1 Îtuma téna, "Kemá áraimma keráwáqá timátímímúne, íma puyeq, paa maeq Îtogo wení imaamu-garaq kumínna aónainowe. Îtogo yaabiyínín-imaamu-garaq kumíníye. 2 Abaapaqke môra kanaa yawîtana, Îtuma Pítaa-karaq, Yémíti-garaq, Yónimma yiwîqmena anón-anubaq utaiye. 3 Wení unáákáqtó-goma ôkaan-uma tágaama awaarara-uraiye. 4 Îráitayaa Mótétima, yeráwáqó maakaq yaapáq-ureta, abo Îtu-te watáa tiraae. 5 Pítaa Îtumma anónná kéena, "Anóqko, maqkátá maunnata katekowe, abo maakaq kaumo naammá ónátaae. Môrama ennááe, môrama Mótéti-naae,abo Môra Íráita-naae titana, 6 Îtuma aamô tinimma í-maqe uraiye. Ikaatí-yataapi maetabowata. 7 Konnákó yama yaawáq-umá yíqkaitata maawana, mi-píké ááyama aiko-téna, maa naaqa ketimakaq íyáápó-mibo, wenaama ítaaro titata, 8 kaabe-éta, mogaraq-magaraq ommá, wayukama íma yeráwátéma maawata, kímora Îtuma maitata aónaraae. 9 Anumô yuwétamo kégumetama, Îtuma timáyímíkaiye, "Nói-tataaqo aónamma, íma timáyimero. Îtogo-ní áanikoma puqkurai-nabike uyaa itoiniye. 10 Min-aimmo timáyímín-aimma, yeráwápí maitata téite-uraae. Púyípike itoimma, nói-tabawaq tiraiyo téta-tiraae. 11 Yeráwáqá Îtumma ítáraae, "Nóin-aaitabawaq aro-aimmo ítaraa kayukama Íraita-taba áqnaabaq yiniye téta kéteyo?" 12 Îtuma yeráwáqá timáyímíkaiye, "Íraitama áqnáábaq iréna, máqte tataaqa yama aiqma kémainaraq maráníye. Nóin-aaikaraq Îtogo-ní áanikoma ímô awîqo mainna naaqkoraa-uma mamin-úmmá mayaniyo?" 13 Kemá keráwáqá timátímúne, Áqa Íraitama iraiye-te, abo nói-tataariqo umákanaae-téqa, monoq wánnágó wetábá tirai-teniq ínówe. 14 Aro-aukaapaqo áqnáábariq-uraa kayukama, Îtu-ni tisaípóro anna wayukaraq iréta aónámma, wayukati aukaapi maawata íma yimuqa makaae. 15 Yeráwáqá Îtumma yama kaoneta, máqtemma yimuqá maqmá wemmá koma áyáába-kéeta awaatiraae. 16 Îtu weni tisáípóro-anna wayukama ítama yimónaraiye, "Nói-tabawaq keráwáqá, mami kayuka-téma unítíqa kéteyo? 17 Môra naaqkoma wayuka ayubike, anónná-uraiye, "Anóko, ke-táanimma kuti-wáqkómá arunnóbáq maitana, íma aamá kétitaq, ekaq awîqme keyune," téna tiraiye. 18 Iyáánaq-uma yutáákurena, agaare-gómá kéitana, ení tisáípó waraa kayukama matuwai-kaae téqa, itaunna ímiye. 19 Îtuma yeráwáqá anónna-uraiye, "Keráwáqá ímo araine kéte kayukama, náaraq-umá kanaawaq keráwáte mauno? Náaraq umáqa kanaa keráwátí ummama mayaanuno? Kekaq yero. 20 Min-íyáápó Îtu-kaq yewana, kuti-waaqkoma Îtumma aónaatuwena, yoqtáámíqma marapáq watukaitna, óyáúpike agaarogó-uraiye. 21 Îtuma abowámmá ítáraiye, Ayáátáq-karaq mami-tátááqá paáq-uraiyo?" Abowámá téna, "Iyáápógo mataine," tiraiye. 22 Wemá mamá tai-goniq ónaae téna, yoqtáámíqma iraabí yukena nopí yukéna keiye. Arummá umátiq-keraata, nói-tataaqo ónaae téma, mirauma tíwáqna-rataa ínóne. 23 Îtu abowaa-taba téna, karaq iniye kete? Náawamo áráine tínóna waigoma, máqte tataaqa kanaa-íniye. 24 Min-íyáápó-góní abowaama áyaama kétena, "Áraine," tiraiye. 25 Îtuma aónaimma, netuqyammá uyaatéta yeráwáqo maabaq iraae. Wemá kuti-wámmá min-iyaapo-bike kéwaarena, "Ôqkaraq íma iyo," tiraiye. 26 Kuti-wáákómá waaqa-kéyena yawîtan, min-íyáápó-gómá, "Puqkurai kayukara-itata, puqkuraiye," tiraae. 27 Îtuma min-íyáápó-goní ayaakaq mûte yaabitimá itó-uyáákáitana, itóuraiye. 28 Îtu naaupaq uyáápéraitana, weni tisáípóro-annna wemmá ítáma aónaaraae, "Nóraq-ínatawaq kuti-wamma keqtáá-gáráq íma ikamma waráá-núnataabiyo?" 29 Îtumá yeráwáqá timáyímíkaiye, "Mamiraa-tátááríqa paámá íma inobo, nunamipí-ké tínómma matuwainowe. 30 Yeráwáqá mikákemmá yuwéta, wayuka íma ite-aone opaq Kéráriq-uraae. 31 Îtuma wení tisáípóro-anna wayuka yirááti-yiraati umáena kéwena, wemá yeráwáq-tábá téna, "Îtogo-ní áaniko, wayukatí yiyaapi wínata, abo yáqtomma ikáátuwaino." Mirauma-tuwaiyana, kaumo kanaa maena itóiniye. 32 Mirá timmá-nibo, min-aimmo timmá íma tágaraae. Abo yeráwáqá ítaama aónaiyaaba ikaatíq-uraae. 33 Yeráwaqá Képénaamuq koyaaréta, Îtumo naaupaqo uyáákéberenama, wemá yeráwáqá ítama yimónaaraiye, "Aapaqo yemmá nói-tataa-tabawaq téite-uraao?" 34 Mirá titaata, íma aamá tiraae. Aapaq kéyeta, "Náawaq anómma maiyo?" téta unítikamma tekáqképóta. 35 Îtuma yayaama môraabita kéena, "Maraq maero," tiraiye. Tuwóruqa Apotoro anna-wayukama yáyaama yíkaarena wemá tiraiye, "Náawamo áqnáábariqo-ónaae téma, mi-nááqkómá máqte mayai-wayuka-bikemma aqtóbáq maao," tiraiye. 36 Îtuma môra kebôyaan-iyaapo awîqmena yeráwáqtí áúkaapi maa-akaraiye. min-íyáápó-góní ayáákaq kéyaatorena, yeráwáqá maráténa timáyímíkaiye. 37 "Náawamo káraan-iyaapomo ketíwiq-kaqo awiráínónna, kemmá tiwirainone, abo náawamo kemmo tiwiráínónna, ketibommá awirainone." téna Îtumsa timáyímíkaiye. 38 Yónima Îtu-taba téna, "Tirááti-naaqko, yaimma yumo enááwîq-kaq kuti-wámmá kéwaraawata, íma miraa-oro téta tiraunnataae. Nói-tababiyo, íma tinaaéta warai naaqkowe." 39 Îtuma téna, miraimmanibo íma timá araayaqkaao. Íma môra naaqko ketíwîkaq aqkonná mayai-mayéna timá táiq-umá tikanibo? 40 Náwamo anaaépaq aimmo íma tinimma minná ketaapaq maiye. 41 Aaraimma kemá timátímúne, Náawamo nommo amínaamo nainónama, minna Îtu-ni araini mainobo ení meyámmá mayainone. 42 Náawamo kekáqó árái-tinna nááqó matuwenanamo, taí-aaipimmo yaúmetanimma, môra naaqkoní ánúwara-pimmo ôqtammo ánná atáumarena ú-nópímó yabótúwai-teqka-íníye. 43 Abo ayaakomo ínaama, tai-aaipimmo maema, ayaamma aráqtuwaao. Kimora ayaakaraqo wîyopaqo uyínónna móraiq-uraiye, iraabimmo kaayaq ayaakaraq wínonna. 44 45 Anibo môra aitaukomo awîqmena taí-aaipimmo wínaama, môra atauqa aráqtuwaao. Minná kateqkowe, mora aitaukaraqo wîyópaqo uyínónna. Móraiq-uraiye, kayaaq aitaukaraqo iraa-aapímmo wínonna. 46 47 Ánibo ení auraqkomo awîqmena taí-aaipimmo wínaama, môra auramma kubíqtuwaao, minná kateqkowe. Môra aurakaraqo wîyópaqpo uyínónna. Môraiq-uraiye, kayaaq aurakaraqo iraa-ápímmó winonna. 48 Náakaqo yeqtí kúqaremmo maimma, íma kébuyowe. Abo iraamá íma kébutinaiye. 49 Îtogo máqtemma aáwaq-kaqo tóremo marai-tenikaq umá iraamá agaatuwániye. 50 Tóréma minná áte-yaqtaare, immánibo tóregoma wení átémo imo mainatama, náaraq-onanatáwáq átéma iniyo? Keráwá-pímmó tóremo manimma, káqowate áyááqo ami-aaimma maniye.