¹ Îtuma mi-marûqa yuwéna wení tisaípóro-annate maréta wení marûkaq uraíye. ² Taabatí aagaí-kánáámo kéyimma, wemá Yíu wayukatí monoq-naaupaq ámaan-aimma tiraíye. Nétuqya kayuka min-ámáán-áímmá ítáátuweta iyánáq-uraae. Yeráwáqá kéteta, "Náakakena mamin-ámáán-aimma mataíyo? Náaran-itaiyaq wemmá ámíkaao,' téta tiraae. "Nááran - awaḿeq yaqtaaraq weni ayáápike mamá kebaq-iyo?" téta tirae. ³ Wema kaanaammó - í náárábiyo? Máriyani áanimma, Weni abaq-awaayuma, Yémítigaraq, Yósepegaraq abo Yútásigara Símíyónima. Abo weni áámánatoimmá íma ketááté maabo?" Mirá kéteta, Îtumma itaama kamugámá umákáraae. ⁴ Anibo, Îtu yerawatabama mara tiraiye, "Îtogoni amune nakoma kaqo marukaq wayukama anon-awîqa kamebo, weni marûkaq wayuka-garaq, weni môrabike annama wemmá aónama marapaq keyuwae." tena timayimikaiye. ⁵ Îtu ôqa íma akoqna mayaima maitaibo, weni ayaakake yinekumma atôbayikaraiye kaari wayukaraq. ⁶ Wayuka ímo wemmo áráine timakaaaba, Îtuma anon-auyanamma itaaraiye. Mikakemma, wema marukaq marukaq keyautena amaan-aimma timayimikaiye. ⁷ Abo túwóruqa apótóro wayuka yááyarena, tawî-wammo aenaen-umá kárátuwai imamu-garaq akoqna yítuwena, kaayaq-kaayaq umá mayaíráq timáyíkaraye. ⁸ Kétimayikena yímamma yimikaiye. "Íma môra yataqa máyaaro. Ima aáwakaraq unanotakaraq abo yaumá máyaro. Kí mora yautataa tiyaapimma yórááro," téna yímámma yimikaiye. ⁹ "Titauq anaamma kéeraq abo kaayaqá ayáátáqo ima tiyota kumátárainna tineqá-oro," tiraiye. ¹⁰ Náa naaupaqo kobereq, mi-naupre téraq, máeraq abo mi-kakémmá yuwéraq kóro," téná timáyímíkaiye. ¹¹ Naá maûkaq wayukamo imo íráqón-aaimmo umá tirátéta aamo imo itaayiqkaiyaqa, mora yataaqa-umá yiratéraq, títaaru-kake kaito popoq-umátuwaaro," tena timáyímíkaiye. ¹² Timáyímítuwaitata anibo Îtuní tisaipolo-annama maréta koúreta abo wayuka móma kétimayimeta, tawi áaipike yuwéraq tirummá waeraaro," téta timáyímíkaae. ¹³ Nétuq wayukati yirupike kuti-wákáwáqó aenaen-umá kégaratuweta, yinókaq matawémma kátiyiqketa abo kaarímá atôba-mayikaarae. ¹⁴ Îtumo tarôq umatuwan-aaikoni wataa-garaq áwîkoma anoniq umagitana, Kin Erotima itaaraiye. Yaimma, wayukama keteta, "Yoni nomma peqyikai-naakoma naakoma pukurai-pike yauweqma itouriye. Min ááítaba aokaq ímámu-garaq ákóqna--koma wepimma mayaima kémayaiye," teta tirae. ¹⁵ Abo yaímma wayuka kéteta, "Wemá Íráitamiye," Tébabakaq wayukama kéteta, "Méma naayo kanaabi amune annabike môra amune nááq-iye", tiraae. ¹⁶ Abo mamin-aaimmo téite-omma Kin Erotima itatuwena, wemá mará tiraiye, "Yoni nommo peqyikai naqkoni aqnommo araqtuwaunanamo pukurai naraq yauweqma itouraitaraq kéteo," tiraiye. ¹⁷ Abo min-aitaba Kin Erotima, wayúka timáyíkaita, Yónimma yaqtoqma ánná-amikae. Erotini ábááqa, Piripiye. Anáakomma, Erotiyasiye ten-inimma Kin Eroti mayaakánena, ¹⁸ Yoni Erotimma, mara-tena timamikaiye, "E-naabakoni anaaqo mayaikainnona ima mainna amma warainone," titana, ¹⁹ Abo Erotiyasima Yonimma ayaataba-umakatuwena puyónááe timma umma yamákáraiye. ²⁰ Yonima iraqon-aaikaraq aokaq naqa maitana Eroti Yonimma ikatiq-umakatuwena, paá ayúwáitana maitana, yabiraqkaraiye. Erotima Yon-ni aamó waraiyaba anómma abo-garaimmanibo paá wema ti-náimmá amuq-yatáápíke ítaayamikaiye. ²¹ Erotimo paáqurai kanaa yitana, wení anón-ano kayuka-garaq, ami wayukati anón-ano kayuka-garaq, abo Kérári-ti kawaa wayukati énaikaq aawaqa yoqka kéowana, Yonimmo ikamí áámmá paáq-uraiye. ²² Aáwaqa kenawa, Erotiyasi-ni ayaamuko yúbáqí-yama, Eroti-karaq wení anón-ano kayukama, yimurámuq umáyikaraiye. Kin Eroti, mamin-ínáárúgótábá tiraiye, "Noi- tataatabamo keem, kemmá íté-naraq áméno," téna tiraiye. ²³ Kin Eroti, aikaq-maqtuwéna mamin-ínáárúmá timamikaiye. Noi-tataatabamo itainónna, paá aménúne, maarauma aúkáápike yaimma kemo yabíkáúnna maruqa aménúne," tena timamikaiye. ²⁴ Mamin-ínáárúgómá anówaka uréna itaraiye' "Nói tataatabawaq Kinimma itáánúno titana, anówa kétena, "Yónimo nommo kébeq-yiqkai naqkoni aqnótábá kétikaiye," tiraiye. ²⁵ Mamin ínáárúgómá paátákaq Kinikaq uréna abo Kinimma kéiena, mara-tena tiraiye, "Ma íbêq-uramma, Yonimo nommo péqyikai naqkoni aqnómmá yaa-táápépí timíkaae teq kétune," téna tiraiye. ²⁶ Kini Eroti mamin-aaimma itaitana, auyanakoma anómma tawitawa unáguraiye. Wemo aikaqo matuwéna timákárai-tabagaraq weni anon-ano kayukamo yimuq áaimmo yirátin-aitaba téna mamin-ínáárúgómó tin-áímmá waqkaiye. ²⁷ Miraitana, Kini Eroti wekáqó yaabíye aami-wayukabike môra tímakéná, Yonini aqnómmá aráqma mamé iyo timákena Yonini aqnómmá aráqma mamé iyo timákáraiye. Abo wekáqó yaabíyí aami naqko urena Yoni-ni aqnómma karaabúti naaupaq maitana koma ikamma aqnómma araqkaiye. ²⁸ Aami naqkoma Yoni-ni aqnómmá yaa-táápépí matuwéna maména mamin-ínáárú máma amikaiye. Abo maamin-ínáárúgómá mamá anówamma amikaiye. ²⁹ Yoni-ni tisaiporo-annamo púyíyé aimmo itatuweta yemá iréta mamin-ábámá maameta mátímatipaq mo-uturaae. ³⁰ Túworuqa apotoro-anna wayuka yauwéqmeta Itu-kaq iréta, wayuka ámaan-aimmo timáyímé-karaq mayaimo, matuwaan-aimma Îtumma timámíkae. ³¹ Abo Îtuma yerawataba máqtemma yíyaata, wayuka imaan-aukapa paáta kanaa koma agaamáta máeno." Wayukamo oriq-umámo wemmo aónaanetamo yewáná aawaq awetamo i-naitaba," miráténa timáyímíkaiye. ³² Mirá titataa, kánobi metátuweta, wayúka ima maan-aukaapaq yeráwáqá aiqma kóuraae. ³³ Yeráwáqó kómma taibaq wayuka yimeónatuweta abo máqte maruq-kake kayuka marabi móraitéta uyaatéta yenókaa komáwata abo Îtu-garaq weni apótóro-anna wayuka mikaq uraae. ³⁴ Wayuka aikuma maakaqo nonawabaq koyimonama anómma yirutábá-uraiye. Yema tipitípiraa-uma yeráwáti kawaa í-maitata maawana yimónatuwena áníye, tena Îtu nétuq ámaan-aimma timáyíkaiye. ³⁶ "Maa kayukama timayikenata áraa marupagaraq naamaramo máraiya waqokaq ureta abo yerawati aáwataba abaa-oro," teta tiraae. ³⁷ Îtuma yeráwátópaq anónna-umá timayimikaiye, "Kerawaqa aawaqa yimiyataa naaro," tena titataa, weni tisaiporo-anna wemma timamikaae," Kanaaraq tu-ántáréti kinaraq aáwaqa meyáníq-umatuweq yimenatawaq naino? teta tiraae. ³⁸ Îtu yerawataba tiraiye, "Kerawaqa ureraq koma aonaaro, noraq-uma baretiya maakáwáá". "Yerawaqa aonaatuweta, mora tiyaapaq bareti-garaq kaayaq noyaaqa maiye," tiraae. ³⁹ Abo Îtu timayimena , "Maqe kayukama áápêpaakaq ko-aikugu-umá maraatôq-oro," tiraiye. ⁴⁰ Abo yaimma antaretiqa kaikuyowta, yaimma títiqa wayuka kaikuyowata-uma maratôq-uraae. ⁴¹ Îtuma môra tiyaapaq bareti-graraq noyaaqa matena múte auramma yuqma abaanayapaq kaonena wema nunamumma timatuwena abo baretima mama kítita-kitita umakena, weni tisaiporo-anna yímitatoa wayukabi awaa-uraae. Kaayaq noyaa-karaq ôqa mirárá-uma yaimma yimitaba naraae. ⁴² Maqte kayukama kanaaraq-uma naama yímuq yaraiye. ⁴³ Natuwaawata, aqto-aqto áawaqa tisaiporo-anna wayuka bereti-garaq noyaaqa túwóruqa unamma ógimma aiqturaae. ⁴⁴ Beretimo namma-mirauma môra tiyaapaq tauseni wayaanamma naraae. ⁴⁵ Natuwaawana, kabe-itana Îtu weni tisaiporo-annayaba kánobi metatuweraq kenokaa méran-abaapaq, Betsaita kegoiyaaro-tena ketimayikena abo wemo maqte kayukama timayikaitata wéyáwé-uraae. ⁴⁶ Îtu timayikaitata wéyáwé keomma, wema nunamummá tibaq anubaq utaiye. ⁴⁷ Enaikariq-uma kumayuqa-aráápaimma, kánogoma u-nokoni aukaapi witana, wenama maena yimonaraiye. ⁴⁸ Anubaqke wema marute yuqma aonaimma, ano uwáá kéyoraitata, weni tisaiporo-anna kaanomo awetainotaba anomma yiyaatamma kutaae. Kumayuqo araapagimma Îtuma ú-nókóni anaanakaq marena yerawaqa kótaamakinena uraiye. ⁴⁹ , 50 Abo Îtuma u-nopi marenama yimma aonama yáataba kéeta, môra wáata keiyeteta anomma waaqa-yuraae. Kabe-itana Îtu mara-tena tima yimikaiye. "Ima ikatiq-eraq timamma arapaaro, kema keyune," tiraiye. ⁵¹ Îtu kanobi uyáá-matama yerawate maitana abo uwáá-goma móma áwáá-itana yerawaqa abo mika yiyánáq-uma ánáátaraae. ⁵² Bereti-raqo awaméqó paáqimma ima yúyánámma itaama tagaraae. Yeti yuyaanako kumayuqa-aukuraiye. ⁵³ Nomma ataama Kénésarétire-te marukaq káánoma nonáwábaq mo-makaae. ⁵⁴ Îtu káánobi-kemmo kémaataimma, wayukaq káánom aónaatuweta ⁵⁵ abo mamin-aukaapaq wayuka máqte marukaq-ke, kaari wayuka kukutaaraq, yiwiqmeta, naákaqo Îtu maiye te marukaq wówo-uraae.