1 Îtu wení tisaípóro-annama timáyímíkaiye. Kéqnamma wayuka ayú-áwááqá nainéta uraae. 2 Kema tiruno timayimikauraune, noitawawiyo kede kaumo yupa ima awa notaa meqwae. 3 Imo awaqa yimenata natuada winomoena puqna-puqna inoe winon apaqa. Tebakaqa anepake irae. 4 Itu weni tisaipolo anna timayimikaiye. Nakakena awaqa nai maran uwanabike mateta mami kayukama yiwaqna-onunatabio. 5 Itu werowama keitana naraq-umaqa awaqa matokao? Awapke kayare tiyamikae. 6 Marabi marataq-oro tena timayimikaae. Nunaumma timatuena abaqpake kayaq bareti matena kitikiti uraiye. 7 Yeima paqya noiyaq-karaq matokawana Abowamma auqaimma tiyakatuwena weni tisaipolo-anna-yatawa mina-gara abau-oro tiraiye. 8 Nama yimuq yatuweta awapake kayaq annon unamma atoato awaqa aituma ogikaae. 9 Kayaqte kayaqte tauseniqa maeqoma timayikaunata kouraae. 10 Itu tisaipolo-annate pataka kenubi metatuweta Dalmatu marabaq kouraae. 11 Itana Párásísi wayukama yayaamá paáq-ureta unítíqa tiyáákáraae. Abaayápáqke awaméqá páqikaae téta anókaq áyaama-aimma tiraae. Îtumma maqmá aónaneta. 12 Îtu anón-aama matuwéna tiraiye. Nóraa-itatawaq maa kayukama awaméq-tábámá kéteyo? Áraimma timátimune. Îma môra awameqa keráwá-káq paáq-iniye. 13 Îtu keqnámmá káánobi metáátuwena u-nokomma méraan-abapaq kóuraiye. 14 Îtu-ní tisáípóro-annama aáwaqa mamé kóiyataba yiwimmá kátukaae. Káánobi môra aáwaqa íma araimma maqe-uraiye. 15 Îtuma timá-yááqa-yokaiye. Párásísi-annna wayukama-karaq Éróti-ní kaaqari aitaba yaabíkéraq kawaa-oro. 16 Tísáípóro annna wayukama téite-uraae. "Nói-tababiyo, aáwaqa íma maitataae." 17 Îtuma maminná ité-aón-umátuwena timáyímíkaiye, "Aáwaqo ímo maitaba, nóra-itaraq téite-kéo? Íyaq keráwáqá mayaino? Íyaq karáwáqá kétagaao? Tiru-kómá yaawáq-umaguraitarabiyo?" 18 Auramma uyáákáraiye, íma kaaonano? Áraramma-umákáraiye, íma kéitaano? Íyaq itaama aákaqa makaano? 19 Môra tiyáápaq baretimo kíti-kiti-umá, môra-tiyaapaq tauseniqa wayuka yiménáqo-unanama, náaraq-umá basiketiya, kítí-maraunna keráwáqá aituraao? Yeráwáqá Îtumma kétimameta, "tuwóruqa basiketi," tiraae. 20 Abaapaq-ké kaayaq baretimo kítima kaayaté-kaayate tauseniqa wayukamo yiménaqo-urainnama, nóraq-uma basiketiya keráwáqá aíturaao?" Yeráwáqá Îtumma timámíkaae, "Abaapaqke kaayaq básíkétíyé" téta- tiraae. 21 Îtuma téna, "Keráwáqá íyaq túyáánámmá ítámá ketagaao?" 22 Yeráwáqá Bésáitaq uraae. Mi mápáq wáyúkámá augaaropayá nááqá awîqmeta Îtu-kaq iréta, "Paátákáá aneq yáqtoraao" téta-tiraae. 23 Îtuma augaaroq naaqa ayáákaq yáqtoqma awîqmena mi-márúkóní awaabaq uraiye. Aurakaq wirááti-wiqmaréna, aneq yáqtotuwena tiraiye, "Áraq máqte-tataaqa kaónaano?" 24 Mûte karáqma wayuka yimónáúnama, "Yaa-gómá uré-ire i-káániq keowe," téna augaaroq naaqkoma tiraiye. 25 Îtuma wení yáámma aurakaq ánékuyitana, auramma karaqma máqte tataaqa aonaama tágaaraiye. 26 Îtuma mi-nááqá wení naaopaq waqkúyaakatuwena tiraiye, "íma téténibaq yauwéqma waao," tiraiye. 27 Îtuma weni tisáípóro-anna wayukate Kaesariya Pírípiq namaarabaq uraae. Îtuma wení tisáípóro-anna wayukama aapaq kéwena ítááraiye, "Ketábáma náawae tétaq wayukama kéteyo?" 28 Yauwéqma wemmá timamikaae, "Yónima monoq-nómmá péqyikai-naare téta yeráwáqá tiraae. Yaimma emá Îraitamiye kétewata, abo tébakaq wayukama, amuné-ánna wayukabike naare," téta-tiraae. 29 Mirá kétemma-nibo, Emá, Pitama náawae téyaq ketábámá kéteyo? Pitama Îtu-taba tiraiye, "Emá Métaayaamone," téna Pitama tiraiye. 30 Îtuma yeráwáqá aqkonná yimamma yimíqkaiye, íma keráwáqá ketabama, Îtuwe téraq môra wayukama timáyíméro, téna Îtuma yimamma yimikaiye. 31 Îtu ôqa augen-aimma ataama wení tisáípóro-anna wayukama timáyímíkaiye. "Îtogoní waa-iyaapo-goma, taibaq umaa-yataapi koberaínata abo monoq káwáá wáyúká-gáráq anón-ano piristi-wayuka-garaq, aro-aukapaqo ánnábariq-uraa kayukama yiyáábú-naabu kéuyaaketa, ikamíyana puqkéna yauwéqma kaummo wáágá yáwínana itoiniye," téna timáyímíkaiye. 32 Wemá timá-táágayimikaiye. Abo Pítama Îtumma awîqma awaabaq aqkaarena Îtu-taba miraan-áímmá í-tiyo tena awáágúraiye. 33 Miraurai-manibo Îtuma yauwéqma waékéna wení tisáípóro anna wayukama karáákéna Pítamma káwaa-gena tiraiye, "Maa-marabi naaqa, ketinaaépaq yawaao! Ení auyanamma íma Îtogo-ní mi-tataakaq kémaraa-namanibo, wayukatí mi-tataakaq kémaraane," tiraiye. 34 Mikáqkémmá wení tisáípóro anna wayuka-garaq, máqte kayuka kayukama yáayama aikuyiqkarena, maráténa timáyímíkaiye, "Náawamo keti-naaémmo waaránénama, wetáábámá awimmá-umátuwena abo wení kaapaq yaama aqmena tinaaémma waaraino?" 35 Náawamo wení ibeq mai-yataatabamo anó tataare-ténama, mi-wáágómá wení mai-yataaqa yuwáníye. Abo náawamo ketí íráqón- amaan- aitabagaraq ketábááé téna tíní-waigoma, íráqó maiyataaqa mayaniye. 36 Maa-márábí máqte tataatabamo ínna waigoma, nóin-iraqo mai-yataaraq mayaanéyaq abo ení iráqó maiyataaqa awîmmá inono? 37 Wayúkagoma wení íráqó maiyataaqo mayáánénama, nói-tataaraq anónná- kamenawaq mayaniyo? 38 Náawamo, kumari-aaikaraq kaabirayán-áípímmó maénamo, agaayan-anna wayuka-bikemma, ketáábá-gáráq ketí ámáán-aitabamo, agaeyátábámó énama, Waa-iyáápógóní Áanikomo wení tágaama-garaq Abowáá-te abo aokaq enitore-rawatemo kumíní kanaama, agaeyáábá-umáyiqkaniye.