bulo mpalala bulasofwala, achoonse nchakkala chilasofwala. ⁵ kufumbwa uguma bulo bwakwe ullelede kusanzya zizwato zyakwe akulisanzya mumanzi, akusofwala mane kusikila kumabbililo. ⁶ Ayooyo ukkala kufumbwa chikkalo sikusensa nchakkede, oyo muntu uleelede kusanzya zizwato zyakwe akusamba mwini mumanzi akusofwala mane kusikila kumabbililo. ⁷ Ayooyo uguma mubili wasikusensa uleelede kusanzya zizwato zyakwe akusamba mwini, akusofwala mane kusikila kumabbililo. ⁸ Na muntu ulesenselwa waswida umwi utasofwede, elyo oyo muntu ulelede kusanzya zizwato zyakwe akusamba mwini mumanzi, alimwi uyosofwala mane kusikila kumabbililo. ⁹ Kufumbwa chikkalilo nchakkala sikusensa chilasofwala. ¹⁰ Lino oyo uguma nechiba chimwi chintu nchakakkede sikusensa ulasofwala mane kusikila kumabbililo, ayooyo ubweza zintu ziliboobo uleelede kusanzya zizwato zyakwe akusamba mwini mumanzi; uyosofwala mane kusikila kumabbililo. ¹¹ Kufumbwa muntu sikusensa ngwaguma katana samba maboko aakwe amanzi ulelede kusanzya zizwato zyakweakusamba mwini mumanzi, alimwi uyosofwala mane kusikila kumabbililo. ¹² Kufumbwa chilongo nchajata sikusensa chilelede kupwachulwa, azyoonse zilongo zyachisamu zilelede kukumbwa mumanzi. ¹³ Lino sikusensa nasalazigwa kuzwa kukusensa kwakwe, eelyo uleelede kuli balila mazuba musanu aabili akusalazigwa kwakwe; elyo ulelede kusanzya zizwato akusamba mwini mumanzi ayenda, mpawo uyosalala. ¹⁴ Muzuba lyamusanu aatatu uleelede kubweza inziba zyobile akuza kunembo lya Jehova amulyango watente lyakubunganina; oko nkwayelede kupeda bayuni kumupayizi. ¹⁵ Mupayizi ulelede kuzituula, imwi ibechipayizyo chezibi alimwi imwi ibe chipayizyo chakutenta, alimwi mupayizi ulamuvumbila milandu yakwe kubusyu bwa Jehova nkambo kasenselwa lyakwe. ¹⁶ Na mwalumi wasowa bwalumi bwakwe, elyo ulelede kusamba mubili wakwe woonse mumanzi, uyosofwala mane kusikila kumabbililo. ¹⁷ Azyakusama zyoonse naba matobo oonse alokeledwe bwalumi zilelede kusanzigwa amanzi; ziyosofwala mane kusikila kumabbililo. ¹⁸ Na mwalumi woona amwanakazi alimwi wasuba bwalumi bwakwe, boonse bobile balelede kusamba mumanzi akusofwala mane kusikila kumabbililo. ¹⁹ Na mwanakazi waya kumwezi, kusofwala kwakwe kulayinkilila kwamazuba musanu aabili, alimwi kkufumbwa utakamugume uyosofwala mane kusikila kumabbililo. ²⁰ Awoonse mpalala muchindi chakusensa kwakwe alasofwala; awonse mpakkala alasofwala. ²¹ Kufumbwa muntu uguma bulo bwakwe ulelede kusanzya zizwato zyakwe akusamba mwini mumaanza; oyo muntu uyosofwala kusikila kumabbililo. ²² Kufumbwa uguma kufumbwa chintu nchakkala uleelede kusanzya zizwato zyakwe mwini mumanzi; oyo muntu ulasofwala kusikila kumabbililo. ²³ Nekuba kuti mpaabulo nekuba kufumbwa chintu nchakkala na kuti wachiguma, oyo muntu uyosofwala kusikila kumabbililo. ²⁴ Na muntu wonawe , alimwi kuti isenselwa lyakusofwala kwakwe lyamuguma, uyosofwala kwamazuba musanu aabili. Bulo boonse awawo mpalala kulasofwaala. ²⁵ Na mwanakazi wanjila kumwezi kumwezi kwamazuba miingi atali mazuba muchindi chakwe chakusensa bulowa nekuba kwindilizya mazuba akusensa bulowa nekuba kwindilizya mazuba aakusensa kwakusofwala kwakwe, uyooba alimwi mbuli mumazuba ngali muchiindi chakusensa kwakwe. Ulisofwede. ²⁶ Kufumbwa bulo mpalala kuchindi choonse chakusensa bulowa chiyoba kulinguwe mbuli bulo mbwalala kuchindi chakunjila kumwezi, alimwi kufumbwa chintu chonse nchakkala chiyosofwala mbuli kusofwala kwakwe kwachindi chakunjila kumwezi. ²⁷ Kufumbwa muntu uguma nechiba chomwe chazeezyo zintu uyosofwala; ulelede kusanzya zizwato zyakwe akusamba mwini mumaanzi, alimwi uyosofwala kusikila kumabbililo. ²⁸ Pesi na wasofwazigwa kuzwa bulowa kukusensa kwakwe, elyo uyolibalila mazuba musanu aabili, alimwi musule azezyo uyosalala. ²⁹ Mubuzuba bwamusanu atatu uyobweza inziba zyobile nekuba bana benkwilimba bobile akubayeta kumupayizi kumanjililo etnte lyakubunganina. ³⁰ Mupayizi uyopeda kayuni komwe mbuli chipayizyo chezibi akamwi mbuli chipayizyo chakutenta, alimwi uyovumba mulandu wakusofwala kwakusensa bulowa kunembo lya Jehova. ³¹ Mbubobu mboyelede kwanzania bantu ba Izilayeli kuzwa kubusofwazi bwabo, elyo tabakoyofwa nkambo kabusofwazi bwabo, akusofwazya idumba lyangu lyakukombela, oomo mwendikkala akati kabo. ³² Eyi njemilawu yakufumbwa muntu ulasenselwa, yakufumbwa mwalumi usuba bwalumi bwakwe akumusofwazya, ³³ Kufumbwa mwanakazi unjila kumwezi, akufumbwa muntu ulaasenselwa, naba mwaalumi naba mwanakazi, alimwi akufumbwa mwalumi ukkala amwanakazi usofwede.''