¹ Yeisu kano 'enega 'ihopweya to 'ima tonina na'ahe,mena toemulitetelyao. ² Tutenena Sabate 'ene, 'iye'doedi 'ebe hobwano 'ene.Eliyawawahae hinoweya to higonalidi,hilo'aga, mana 'enega kame 'e'doedidi i'ewedi? 'Eto hinahinapu kame Lyaubada i'ebwae?'Eto 'eda'edalyao kame dimanega 'igigihopwedi? ³ 'Abega gebu'a kame, to'abi'abi Meli natuna, be Diemesa be Yosese be Yudasa be Saimon hiyadi,be nunao gebu'a ita teyawa be'o? To tomota Yeisu hi'oate. ⁴ To Yeisu 'iba'edi 'ilo'aga, Palopita 'ana amalyaba mali henega 'ilobaloba, be gebu'a tonina na 'ahega geya, na bu'unega geya, na huhuega. ⁵ Gebu'a hahawene be 'eiha paihewa hinanidi hipapaihewidi kano 'ene, mo totona ko, dimana 'iha'u tole'oaha luwedidi 'enedi to hi bwebwena. ⁶ Gebu'a hida lyalelyale to nuwana hiebeowani. I hakowahi di ''aha 'enedi to 'iye'doa. ⁷ Hite tuwelo i'ye gabedima 'ene to 'iyetunehopwedi 'eluwa'eluwa, waiwa 'iebwaedi lyalulyaluwa baibailidi 'enediega. ⁸ To 'iloinedi be gehawene 'ibou 'etigwana hi'ewa'ewa di walyawalya 'ene mo to'edu a'a. Gehawene pwalawa geya oa'pi mane 'adi wa'ila 'ene. ⁹ Mo 'aelyapalyapa hi gigidi be gehawene 'oama eluwa. ¹⁰ 'I lo'ae, 'eguma 'eto 'aha ene walugu,ko 'ene wa duweduwe 'analaba wa tohine. ¹¹ 'Eguma 'eto 'awelawa 'ene gebu'a hida 'ewemi geya, hidaenowalya 'enemi, tutenena 'awelawinena watotohine 'aelyapalyapami 'enega hanegwalina waloemaumau, be ko 'ebe nuwanuwa 'enedi. ¹² Hi'hopwe hitolya to hilogugulya be 'ebega tomota di loegehilyao hi 'oatedi be hinuwa'ebuni. ¹³ LYalulyaluwa geidi hipa'ihopwedi, be tole'oale'oaha bunamega hi'ehohoidi to hibwebwena. ¹⁴ Kini 'Elodi kame 'inowea 'ebega Yeisu 'ana lyolyouna tai hiniwawahae. ¹⁵ Maniedi hi lo'ae 'abega Dioni togiebabitaiso 'uluwega tai tolelimana to 'ededede 'ie'e giehopwedi. Maniedi hilo'ae, tonina Ilaisa, mo ma'etamu maniedi hilo'ae, tonina palopita, wehige 'ibou palopita gimi tuta 'ene. ¹⁶ Mo 'Elodi kame 'inoweya to 'ilo'aga, Dioni boi bwalubwaluna lyaguguhulyaule, tai tolelimana. ¹⁷ 'Elodi toe'upwa 'iyetunedi to Dioni hi'elyon to hiha'u deliya manu Elodia hiana( Pilipi mwanena), 'Elodi tai wai. ¹⁸ To Dioni 'Elodi 'iba'e, ko gebu'a bubuna kauhalena be hiam mwanena u'ewa. ¹⁹ 'Elodias, Dioni ie gwaunehinehiye to nuwanuwana 'iloemwawahi. ²⁰ Mo 'Elodi Dioni 'imatote manu 'imwalaton 'ebega tonina to palupaluna be 'etaetabuna. ²¹ To e'eatana 'ihopweya, ko 'ene tuta kauhalena Elodiya i guinuwa, na 'ahiata tubuwa manu.Elodi 'ahinuanua 'ana e'ai 'igimwanageya na a'welawa 'adi tolodebanao oe'nedi,na tolohaialyao 'adi tolodebanao be wete tolodebanao Galiliega. ²² 'Elodiya natuna melyainena 'inehina 'ima to manudiega 'ihulya, to 'Elodiya me 'ana 'owagalyao 'igie gwauhowalidi. Kini lyaine 'ibaea, u'awanoiyegu etigwa munuwanuwa be lya'ebwaemu. ^{24 23} 'Ionaupaupa 'ene 'ilo'ae, etigwana manunega u'awanoiegu , 'ata lya'ebwaemu, etigwa koinaga, 'nai guebeloina laguhuluwe , lyaebwaemu. v 24 'Ihopweya to hinana 'ene 'ilo'ae, etigwana manunega lyada awanoi? Dioni to gie babitaiso bwalubwaluna. ²⁵ 'Edimadimanega 'ila kini 'ene to 'iba'e, nuwanuwagu kamelye ko u'ebwaegu kaiwoe 'ene Dion to gie babitaiso bwalubwaluna. ²⁶ Kini nuwana 'imwau 'emo, manu be onaupaupalyao be 'ana 'owagalyao manudiega gebu'a ana lobwena be 'i 'oateya na 'awanoi. ²⁷ Eto kini, tolohaiya 'ibou 'ietune 'be i'lona pa'ale be Dioni bwaubwaluna 'imelye oe'ne.Tolohaiya 'itolya deli 'ene to Dion 'aniona 'iguhunoe. ²⁸ Dion bwalubwaluna tolohaiya 'imelye kaiwoe ene to lyaine i'ebwae neha 'itoe to hinana i'ebwaea. ²⁹ Tutenena hinowa, ana toetetelyao hima to bwalana hitoe to hiha'u'ali'alie. ³⁰ Toemulitetelyao hila'ma Yeisu ene, to hiyetetela etigwa higuinuwedi be hiyeitedi. ³¹ Oe'nedi I lo'ae, 'inehimi wama henenena wabunalina hinaena ebe, waelyawahi tuta kakapuena a'a. Boda hinanina himemema be hi totolya be gebu'a 'ibou tutua hiewa tonidi manudiega, gebuata, nai e'ai manunega. ³² 'Inihidi a'a hitolya wagega hena wabunalina 'ene. ³³ Mo tomota lyawoidi hido'edi hitotolya to hi'inanedi, to 'aedina 'ibouna hile'Tuteneoaina 'aha maiboana 'enediega, to hilomaniniwawahae to hi'enuganedi henenena 'ene. ³⁴ Tutenena hihopweyama, Yeisu boda hinanina 'ido'a lobeya, manudieaga nuwana 'iuya, manube tonidi 'atena talo'aga wehiate sipi gebu'a 'adi toete'aina. To 'ie'ale be yage lyawolyawoidi 'Iedo'edi. ³⁵ 'Awelawa taiwalyawawahae to ana toemulitetelyao hima 'ene to hilo'ae, 'aha kamelye, 'aha wabunalina, 'ebe 'awelawa neitu taiwalyawawahae. ³⁶ Wa etunedi be hitolya hena helabeya enedi be, etigwa hi gimwane be hie'aa ³⁷ 'Emo I ilo'ae enedi, etegwana wa'ebwaedi be hi e'a. Inapwana hahawe be tu'analeda denali enega beli tagimwane be taie'edi? ³⁸ 'I lo'ae oe'nedi, eiha pwalawa 'adi lyau enede? Watolya be wado'a. Hi ita enega hilo'ae, pwalawa dima ibou be iyana eluwa ³⁹ Yeisu tomota maibo'adi 'iba'edi to hie'hulaweyaweyalidi boda kekeke'udi 'enediega, to 'aina 'ana leda to himihobu libi 'ala'alawina 'ene. ⁴⁰ Hi mihobu boda kekeke'udi oe'nediega to 'aina analeda be 'aina wehiga tai 'eluwa be dimanina 'eluwa. ⁴¹ Eto I ewedi pwalawa dimanina 'ibou be 'eluwa iyana, ebe 'I dodo'alaga galewe, 'I ona 'obobomedi to 'itomwedi to na tomuliayao i'ebwaedi ebe tomota 'ado'adi hiha'udi. Iyanedidi 'eluwa, 'I egulyoe gamwagamwanidi. ⁴² Maibo'adi hi e'a to, maibo'adi hawehawedi. ⁴³ Hi edodoidi be hiha'uegogonedi pwalawa 'ahimugalidi, kodo tuwelo higalapwe, ebe wetena 'iyana 'ahimugalidi. ⁴⁴ Ko 'ene paibi tausani tomota pwalawa hi e'a. ⁴⁵ Edimadimanega 'iegeludi 'ana toemulitetelyao kewou ene to hinugana hibala henene Betesaida ene. Neha tonina 'ata 'unuma 'iba'edi be hi'elowalya. ⁴⁶ Tutenena hi'elowalya neha tonina 'ilaga 'ito 'oya 'ene be i'awanoi. ⁴⁷ 'Utuwana 'ihopwe mo kewounena poeha 'awataligobuna gamwagamwane, mo tonina 'anehina a'a dabadabale. ⁴⁸ I'itano 'ebega neya 'ene hilogeyogeyo manu yaumai tea hie tututula.Wehigadi 'eda'ina 'ana tuta, 'utuwane 'ima 'oenedi. 'Iwayawaya poeha debane , hilo'aga 'abega, neha 'iba'edi 'ilo'aga, lyowo. ⁴⁹ Tutenena hido'eya poeha debanega 'iwalyawalya, hila'aga nibowana, neha hi bobo hopwe. ⁵⁰ Manu 'adi 'eliega hidoea to 'ilo'ae lyowo, neha 'ilo'ae, wa 'ate ⁵¹ 'I gelu kewou 'ene tonina teawa to yagila 'ie e'no towa. Maibo'adi nuwadi 'iyowana 'ene. ⁵² Mo yawoyawoidi gebu'a hida nuwahabwla pwalawa. To dihinapu iho'i to hinuwahabwalena. ⁵³ Tutenena hoholaga henene dabale Genesaleta toneha di kewou hi'aupi. ⁵⁴ Tutenena kewou hinaenega iluguhopwe, tomota nonoega hi 'inana ebega Yeisu.nedi ⁵⁵ Tomota hile'oaina hito 'ahao enedi be hena maibo'ana enedi be hie'ale tole'oaha himedi teoteo enega ene tutenena hi noweya ebega imemema. ⁵⁶ Tunenena 'ihopwe, 'awelawa hinanidi enedi be 'ahao gebu'a tadedia enedi, himedi tole'oahayao ebe 'euhane ene, be higagada ene ebega ana 'oama hida hia'i.Mo eliawawahae hihia'i to hielobwebwena.