¹ Ôqa Îtuma átaama ámáán-aimma ú-nonaabaq kétitataanó kayuka-namma yautuyaqkaraae. Môra kaanoma ú-nópí maitana Îtuma mi káánópí mataamá maena ámáán-aimma ke;titata abo mami máqte kayukama ú-nónáwábaq maeta ítaraae. ² Îtu taibaq aimma awaaméq aipike-karaq abo wení ámáán-aipimma wemá mará téna yeráwáqá timáyímíkaiye. ³ Keráwáqá maabáq ítaaro. Môra yónábó naaq-koma ánááyumma marabi yuqména yaútinena-uraiye. ⁴ Ánaayumma yópí yuqmena kéyautitana, yaimma aapi kuqturaitana numaráwákómá kumma aíqnatukaiye. ⁵ Yaimma anayukoma oqtaa-marabi kuqturaiye. Oqtaan-amuraqa pááqya marama maitana páátáká utarai-manibo, ⁶ íma ánûqa mémá marabímmá pékaiye. Aaqá utaamá-gaamá mamin-ánááyúmmá kamáá ayáákatukaiye. ⁷ Yaímma anaayyumma áwábiq-náámá kuqturaiye. Utaimmainibo, áwábiq naama-garaako araqnátuwaitana ima arammá itaiye. ⁸ Yaímma anayumma kateko kukéna, arammá kótamaqma itaiye. tétiqa (30) keiyaimma, sigis-tiqa keíyaimma-uma kótamaqma atarétiqabaq itaiye. ⁹ Abo Îtu téna, "Náawa-naawama, ááqa-yuke itaao," tiraiye. Îtu wenaamámó maikaq, wení apótóro-maiya wayuka-garaq wení waqókaqo mae kayukama, mamin-áwáméq aimmo timátúwai-taba wemá ítaraae. ¹⁰ Îtu wenaamámô maikaq, wení apót'oro-maiya wayuka-garaq wení waqókaqo mae kayukama, mamin-áwámeq aimmo timátúwai-taba wemá ítaraae. ¹¹ Keráwáqá minná náaraq-umámo Îtogo-ní kawáámô-uma yaabíyíní aimmo yaawáq-uraimma ítátukaae. Abo máápaq wayukama, awaméq áípíké itainowe téna yeráwáqá timáyimikaiye. ¹² Anibo yeráwáqó aonainetama, paa aónaimanibo, ima aónainowe arutainówe. Abo yemó itánááé-tétama, paa itainómmanibo, íma itaama tágainowe. Mira-tataaqo imo paaqi-kaae tetama, yeráwáqa Îtogo-kaq yíyaana abo Îtogo yetí tai-aaimmá matuwániye. ¹³ Abo Îtuma yemá timayímíkaiye, "Ker áwáqá mamin-áwáméq-aimma ítaama taageqa, náaraq-umáwaq tebakaq awaméq-aimma ítaama tagaino?" ¹⁴ Yónábo naaqkomo ánáyummo yukaímma minna Îtogo-ni ámáán-aimma yukaiye. ¹⁵ Aapimmo kuturai anaayukoní áaimma arábáqiye. Amaan-aimma timáyímítuwaa-wata wayukamo keítatuwamma, paátákáq Sátání irena yúyááná-píkémmá kématuwaiye. ¹⁶ Tébakaq anayumma óqtaa maraaraqô kuqturáimma minnâ yáimma wayukama yimuq-yátáápíké Îtogoní ámaan-aimma itááma áraine-tirááe. ¹⁷ Miráá-uráámanibo, Îtogoní ámaan-aikoma íma wayukatí yirunobáqá ánûqa-yamá aqkonáá-uráiye. Paáta kanaama máá-wana abo Îtogoní ámaan-aimô máyaa-aitaba ummagô yeqtínéqô yínatama, paátáká min-ummábí kumáwinowe. ¹⁸ Abo yáimma wayukama nááma-garanobaqo yáima anayummô kuqturái teqka-umá Îtogoní ááman-aimma ítáátuweta, ¹⁹ abo yeqtí mái-yaqtaataba netuq-natúq yuyanamma kéiteta, maa-márábí ótáákoni kaqari yúyánámmá kéiteta, abo tébakaq-yaqtaatabagaraq yúyánámmô ítaawaigo námaraa-káruma Îtogoní ááman-aimma araqnayáákainana íma min-aikoma aramma iyááníye. ²⁰ Yáimma wayukama kateqko máráráqó ánáyummô kuqturái-teqka-urááe, Îtogoní ááman-aimma ítaama yirukáq maqtúwáwana min-aikoma arammá itáiye. Ánáyummô kuqturaimma kótáámaqma 30 tiqa kéiyainana, 60 tiqa kéiyainana abo 100 tiqabaq kótámaqma kéiyainana-itaíye." ²¹ Îtuma mará-téna mórágaraq awaméq-áímmá timáyímíkaiye, "Óommô kékuraqmaretama, atípá-goni aménápáráq kémara, tíninobaraq kémarao? Ímiye, íma mirámá kéobo, óomma kúraqma abarokáq kémarae. ²² Nóinaitababiyo, Minná aúbáqó maínna yaqtaaqa paáq-kéinana abo aúyokurainna yaqtaaqa abarokáqá-íníye. ²³ Náawamo aáqo maakémo ítenna waigoma ítama-arutaao." ²⁴ Ôkaraq Îtuma timáyímíkaiye "Mamin-aimmo ítátuwamma túyánámmá ítáma-arútááro, keráwáqá náaraq-umáwaq amínó, min-áwátáq keráwáqá kétimenamanibo ôqkaraq timiqma ummataníye. ²⁵ Náawamo tágama-auyanammo yokaínna áaikaq wemmá mórágaraq tágama-auyanamma amiqma ummatayáqkaniye, abo náawamo ímo môra tágama-auyanammo yokaínna-waigomma, wení páqya/kebóqya auyanamma yuqmá ánataniye. ²⁶ Îtuma óqa móragaraq timáyímíkaiye, "Îtogoní kawáámô-íni aúyánákómô mayaímô mayánímma maraa-uráiye, môra naqkoma yópí móma-ánáyumma uqmakáitana, ²⁷ nááraq-umámô marabí-kémmô utamá ánáyamamô anómmô auraimma, aúmô waena itóena-immá, íma ité-aóné uráiye. ²⁸ Maragómá mamin-ánáyúmmá mamá anómma aúrakaitana arammá itáiye. Áqnábaqa utamá ánáyarena, mikáqá anómma-aúmma arammá-imá yoqka-kéiye. ²⁹ Ábuma-kama yoqka ínanama, minná aáwaqa aqkaraí kanaa paáqini-bowana yókóní abowámá aáwaqa mayaíníye." ³⁰ Kéqnamma ôqkaraq Îtuma timáyímíkaiye, "Îtogoní kawáámô-uma yabiyíní auyanamma naáraq-uráiyo? Awaméqô maqma timátíménaq itáínô-naimma náaran-aukaparaq ténúnô? ³¹ Îtogoní kawáámô-uma yabiyínímma, minnâ mástéti ayuka-uráiye, máqten-ayukawa-pikemma kótáámaqma paáqyan-ayun-uramma marabímma kéubowe. ³² Uqmakááwanama, aniyeténa anómmô-auraimma minna máqte anayukawa-pikemma, uyátaa-uyata-uma, anón- amanaatomma amayamá kéinana, numaráwáákómá ánáamma mi ámáráwákóní áápaq yama-ínówe," téna timáyímíkaiye. ³³ Wayúka ítáma yúyánámmá táágainon-aukapaqke Îtuma taíbaq awaméq áípíké maqma timáyímíkaiye. ³⁴ Îtuma, Îtogo kawáá-umá yabiyínín-aimma, máqtemma awaméq áípík arawaamá timáyímítuwena abo wení tisáípóró-anna wayukate yenemáámô máekaqa, Îtuma máqtén-awameqó maqma tiráin-aimma waéqma timáyímíkaiye. ³⁵ Mi-tupa énáikariq-itana, wení tisáípóró-anna timáyímíkaiye, "Matáiyaqtawaq noqkayúkómmá atamá méran-abapaq wonnataao,"téna titata, ³⁶ Ániyetéta mikáq arawaamá yaaráqma kéyiyuweta, Îtumo mai nopí káárébí uyáátama maréta yáimma nopi kaaregaraq-umá kóuraae. ³⁷ Kéowana Îtuma ayárepaqa, aqnómmá kunúráq maqtuwéna aú kuma-kéwagimma, anómma tutúwa aqa yurena,uwaamo yórái-waigoma nommá mamá karááqto-karaaqto itana káárenobaqa nokómá ógiqkitana nopí káárégóma kumá yubéqkowaníq-uráiye. ³⁸ Wení tisáípóró-anna wayukama wáre-ware kéeta Îtumma awáutureta mará-tirááe, "Nommá nawíq-kawaniqtaa kéunataibo, tirááti-naqko, nôraq-itawáq taayoq-umáretaawaq máánô?" téta tirááe. ³⁹ Îtuma itóurena uwáágomma aamá-timá kéyaqtorena abo noqkótábá, "Íma ayáátámma-kuyuwo," titana ániyeténa uwáá íma yoréna abo noqkóma móma-áwáráá-uráiye. ⁴⁰ Îtuma wení tisáípóró-anna wayukama anón-aimma timáyqíkáraiye, "Nóinaitabawaq keráwáqá anómma ikaatíqa kéeo? Keráwápímma íma aqkoqnáá tuyanamma waiye," téna-timáyímíkaiye. ⁴¹ Yeráwáqá yáaqa-kaitata iyáánaq-ureta, téite-urááe,"Náara naqkowaq aamá titataawáq, uwáágo-garaq noqkómá we-náama kéitaao," téta-tirááe.