¹ Yeráwáqá ú-nónáwabaq maréta Gérásárési aukapaq uraae. ² Îtuma káánobike paápaq metáátuwena kégumitana, môra mátíqmati-nobaq máqe-i naaqa wení aubaq náakakekamma yama itôuraiye. Mi-nááqá táwí-aagoma arunóbáq mai naare. ³ Mami nááqá wayuka yiqkaa-yiqkaa-o maiqnobaq maitatabowata, íma yáqtoreta, íma séni annaaraq-kemma atááuma kéyaatoraa naare. ⁴ Mami naaqa yáqtomma, ánná-naaupaqo kátaao annaraq-kekaraq sénima atáá-uma yáqtórámmanibo, minná-garaq yaaráqma môra baupaun-umárena, kéberai-naare. ⁵ Máqte nokaa-karaq wágááma, anuba-kékáráq áyaama kétena, máqtí-maqti-nobakemma, aá-garaq oqtaamma maténa aúma kégarena kémaine. ⁶ Népaqkemma mi nááq-kómá Îtumma aónaatuwena, wen-aítaupi yama awautaiye. ⁷ Îtogo-ní áanimma, "náaraq ónaq-unawaq emá kéyeno. Îtogo-ní áwîkaqibo, kemmá íma aotaammá timiyo. ⁸ Îtuma táwí-aagomma kétimakena, mami nááqá ayuwé paápaq yáwaao," téna Îtuma tiraiye. ⁹ "E-náwîqa náawabono!" téna Îtuma ítaitana, wemá anónná-uraiye, "Kemá Rísónimune," tiraiye. "Minná ketáámá nétuqyaa-múnataae," tiraae. ¹⁰ Mi nááqkómá ôkaraq ítáraiye, "Ímo waqtúwénata, ôq-aukapaq kónnataao." ¹¹ Miráitana môra anubaq, pó-rawaqa maeta auma-naraae. ¹² Yeráwáqá tiraae, "Timátíkénata méra po-nobaata kobéráánataao," tiraae. ¹³ Miráitana Îtuma yiyúwáítata, tawi-aarawaqa yuwéta pó-nobaq kobékaae. Abo po-rawaqa uyaatéta no-nóbáq kuqpékaae. Máqtemma komae-yamae-umá kaayaq tauseniqa pókáánímmá mi túpáámá pukaae. ¹⁴ Pó-raq kawaa- uraa kayukama, uyaatéta téténibaq koureta, yeqti kawaa waayuka timáyímíkaae. "Paámo karaapáqó mááqe-uraa kayuka-garaq máqtemma yiréta aónaraae. ¹⁵ Îtumo maikaq iréta mi-nááqá aónaraae. Táwí-aagoma arunóbáqó máqe-urai naaqkomma, wení íráqón-auyaanamma yauweréna yitana, unáákáqtó-umá íráqóniq-umárena maitata, yama aónama iyáánáq-uraae." ¹⁶ Yaímma wayukama, táwí-aagomo yááqtórai naaqo aónaa-yuma, máqten-aimma timáyíméqme-uraae. Pó-goní watáa-karaq timáyímíkaae. ¹⁷ Mi káyukámá Îtu-taba, "min-áúkápáq yuwéna ôpaq kóikaae," tirááe. ¹⁸ Îtuma káánopi uyáá-kémitaitanama, táwí-aagomo arunnóbáqó máqe-i nááqkómá Îtu-te wónaae," tiraiye. ¹⁹ Miráimmanibo, Îtuma maréténa timámíkaiye, " Ení naaopaq uréyaq, enaanóboyuma kétimayimeyaq, máqte kayukama móma timáyimiyo, emmo Îtogomo áwáqna itábákáq, wení aru-tatááqó emmo aráátimma, móma timáyimiyo," tiraiye. ²⁰ Abo wemá yuwéna kéwena, wetáábá áímmá, Îtumo awaqna-itábámá, Tékápórísi aukapaq timáyímíqme kéwitata, kéiteta kaóneta anómma yimuq-írááyába puqkaae. ²¹ Îtuma káánobi mitátuwena méra nonabapaq ko-atamá witataa anó kayukama aíkuyaakaraae. ²² Mora naaqa Yáírúsiye-te nááqkómá monoq náákáq yaabíkai-powana, yama amaakaq aítaupi awaútaiye. ²³ Îtumma ôkaraq itaraiye, "Ke-tiyáámúmma awaaraq puqkínéna kéiye," tiraiye. "Emá iréyaq, koma ketiyáámúmma atóbayaakaikaae," tiraiye. ²⁴ miraitana Îtuma anaaé waqmé witata, nétuqya kayuka-garaq anaae waqméta uraae. ²⁵ Mikáqá môra inikaraq máqe-uraimma, wemá naae-káárí máyain-inimma, túwóruqa karitimati uraiye. ²⁶ Wemá nétuqya tótáámá yimónaraimma-nibo, wemmá íma kanaaráq umákaraiye. Kaarí-gómá wemmá íma ánáátayaqkaraiye. ²⁷ Wemo Îtu-ní watáamo ítaatuwenama, yáákarena wayuka-nobakemma, Îtu-ní unáákáqtóraq ánékuqma aónaaraiye. ²⁸ Min-íníkómá tiraiye, "Kemo ánékuyonunnama, ketí kaarí-gómá ánáátaginiye," tiraiye. ²⁹ Wemá Îtummo ánékuyitanama, wení kaarímá ánáátayaakaraiye. ³⁰ Îtuma wení imaamumá kóitana waeqkena ítaraiye, "Náawawaq kemmá tínékukaano?" titata, ³¹ wení tisaípóro-anna wayukama timámíkaae, "Maa káyúkámo wenáwétáraq-wenawetaraq ommá aónaaro, náaraq itawáq min-aimmá kéitaano?" tewana, ³² "Îtuma náawaq irautaiyo," téna abauma yauturaiye. ³³ Araa-gómá minná kaónena anómma atete-uraiye. Miraítana min-ínígómá Îtu-ní aitaupi yama káwautena áarain-aimma tiraiye. ³⁴ Îtuma timámíkaiye, "Keti-yáámúmma, ení aqkonná amaakakigo-itaa atobááne, kaayonébake waao, ení kaarímá ánaatagiye." ³⁵ Wemá min-áímmá kétitana, yaímma wayuka, anó kayuka-bake watáa maméta kégumeta mara tiraae, "E-nayáámúmma puqkibo, nóin-aaitabawaq tirááti naaq-kotema máeyaq watáa-wataama kéteno? tiraae. ³⁶ Îtuma min-áímmó temmá keitena, monoq-naaupaqke kawaa-naaqa timámíkaiye, "Íma ikatiq-eyaq Îtogo-kaq akoqná auyanamma maraao." ³⁷ Îtumá yaimma wayukamo anaaémmo waraiyabama, íma kanaaráré-téna tiraiye. Pítaamo, Yémitimo, Yónima, Yémítini abaqawaae, miraumA-yuma wení anaae warainowe tiraiye. ³⁸ Monoq naaupaqke kawaa nááqkóní márûkaq uraae. Koma aónaimma, nétuqyaan-aimma kégaareta, ibiqá kéyaareta, yo-yáámmá kéeta máqe-uraae. ³⁹ Naaupaq uyaabéqma uténa timáyímíkaiye, "Nóin-aaitabawaq ibiqá kéyaraao? Maan-íyáápómá íma puqkaibo, auwaguréna maiye." ⁴⁰ Îtumma wîraa-umákáraae. Miraitana máqtemma waqmá paábaq márute kéyuwena, anowaaya abowáá-gáráq abo anaaémmo waraa-yuma yiwíqmena iyáápómó maipaq kobekaiye. ⁴¹ Îtuma uréna ayáákaq yáqtokena tiraiye, "Tarita kum!" Minna maráténa waéqma itai-aimma tiraiye. "Paatan-inaaruma kemá kétuqpo, itôwaao," tiraiye. ⁴² Páátáká min-íyáápógómá itouma-guraiye. Wemá túwóruqa kaaritinamati-uraipowanaae. Wení wayuka-garaq iyáánáq-kéeta yimuqá makaae. ⁴³ íma môra-waigoma iténa-aónena ínówe téna Îtu tiraiye. Aáwaqa amíyana naino," tiraiye.