¹ Palisiyao be Yeisu himiyaegogona loina ana toetoladiyao teyawa tonididi Yelusalema enega hima. ² Enega hi'ita ana toemuletetlyao hi'ea beledi dimadi baibailidi manu kakae dimadiyao hida utudi. ³ Manu palisiyao be mediu dimadiyao hiutu aiailidi muliyega hi'ea, di enailyao di'edaeda hihiya'i pa'alina. ( ⁴ Wete eguma hilama ebe euhana ana hena enega, hi'ehiwe nugana muliyega hi'ea. Kame loinedidi be wete lyawawahae aidi himuliyedi. Aidi wehige adi keigao, nolyo, ga'eba be di'ebeduwe e'ai manu hi'utudi muliyega hiyepaihewedi.) ⁵ Palisiyao be loina ana to'etoladiyao hiyenaide Yeisu wete,'' etigwana manu amu tomulitetelyao kaka ma enailyao di loinalyao hida muliyedi?'' ⁶ Enega ile," palopita Aisea iyona ai'ai'la manumi, omi toegedi wete, awamiyega wa kabokabo mo atemi imiya edia'wa Lyaubada enega. ⁷ Bwagobwago aiaila kaka wada guinuwe mo mi enailyao di loinao wa'eita enega. ⁸ Lyaubada na loina wa'oate be nuwanuwami hinanina tonimi mi loina wada muliye. ⁹ Yeisu wete ile,'' kakae ibou wete mwau enemi Lyaubada na loina ana e'idi'idi ene, manu nuwanuwami mi enailyao di loina wa hiyai pa'alina. ¹⁰ Mosese ile, tamamu be hinamu ua'mwalabedi, eguma aita tamana be hinana i'yona opa'ala enedi, wada loemawahi. ¹¹ Mo omi wale, eguma tai tamana be hinana enedi ile''etigwana hahawene be enega lyalememi, eta'etabuna Lyaubada manu. ¹² Kaka hahawene watagwale be tamana o hinana ileme. ¹³ Lyaubada na loina waelyage besobesoe tonimi mi loinao enediyega mi enailyao hiebwaemi.'' ¹⁴ Boda tabudena hiegabedima to o'enedi iloae; "Wa'enowaegu be wae'apula giagiawa. ¹⁵ Etiaonena tomota awanega i'e'e'ya, gebukai ida giebaibaili, mo'hai, etioanena awanega geina i'loloaene, e' ko'hai ata i'egiebaili. ¹⁶ (Abegana me'aniyana, wa'oate be i'enowalya)". ¹⁷ Enega Yesu me'ana to'etetelyao teyawa boda tabudena hi'tohine mo'neha aha hinaene hilugu, momo'o hinaene, ana to'etemanao hiededene ona-hobu manunega. ¹⁸ Neha Yeisu ilo'ae; "Omi nai wete ma'etamu gebukai nuami ida hapulamana? Gebukai wada e'apula giagiawi ebega, etiaonena tomota i'e'eya awanega gebukai ida giebaili, ¹⁹ manunega be, ko gebukai idatoto atene, mo'hai gamwane, be na'edega ihohopweya?" Kame la'oenena enega Yeisu e'ai maiboana i'awa kauhaledi. ²⁰ Wetena Yeisu ilo'ae; "Etiaonena tomota hina'enega ihopweyama, ko hai tomota ana to'egei. ²¹ Manunega be tomota hinaenega, nuamagina enena, nuanua geitaetaedi be, loyawe be, ipwala be, lo'emate be, loelata be, yato'ai be, hialyona be, ²² sogala be, e'ipiipi be, hinala be, gagaha be, bubuna geidi be. ²³ Kamedi guinuedidi geidi, tomota hinaenega hihohopweyama, ko tonidiyaodi tomota adi to'egei". ²⁴ Henenena enega itole to itolya Taya be Saidoni awelawidi enedi, to aha ibou enena ilugu iloaga ebega habi'ekwaidawana, mo gebu'a hahawene. ²⁵ Yaine ibou, kapweina meyainena, nibonibowana hiwawali, edimadimanega itoma to Yeisu aene i'amwaho. ²⁶ Yaine kame, Giliki yainena, Pinisia awelawina enega. Yeisu enena i'gagada etoetoma be kapweina ida ebwebweni. ²⁷ Enega Yeisu oeneye iloae; " Wa oatedi be bulalagata hi'gimi lo'abwaga. Manunega be, gebukai ana doa bwebwena ebega bulalagata adi abwaga wau'e enedi ta'ehienoe". ²⁸ Enega yainenena i'ona ha'ugehi to iloae; "Wehiata Inapwana, mo wau'e watala yagalonega bulalagata adi abwaga ahimugalidi hi'e'edi". ²⁹ Enega yainenena enena iloae; "Manunega be ko wehigate iloa'e'ega, li'amega udatoya. ³⁰ Yainenena ihu'o'eila aha enena 'o', kapweina naitu taibwebwena, be wete nibonibowana di wawala o'enega tai haligogo. ³¹ Enega Yeisu, Taya awelawinega ihopwe to Saidoniega itoya Galili badeina enena, Dekapoli awelawine. ³² Tomota ibou hi'ala to himeye Yeisu enena. Tomotenena aniyana geina be wetena gebukai hahawene iya'oa, enega hi'alenama to Yeisu hiagagada be dimana tomota kame enena ida e'inoi. ³³ Yeisu, tainena iebe'ewe to inehidi hihowata, enega dimana aniyane ieinoi, be giwalinega tainena me'ana iepwaha. ³⁴ Enega ido'alaga galewe mo ilo'ae; "Epapata", kame ana giweyala ebega, "Ugigege". ³⁵ Enega naga gebukai hoi, dimadimanega aniyana i'etatabwaela, be wetena me'ana na lopimwapimwa i'amwaho mo hai iya'o'a. ³⁶ Enega Yeisu, tomota igiepa'alidi ebega gihewene abega enena hietetela. I'e'etobodedi, mo naga tomota itoya to iyetetela. ³⁷ Tomota eliya higonalidi to hilo'a'e; "Guinuwa eliya tai kame tai lo'ailidi. Inaga wete kame aniyauwauwa tai nowaya be me'apimwa tai la'o'a".