1 2 Jehova wakambula kuliMozesi a Aloni, wakati, "Wakati kufumbwa muntu awo naaba akuzimba niiba nsanga, nikaba kabata kalibonina loko, aachikumba chamubili wakweino mpawo kanjilwa tuzunda, mpawo kwaba chilwazi 3 Aboobo mupayizi ulachisenuuka chilwazi muchikumba chamubili wakwe. Na kuti boya buli aabusena kulichilwazi bwatuba alimwi kuti naa chilwazi kachilangikaanga chilinikide kwinda kuba ejulu biyo lyachikumba, nkokuti mbulwazi butabukila. Musule akusenuukwa kwakwe amupayizi , welede kumwamba kuti tasalali pe. 4 Na kuti kabata kalibonia loko muchikumba chamubili wakwe kakatuba, alimwi kakalangikaanga takabbide loko pe kunsi achikumba, alimwi kuti boya bulaabusena bulachilwazi teebwasanduka kutuba, nkokuti mupayizi welede kumupambula oyo ulaabulwazi kwamazuba musanu aabili. 5 Mubuzuba bwamusanu aabili, mupayizi weleede kumusenuuka kuti abone kuti we muluzibo lwakwe bulwazi teebwiindilia na, akutayendelela muchikumba chamubili. Kuti teebwachita boobo. 6 Mupayizi welede kumupambula lubo kwamazuba musanu aabili. mupayizi uyoomusenuuka alimwi mubuzuba bwamusanu atubili kuti abone kuti abone kuti bulwazi buli mbubombubo, alimwi teebwiindilila akuyendebuka muchikumba chamubili. Kuti teebwindilila, mupayizi uyowambilizya kuti oyu muntu wasalala. Nifumukwa biyo. Weelede kusapa ngubo zwakwe, elyo wasalala. 7 Pele kuti fumukwa lyindilila musule akulitondeezya kwakwe kumupayizi akukusalazigwa kwakwe, ino welede kulolitondeezya lubo kumupayizi. 8 Mupayizi uyosenuuka kuti abone kuti naa fumukwa lyindilila muchikumba chamubili. Na kuti lyiindilia, eelyo mupayizi weelede kuzibisya kuti tasalali pe. Mbulwazi butabukila. 9 Kuti bulwazi bwechikumba chamubili butabukila bwaba mumuntu, oyu muntu welede kweetwa kumupayizi. 10 Mupayizi ulamusenuuka kuti abone na kakuli aazimbide katuba muchikumba chamubili, akuti na boya bwasanduka kutuba, na kuti kulinyama ichisa awo aazimbide. 11 Kuti kiiliwo, nkokuti mbulwazi bwachikumba chamubili butasilikiki, alimwi mupayizi weelede kuzibisya kuti tasalali. Takoomupambula pe, nkaambo tasalali kale pe. 12 Na kuti chilwazi chasaalila muchikumba chamubili woonse akuzuzya chikumba chamubili woonse mumuntu ooyo ulaachilwazi kuzwa kumutwe mane do kumawulu aakwe, mbuli mukubona kwamupayizi, 13 elyo mupayizi weelede kumusenuuka kuti abone na chilwazi chazuzya mubili wakwe woonse. Na kakuli mbubo, mupayizi welede kuzibisya kuti muntu oyo ulaachilwazi ulasalala. 14 Pele kuti kwalibonia nyama iichisa aalinguwe, unooli tasalali pe. 15 Mupayizi weelede kulanga nyama iichisa akumwaamba kuti tasalali pe nkaambo nyama iichisa tiisalali pe. Mbulwazi butabukila. 16 Pele kuti nyama iichisa yasanduka yatuba alimwi nkokuti oyo muntu weelede kuya kumupayizi. 17 Mupayizi uyoomusenuuka kuti abone naa nyama yasanduka kutuba. Na kakuli boobo, mupayizi ulazibisya kuti oyo muntu ulasalala. 18 Na muntu kali aakalonda achikumba chamubili alimwi kapona, 19 alubo aabusena bwakalonda kwatuba kakuzimbibe niliba bbata lilibonia loko, kalisalala salala - butuba, ino lyeelede kutondeezegwa kumupayizi. 20 Mupayizi ulalisenuuka kuti abone na liboneka kalinikide kunsi achikumba, alimwi do boya bulimpawo bwasanduka kutuba. Na kakuli mbubo, mupayizi welede kumwaamba kuti tasalali pe. Mbulwazi butabukila, na kuti chakala aawo aakali kalonda. 21 Pele na mupayizi wasenuuka, wasikubona kuti taakwe boya butuba mulindilyo, alimwi kuti taakwe munsi lyachikumba pesi kuti lyawumbuka, eelyo mupayizi welede kumupambula kwamazuba musanu aabili. 22 Kuti bwasaalila loko muchikumba, eelyo mupayizi welede kumwaamba kuti tasalali pe. Mbulwazi butabukila. 23 Pele kuti ibbata lilibonia loko lwakalililamubusena bwalyo kalitayendebuki pe, nkokuti nibbata lyakalonda elyo mupayizi weelede kumwaamba kuti ulasalala. 24 Kuti chikumba kachipya anyama iichisa yakupya yasalala - butuba naakuti bbata lituba, 25 eelyo mupayizi uyoolisenuuka kuti abone naa booya buleebbata eelyo bwasanduka kutuba, akuti naa lilangika kalinikide kunsi echikumba. Kuti kakuli boobo, nkokuti mbulwazi butabukila. Bwazwida aapyide, ino mupayizi weelede kumwaamba kuti tasalali pe. Mbulwazi butabukila. 26 Na kuti mupayizi wasenuuka wasikujana kuti taakwe boya butuba mubbata alimwi kuti tabumo munsi aachikumba pesi lyawumbuka, awo mupayizi welede kumupambula kwamazuba musanu aabili. 27 Eelyo mupayizi welede kumusenuka mubuzuba bwamusanu atubili. Kuti lyasaalila loko muchikumba, awo mupayizi welede kumwaamba kuti tasalali pe. Mbulwazi butabukila. 28 Kuti na bbata lyakalilila mubusena bwalyo kalitasaalili muchikumba pesi lyawumbuka biyo nkokuti nkuzimba kuzwa mukupya, awo mupayizi welede kumwamba kuti ulasalala, nibbata biyo lyakupya. 29 Na kuti mwaalumi na mwanakazi kajisi bulwazi butabukila aamutwe naaba aakalezu, 30 awo mupayizi welede kumusenuuka muntu ooyo kuti abone kuti naa ulabulwazi butabukila akuyanda kubona kuti do bulangika kabunikide kunsi echikumba, alimwi kuti kuli boya na bwasyamuntondo, buuba mukati. Kuti kabaliwo awo, mupayizi weelede kumwaamba kuti tasalali pe. Nchipele. 31 Na kuti mupayizi wasenuuka chilwazi chibaba akubona kuti tachiwo kunsi echikumba, alimwi kuti takwe boya busiya mukati, awo mupayizi ulamupambula muntu alaabulwazi bubaba kwamazuba musanu aabili. 32 Aabuzuba bwamusanu atubili mupayizi uyosenuuka bulwazi akubona kuti teebwasaalila na. Kuti kakutakwe boya bwasyamuntondo, alimwi kuti bulwazi kabulangika kuti bulinikide kunsi aachikumba, 33 awo welede kunyoolwa, pesi busena bulechilwazi tabweelede kunyoolwa pe, alimwi mupayizi welede kumupambula muntu ulaabulwazi kwamazuba musanu aabili lubo. 34 Mubuzuba bwamusanu aabili mupayizi uyosenuuka bulwazi kubona kuti bwimikila na kusaalila muchikumba. Kuti kabulangika kutanika kwinda chikumba, awo mupayizi welede kumwaamba kuti ulasalala. Oyo muntu welede kusapa zisamo zyakwe, aboobo uyoosalala. 35 Pesi kuti bulwazi bubaba bwasaalila loko muchikumba musule mupayizi kali wamwaamba kuti ulasalala, 36 eelyo mupayizi welede kumusenuuka lubo. Na bulwaazi bwasaalila muchikumba, mupayizi tachelede kuyandula boya bwasyamuntondo pe. Muntu oyu tasalali pe. 37 Pesi kuti mumaboneno amupayizi bulwazi bubaba bwiimikila kusaalila alimwi boya busiya bwamena mubusena obo, nkokuti bulwazi bwapona. Ulasalala alimwi mupayizi welede kumwaamba kuti ulasalala. 38 Na kuti mwaalumi naba mwanakazi kalaa mabata atuba aachikumba, 39 mupayizi welede kumusenuuka oyo muntu kuti abone kuti mabata taatabukili loko, nkokuti ndifumukwa lyafumpuka muchikumba. Ulasalala. 40 41 Kuti susu lyamwaalumi lyakuluka mumutwe wakwe, ngusimpanza, pesi ulasalala. Na susu lyakwe lyakuluka kunembo amutwe wakwe, alimwi nkumu yakwe kiitakwe susu, ulasalala. 42 Pesi kuti kakuli kalonda kasalala salala - butuba aampanza yakwe aankumu, mbulwazi butabukila bwamunjila. 43 Elyo mupayizi welede kumusenuuka kuti abone do kuzimba kwabusena bulechilwazi chitabukila muchikumba. 44 Kuti kakuli boobo, nkokuti ulaabulwazi butabukila alimwi tasalali. Mupayizi nchobeni kumwaamba kuti tasalali pe nkaambo kachilwazi chakwe chilaamutwe wakwe. 45 Muntu ulaabulwazi butabukila weelede kuzwata zizwato zidelukide, susu lyakwe lyelede kulengelela biyo alimwi weelede kuvumba busyu bwakwe kusika aampemo yakwe alimwi koompolola, 'Nsisalali, nsisalali.' 46 Mazuba woonse ngalabulwazi butabukila unooli katasalali. Nkaambo tasalali abulwazi bukonzya kusaalila, weelede kukala alike. Weelede kukkala kunze amusasa. 47 Chisamo chatapukilwa tuzunda twachipele, nichiba chaboya naa chabuluba, 48 kufumbwa chilukidwe kuzwa kuboya nikuba kubuluba naa chikumba kufumbwa chintu chakachitwa eechikumba - na kuti kakuli twatapukila twakamweemvwe naa tusalala - 49 salala aachisamo, aachikumba, chintu chilukidwe kufumbwa chintu chakabambwa kuzwa kuchikumba nkokuti nchipele chisaalila; cheelede kutondeezegwa kumupayizi. 50 Mupayizi weelede kuchisenuuka echo chintu kuti inga chilaba atuzunda twachipele na; weelede kupambulwa kufumbwa chintu chilaatuzunda twachipele kwamazuba musanu amazuba obile. 51 Weelede kuzoosenuuka lubo kubawo kwachipele buzuba bwamusanu atubili. Naa chasaalila muchisamo na kufumbwa chilukidwe aboya nichiba chikumba kufumbwa kuti mulinchincho mwakabelesegwa chikumba, nkokuti, nchipele chijaya nkokuti echo chintu tachisalali. 52 Weelede kuchuumpa echo chisamo, nichiba chilukidwe aboya naa buluba, nichiba chikumba kufumbwa chakachitwa aachikumba kufumbwa chintu mulinchicho mujanika chipele chijaya, nkaambo chilakonzya kuzyala bulwazi . Echo chisamo chelede kutetwa loko mane chilote. 53 Kuti mupayizi wachisenuka chisamo eecho,mpawo wabona kuti tuzunda twachipele tetwasaalila muchisamo naa muchisamo chilukidwe aaboya naa buluba nichiba chikumba, 54 elyo uyoobalayilila kuti bachisape echo chisamo mulinchicho mwajanika tuzunda twachipele , alimwi weelede kuchipambula lubo kwamazuba musanu amazuba obile. 55 Elyo mupayizi uyosenuuka chisamo musule aakusapwa kwacho echo chisamo chajanika atuzunda twachipele. Na chipele techasanduka mubala nikuba kuti techasaalila, tachisalali pe. Weelede kuchuumpa echo chisamo, nikuba kuti mpaali mputwachitapukila tuzunda twachipele. 56 Na mupayizi wachisenuuka chisamo, alimwi kuti aalya ayeeyelwa tuzunda twachipele atubuluka nichisampwa , awo welede kudelula chibela chakatapukilwa kuzwa kuchisamo choonse nikuba kuzwa kuchikumba, naa kuzwa kuchisamo chilukidwe. 57 Naa kuti aawo aakalokela ziyeeyelwa kuti zilaatuzunda twachipele muchisamo kazichiboneka, naa muchisamo chilukiidwe , nikuba muchintuunzi zwacho chechikumba, nkokuti chilikusaalila. Weelede kuumpa kufumbwa chintu chileechipele. 58 Chisamo , kufumbwa chilukidwe kuzwa kuboya nikuba buluba, naa chikumba - naa kufumbwa chintu chakachitwa aachikumba - naa wachisapa chintu echiya, echiya chakatampukilidwe chazwa, awo chintu eecho ngachisapwe lubo lwabili, elyo chiyoosalala. 59 Ooyu ngomulawo aatala azeziya zitapukila chaboya naa kuti chabuluba, naa kufumbwa chilukidwe kuzwa kuboya naa buuba, nikuba chikumba, kufumbwa chintu chakachitwa achikumba, kuchitila kuti uchaambe chilasalala naa kuti tachisalali.