1 Jehova wakati kuli Mozesi, 2 ''Koya ukambuule kubantu ba-Izilayeli, ukambe kuti, na mwanakazi waminta akutumbuka mwana mulombe , aboobo ulasofwala kwamazuba aakwe alimusanu abili mbuli mbakali wasofwala kwamweezi. 3 Mubuzuba bwamusanu aatatu lulomo lwamwana mulombe lwelede kupalulwa. 4 Eelyo kusalazigwa kwamwanakazi kuzwa kubulowa bwakwe kuyoyimikilila anembo kwamwazuba aali makumi aatatu alatutatu. Tayelede kujata nekuba chomwe chintu chisalala na kunjila mudumba lyambungano kwamazuba akusalazigwa kwakwe katana zulila. 5 Pesi na kwazyalwa mwana musimbi eelyo ulasofwala kwamviki zibili, mbubonya mbali kumazuba akutondwa kwakwe. Eelyo kusalazigwa kwabanyina kwinkilila kunembo kwamazuba aali makumi musanu akkumi amusanu alimwi. (60) 6 Nakamana mazuba akusalazigwa kwamwana mulombe na musimbi, welede kweeta mwana wambelele ula mwaka uumwi mbuli chipayizyo chakutentela, amwana wankwilimba na inziba mbuli chipayizyo chzibi, kumulyango wedumba lyembunganino, kumupayizi. 7 Mpawo uyopa chipayizyo eecho kunembo lya Jehova akumubozya, alimwi uyosalazigwa kuzwa kubulowa bwakwe. Ooyo mulawu wamwanakazi ooyo utumbuka mwana mulombe na musimbi. 8 Na katakonzyi kweta mwana wambelele, eelyo weelede kweeta inziba izibili na bana benkwilimba bobile, uumwi abe mbuli chipayizyo chezibi, alimwi mupayizi uyomuswanizya, eelyo mwanakazi uyosalala.''