1 Jehova wakaambula a Mozesi, wakati,'' 2 00yu nguyoba mulawu wabantu basimalwazi mubuzuba bwakwe bwakusalazigwa. Welede kweeta kumupayizi. 3 Mupayizi uyoozwa mugunzi, kuyoolangisisya muntu kuti bulwazi bwachikumba butabukila bwaponana. 4 Mpawo mupayizi uyolayilila kuti ooyo welede kusalazigwa welede kubweza tubbili tupona, tuyuni tuswankukide, musamuwa seela, sikaleti yani, ahayisopu. 5 Mupayizi uyomulayilila kuti akajaye kamwi kayuni aatala amanzi mapya aali mukalonga. 6 Awo mupayizi uyoobweza kayuni kuumbulu amusamu wa seda, asikaleti yani ahayisopi alimwi uyanike zyoonse zintu eezi, aantomwe akayuni kawumbulu, mugazi lyakayuni kakajayigwa aatala lyamaanzi mapya, 7 Mpawo mupayizi uyoosansila maanzi aya kumuntu welede kusalazigwa kuzwa kubulwazi tuli musanu atubili, alimwi mupayizi uyowambilizya kuti wasalala. Mpawo Mupayizi uyowangunona kayuni kawumbulu mumyundai julikide. 8 Muntu uulikusalazigwa uyoosanzya zisamo zyakwe, uyoogela susulyakwelyoonse, akulisanzya mumaanzi, aboobo uyosalala. Musule lyabobo welede kuza mugunzi, pesi uyookala aanze ebbakasa lyakwekwamazuba musanu aabili. 9 Mubuzuba bwamusanu aabili welede kugela susu lyakwe lyoonse mumutwe, alimwi weelede kugela ndezu azikowe zyakwe. Welede kugela lyoonse susu lyakwe, alimwi welede kusanzya zisamo zyakwe akusamba lwakwe mu maanzi, mpawo unooli wasalala. 10 Mubuzuba bwamusanu aatatu welede kubweza bana ba mbelele beenze bobile batakwe kampenda, komwe kakabelele kapwizikatakwe kampendakabi kali aamunyaka omwe wakazyalwa, atutatu kukkumi lyaka efa kafulawa iswenene amafuta mbuuli chipo chazilyo, atanda lyomwe lyamafuta. 11 Mupayizi umusalazya uyoyimikizya muntu uyelede kusalazigwa, aantomwe azeezyo zintu, kunembo lya Jehova kumulyango wabbakasa lyamuswaangano. 12 Mupayizi uyoobweza kana kakabelele keenzeakukaaba mbuuli chipo chakulibeteka, antomwe atanda lyamafuta, uyobabekelela kuchipo chakulekelela kunembo lya Jehova. 13 Welede kujaya mbelele ngenze mubusena mubajayila chipo chakubisya azipo zitentwa, mubusena bwa chikombelo, nkaambo chipo chakubisya ncha mupayizi, mbuuli mbukubede chipo chakulibeteka, nkaambo nchisalali loko. 14 Mupayizi uyoobweza limwi gaze liyachipo chakulibeteka akulibika aampela lyakutwi kwakuchilisyo chamuntuuyelede kusalazigwa, kuchaala chakukuboko kwakwe kwakuchilisyo, 15 Mpawo mupayizi uyoobweza mafuta kuzwa mutanda atile mujaanza lyakwe lyakuchimweensi, 16 atompe kanwe kakwe mumafuta aalimujaanza lyakuboko kwechimweensi, asansiile aamwi mafuta akanwe kakwe kaliikwindulula tuli musanu atubili kunembo lya Jehova. 17 Mupayizi uyobika amwi mafuta aali mujaanza lyakwe kupmela yakutwi kwamuntu uyanda kusalazigwa,akuchaala chakwe chakukuboko kwakuchilisyo, Weelede kubika mafuta aaya atala lya ganzi aazwa kuchipo chakuli beleka, 18 kumafuta amwi achaala mujaanza lyamu payizi, uyoowabika aamutwe wamuntu uuyand kusalazigwa, alimwi mupayizi uyoowamba milandu yakwe kunembo lya Jehova. 19 Mpawo mupayizi uyoopa chipo chazibi akwaambilizya ooyo uyanda kusalazigwa akambo kabusofwaazi bwakwe, alimwi musule lyaboobo uyoojaya chipo chaku lenta. 20 Mpawo mupayizi uyopa chipo chakutenta chipo chazilyo aachipayiililo, mupayizi uyomwambilizya muntu ooyu, alimwi mpawo uyoba musalali. 21 Nikuba boobo, kuti muntu ooyu kali muchete katakwe lubono oolu, aawo uyobweza mbelele ngenze yomwe ikabe chipo chakuli beteka chiyolekelelwa, kukumuchitila chaambilizyo, akamwi kakkumi lyamunsuma wafulawa iswenene amafuta kuti chibe chipo chazilyo, atanda lyamafuta kuti chibe chipo chazilyo, atanda lyamafuta, 22 aantomwe anziba zyobile naakuti bana benkwilimba bobile, kufumbwa nzyakkonzya akujana; kayuni komwe kayoba chipo chazibi kamwi kakabe chipo chakutenta. 23 Mubuzuba bwamusanu atutatu weelede kuzyeeta kukusalazigwa kumupayizi, kumanjililo aabbakasa lya muswaangano, kunembo lya Jehova. 24 Mupayizi uyobweza mbelele yachipo, alimwi uyoyibweza atanda lyamafuta amu olivi, alimwiuyoozinyampwida mujulu awo. nazotondezya kuli Jehova. 25 Uyojaya mbelele yachipo chakulibeteka, alimwi uyobweza limwi gaze lyachipo chakulibeteka akulibika ampela lyakutwi kwachilisyo kwayoyo uyanda kusalazigwa akuchaala chakuboko kwakwe kwachilisyo, akuchaala chakuulu kwakwe kwachilisyo. 26 Mpawo mupayizi uyotulida amwi mafuta mujanza lyakuboko kwakwe mwini kwachimweensi. 27 Alimwi uyoosansila akanwe kakwe kachaamwi mafuta aali mujanza lyakwe lyachimwensi kayindulula kuli musanu atubili kunembo lya Jehova. 28 Mupayizi aawo uyobika amwi mafuta aali mukuboko kwakwe ampela lyakutwi kwachilisyo chayooyo uyanda kusalazigwa, kuchhaala chakubokokwakwe chkuulu kwakuchilisyo, ali mbubo busena mpabika ganzi lya chipo chakulibeteka, 29 uyobika aamwi mafuta aachala mujaanza lyakwe aamutwe wayoyo uyanda kuslazigwa, kukuchita chaambilizyo chakwe kunembo lya Jehova. 30 Weelede kwaba imwi nziba nakuti mwana wankwilimba, kufumbwa mbuli muntu mbakonzya kujana_ 31 komwe mbuuli chipo chazibi akamwi mbuli chipo chaku tenta, aantomwe achipo chazilyo. Mpawo mupayizi ulachita chaambilizyo chayoyo uuyanda kusalazigwa kuli Jehova. 32 Ooyu ngumulawu wamuntu uulabulwazi bwachikumba butabukila, uutakonzyipe kujana mweelo wazipo zyakusalazigwa kwakwe. 33 Jehova wakaambula kuli Mozesi a Aloni, wakati, 34 awo nimwaza mubusena bwa Kkenani oobo mbundakamupa mbuuli chakujata, alimwi kuti ndabika bulwazi bwa nkubi oobo bwendelela munganda mubusena mbumujisi 35 mpawo ooyo mwani nganda welede kwamba kuti, ''kubaanga kulindime kulichintu chili mbuuli bulwazi bwa nkubi munganda yangu. 36 Mpawo mupayizi uyoolayilila kuti bagwisye zyoonse zili munganda katanaanjila kuti akabone bukamboni bwa nkubi, kuchitila kuti takukabi chintu chisofweede munganda. Musule lya bobo mupayizi 37 welede kunjila kuti akabone nganda. Welede kulangisisya kuti nkubi akubona kuti tayili kubulambo bwanganda, akubona kuti chiboneka akamwemvwemvwe kana kusalalasalala mubulindilindi bwabulambo. 38 Kuti nganda kayili aankubi, mpawo mupayizi ulazwa anze anganda ajale mulyango wanganda kwamazuba musanu abili. 39 Mpawo mupayizi uyooboola lubo mubuzuba bwa musanu amazuba obile kuzolangisisya akubona kuti nkubi yeendelelana kubulambo bwanganda. 40 Kuti kayili yendelela mpawo mupayizi uyolayilila kuti bakagwisye mabwe aayo ali azitondeezyo zya nkubi alimwi basowe mubusena busofweede aanze adolopo. 41 Uyooyanda kuti boonse bulambo bwa mukati kenganda bupalwe, alimwi beelede kubweza zyoonse zitabukilidwe bulwazi zyapalwa bazitole aanze adolopo bakazisowe mubusena busofweede. 42 Beelede kuyoobweza amwi mabwebabike oomu mwagwisigwa mabwe, alimwi beelede kubelesya bulongo bupya kukubuumuna nganda. 43 Kuti nkubi yaboola lubo akutabukila munganda oomo mwakagwisigwa mabwe alimwi alimwi bulambo bwaka palwa akubuumunwa lubo, 44 Awo mupayizi welede kunjila akulangisisya nganda kuti abone kuti kubi yasaalila, nkokuti nkubi ilajaya yasaalila, nkokuti nkubi ilajaya alimwi nganda ilisofweede. 45 Inganda yeelede kumwayigwa. mabwe, mapulanga abuulongo boonse bwakubuumuna munganda bwelede kubwezwabukasowegwe mubusena busofweede kunze aadolopo. 46 Mukuyungizya, kufumbwa uunjila munganda mumazuba ngiijalidwe uyoosofwala mane golezya. 47 Kufumbwa ulala munganda weelede kusanzya zisamo zyakwe, alimwi kufumbwa walyida munganda weelede kusanzya zisamo zyakwe. 48 Kuti mupayizi wanjila munganda kukuyilangisisya kuti abone kuti nkubi yasaalila na munganda musule akubumunwa bupya, mpawo, kuti nkubi yamana, uyoowambilizya kuti nganda yasalala. 49 Mpawo mupayizi welede kubweza tuyuni tobile twakusalazya nganda, azisamu zya seda, asikaleti yaani, ahayisopu. 50 Uyojaya kamwi katuyuni aatala lyamaanzi kumulonga 51 uyoobweza zisamu zya seda, ihayisa isikaleti yani, akayuni kawumbulu, akuzinika mugazi lyakayuni kajiigwa mumaanzi mapya, akusansiila nganda musanu atubili. 52 Uyosalazya nganda agazi lya kayuni amaanzi mapya, akayuni kawumbulu, azisamu zya seda, Hayisopu asikaleti yaani. 53 Pesi uyoleka kayuni kawumbulu kakeenda kuzwa mudolopokuya kumasena aajulikene. Mulieeyi nzila weelede kuchita chaambilizyo changanda, alimwi iyoosalala. 54 Ooyu ngomulawu wamalwazi aachikkumba woonse atabukila. azintu zyeetelezya malwazi aali boobu, alimwi akukubabwa, 55 alimwi azya nkubi muzisamo amunganda . 56 Kukuzimba, kukufumuka, akubbazu libalukide, 57 kukubona kuti ndiilili chimwi chazyiimo eezi nichisofweede nakuti kusalala. Ooyu ngomulawu wamalwazi aachikkumba aatabukila ankubi.