¹ Itu mimaruq yuena Yutia uraiye,Yoteni aepa kevitata,anokayuka waqme keowana,Itu ammanaima timayimikaiye. ² Abo Parasi yemate maaqma oneta wema itarae. ³ Itu yaweqma timayimena Mosesini aroko noina tena tirayo. ⁴ Abo yauweqma teta,Mosesini aroko tena,mora nako weni anaqa watuenamena,wemo inana anatai wana aqkama aminana ko-inie. ⁵ Itu timayimikaiye,Mosesi minaro akamaima noitababio keroti tiruko ima aqkona uraiye. ⁶ Manibo,mamaramo aima ataraika itogo wagara ara taroq-umakaiye. ⁷ Minaitaba wago anoboyuma yu-ena weni anakote maino. ⁸ Abo yenaqka mama mora aukiyoye. ⁹ Minaitaba Itogo mama arapamakaiye,ima yainao. ¹⁰ Naopa mawana tisaipol anaq itirae minaima. ¹¹ Yaweqma timayimikaiye,ema naqnako enanaqa ayuwanona mina kumari aimma inone. ¹² Araago enawaiqa yuwe kaqo kamma mayainona minna kumari aimma keone. ¹³ Yeti matema pateno iyapo yibiqmeta yebata Itu yatokena nunamuma tine keitata tisaipolo watukae. ¹⁴ Itu mirainama oma anatuena,itama tai-uraiye.Yuenata patanoiyapo kenopa iyo,noitababio Itogoni marua nanaqko iyaporani inana wiomarua enae. ¹⁵ Araima timatimune,emo ima iyapo aukinona ima wiopa uyinone. ¹⁶ Patano iyapo yiwikena nunamuma timayimikaraiye. ¹⁷ Ituni tisaipol anaqte kewitana,mora nako uyatena irena arayutauma akatena itaraiye,anoko naqra era matumatu aqamma mayanuno. ¹⁸ Itu yaweqma timamena,naraq ita anoko teno,mora nako imma anoma maiye. ¹⁹ Ite one urane Mosesini aroko tena wati ima ikama puyuo,kumari aima ima uwo,ima wayuka kaqari aima timayuao,kaqari aima ima tiyo enano enaboti amaq itao. ²⁰ Minago Ituma timayimikaiye,anoko noinaima aroko tiraima pataniyapo meaq wakaune. ²¹ Itu minaqa onena timamikaye,kimora yataqa epi ima maiye.Urea mate mate tataqa makanaq yauwema yimio.Ima otaqma makaiya kayuka. ²² Minaima itatuena,itama tai uma tuena ima amuqa matuena koraiye. ²³ Itu mote waeqma tisaipol ana timayimikaiye,itaro umayaraiye otaqma makema nako Itogoni marupa ima winone. ²⁴ Ituni tisaipol ana itatuta anoma iyana urae, yawema tiraiye,patanoiyapo wiyopa uyima uma yaraiye. ²⁵ Purumakako waigoni api paqkanaq uma uyaperani otaqnako imaq Itogoni marupa winone. ²⁶ Weni tisaipol anaq iyana ureta mote mate urae,naowa mi aqa mayanio ²⁷ Itu yeroma yima onena tiraiye,araine minaiko umayanima imma uyinone wiopaq.Itogote arapainona wiyopa uyinone. ²⁸ Itu minaima ketimatuaima,Pita itouma timamikaiye,"Onao,keta matetata yueta ema waraunetae. ²⁹ Itu tena,araima tune,naowa namaq yuena awo yetunawaqa yuena,yetimanaqa yuena anoboyu yuena weni iyapo kara maraqkara ketabaq kara,mono aitabaq. ³⁰ Yemo nayumo mamarabimo yukatataqa yaweqma mora kara mayanoe,nanaqbio. Yetu nabarabio,yetinobo kara,iyapobio,marabio mono aitaba uma matama,anaqeka yini mara noka matu matu aqa mayanoe. ³¹ Mirainana naowaq atoba mainanako anaqwariq inana,anaqwari inana koma atobari inie. ³² Tisaipol aama waqmeta Yerusarem keowana Itu aqnawari uma kewitata anaema yakabe kara uma keowana,Itu ayama tena tisaipol narobataba wati imma maiyaipa oro,urena timayimikaiye,anaekaq noitata paqinitaba. ³³ Keta itaro makakemo Yerusarem winoma watigoni anikoma yatoqma anokayukati yiyapi yiminata weni aima yaima onanoe,tima taiq uyakatueta ikaminoe. 4 Akayama tiyaketa wiratiketa ,wirakeuyaketa ikama puyinoe.Kaumokana yabinana itou tuena koinie wiyopaq. ³⁵ Yemisi kara Yoni Yepetini yaniko mika uteta tiraiye,anoko kanarara yaima yataqa keratama tiwanaq inono. ³⁶ Yauweqma titaqena noina tiwana onuno? ³⁷ Yenaka teta,emo wiopa uyema keratama eni imamupiq tikao,ayaqnarupiq. ³⁸ Manipo Itu tena noitetaqa teyama ima ite one uraane.Kenaka kanarara nomo nauna nopike nekaba abo kema nomo peraunapi pereka iyoyo. ³⁹ Yenaka tiraiye,paa mirayoe teyana, ⁴⁰ Itu ketena araine paa mirainona manibo,kepi imamu ima maiye. ⁴¹ Tiyaqka tisaipol itatuena kayaqnakama itama taiq uraiye. ⁴² Anaeka Itu matema tisapol aikuyiq karena tiraiye,keroqa kaonae,Yuta wayuka watiraq keyabieta anoniq umma yabinoe. ⁴³ Keroqa inaqa ima miwai naima oro, ⁴⁴ morako ima uyatama mao,maiyaina auqkao. ⁴⁵ Wa-iyapogoni aniko yinima imma keta weqka mayaima mayanunatae,imie,wema ketakaq mayai mama weni aunapo tibikaitae. ⁴⁶ Itu karaq disaipol Jerusarem urae,anokayuka yinaema mareta keowana mora auqkaro nako Pataniq akoma ababaq maena watikotaba ina-ina ketinare. ⁴⁷ Maena itaina anoma wati ketaba,wati itama onarae,nayuwaq koqo timamikae,Nasaretiq Itu yawi.Minaukaroko ayama tena Ituo Tebitini aniko aruma umatikao. ⁴⁸ Araukaqa tima mika aayama ite yakaremao. ⁴⁹ Itu ita-tuena waeqma onena,awiqma yero titana Itu kayai ibo pataka yawao. ⁵⁰ Minako weni yaugiq unakato ayutuena Itu nopaq uraiye. ⁵¹ Itu minaqa itaraiye, kenoraq onuno titana,aukaroq nako tena anoko kema turama onena keune. ⁵² Itu timamikaiye eni aruko kanaiye,pakoinone titana amuaqa maqmaq koraiye.