¹ Enega hima poeha lobwagiliwena henene, Gelasini awelawinao enena. ² Naitu be Yeisu ihuya wagega, tomota ibou yaluyawa geina hinaene, ihopweyama enedi alialiyega to iyelolobedi. ³ Tomohinena a'li'ali hinaedi iduweidue. Gebu'a wete ibou aita hahawene be i'e'lyolyone o mwale'owega i'elyoni. ⁴ Tuta lyawolyawoina hi lyonlyoni mwale'owega be a'ena ana hipwalyao ie'eupa lyaulyauledi. Gebu'a wete ibou aita hahawene be igiyepanaihi. ⁵ Utuwana be e'eyatana a'li'ali enedi be wete olya enedi 'idededo hopwe be tonina i'e'edabadaba kimwuana hohoinidi e'nediyega. ⁶ Tuta nena Yeisu i'iteya edi'awega ileo'aina ito ene to 'ihobwano. ⁷ Aniyana hinaninega i'ahibo, "ete'ao lyada lyaimu, Yeisu Inapwana Lolodebanina Natuna? Gehene 'uda liuliunegu ,gu awanoi nuwaoleole Lyaubada ene''. ⁸ Mo Yeisu ene iba'eno 'ile, 'uhopweyama tomohinena enega, om lyalulyaluwa geimu!'' ⁹ To' iba'eya madiwehiga amu lyolyouna? To iloae, agulyolyouna 'eyala, mo lyawolyawoima. ¹⁰ 'iyonalimalimana be gehawene ida etune hopwedi 'awelawenena enega. ¹¹ O'eya mo'o bawe lyawolyawoidi hie'e'a. ¹² Hi gagada 'etoetomi, hilo'ae uwetuneluguwema bawe enedi be u'oatema hinaedi a'etolugu. ¹³ I tagwaledi be lyalulyaluwa geidi hihopweya be bawe enedi hi'etolugu, to hi le'oaina daodaolo 'olya lobababagedi enediyega to poeha lobwagiliwena ene .Eluwa tausan bawedidi hidamana poeha bwagiliwena hinaene. ¹⁴ Bawedidi 'adi toeteyainalyao hi'elodeya to hito di' a'he be wete hena hinanidi enedi.Hito to himana higuinuwedi 'etigwana ihopwe manu, boda hinanina hi hopweya to hi'iteya etigwana ihopwe. ¹⁵ Yeisu ene hima to tainena beó hi'iteya boi lyalulyaluwa geina hinaene hiduweduwe, naitu debana taikauhala, 'oama ioteya mo iduweduwe ko ene maiboadi himatota. ¹⁶ Tondiyaodidi hi'iteya etigwena ihopwe tomohinena ene boi lyalulyaluwa geidi hinaene hiduweduwe ,hediyao wete hibaedi, to wetena bawe manu hibaedi. ¹⁷ Tomohididi henenena ene hima Yeisu hi side be henenena enega hida hopwe. ¹⁸ Tutene Yeisu waga ene igelugelu tomohinena boi lyalulyaluwa geina ene ima Yeisu ene to ihida eguma teyawa hida gelu. ¹⁹ To gebu'a itagwatagwala be teyawa hi gelu ,mo ilo'aga utolya mu ahe be mu tomotalyao enedi be ubaedi etigwana inapwana taiguinuwe manum.Be na atenuwaoleole enemu. ²⁰ To tomohinena itolya Dekapoli to iyetetela etigwana Yeisu iguinuwa manu. To adi maibiadi nuwadi iyowana to hi 'oluwa. ²¹ Tutenena Yeisu ihobala limana wagega mali hene, boda hinanina hiyegogonama ene , mo poeha lobwagiliwena hiyone itotole. ²² Ibou towanugana ana lyolyouna Iyailo, tutenena Yeisu ido'eya i'a'mwaho aene. ²³ To igagada limalimana, ilo'ae" natugu kekeina me lyainena he labene be iulu. Lya awanoiyemu,uma be dimamu uda haudi be ida kauhala be ida due. ²⁴ Enega Yeisu be tomohinena telyawa hito be wete boda hinanina hi 'eyabu, to hilyabibina hakohakowahiye. ²⁵ Tutenena ene ibou lyaine hulala i'lelewaine i'e'eloulya lyakwala tuwelo. ²⁶ To'oba eliyedi hi obaoba be hiete'ai mo i'e'e'loulya hinanina . Na mane maiboana ilohaloi lomulmula ene,mo kakaeyata ida bwebwena mo neha iluwaluwana. ²⁷ Na itu himana tainowa Yeisu manu .Enega tutenena Yeisu boda hinaenega itotolya lyainenena mulinega ima, nuwanuwana be ana kaleko ida hiyai. ²⁸ Enega ilo'ae eguma lya hiya'i ana kaleko, ata lyakauhala. ²⁹ Tutenena ihiyai hilolo iloha'u, enega ilotona bwalana ene le'oahinena enega taibwebwena. ^{30 32} Enega tonina ilotona abega waiwa taihopwe enega itole hakowahi boda hinaedi to iyededena, '' abega agu kaleko i'hiya'i ?'' ³¹ Ana toemulitetelyao ene hilo'ae udado'a kame boda hilyalyabibibina be ulo'aga abega i'hiyaigu? Mo Yeisu 'ilo'ita hakohakowahi be ida doeya abega 'iguinuwa. ³³ Lyainena imwalatoni etigwa tai hopwe ene , enega ima menamatota be me'dededelina Yeisu matane ibe'u to ona ai'ai'lega ibae. ³⁴ Yeisu lyaine iba'e ''pwedodo, mu lyalelyale tai ebwebwenimu ,uto hiwaloega mo gehawene leoahinena wete ulolobalima.'' ³⁵ Maetam ene ilya'oalya'oa mo aina tomota hima Iyailo na aha enega to hilo'ae, natumu melyainena taiulu. Etigwa manu toeita ebega taebe'ewenama. ³⁶ Mo tutenena Yeisu inoweya etigwa hihihi'mudule, toa'nuganena ene ilo'ae, gehahawene umatota koinaga uwemiha. ³⁷ Kakae wete ibou itagwatagwale be teyawa hito, mo Pita, Diemesa be Dioni, Diemesa hiyana. ³⁸ Hima toanuganenena na aha ene. Yeisu ido'edi tomota tonuwamwau eliya hidededo muhimuhi be hiyeapi aniyadi hinanina. ³⁹ Tutenena aha ene i'etolugu , enedi ilo'ae ''etigwa manu nuwami igei be waehapi? gwana kakae ida ulu mo ienoeno. ⁴⁰ Hienama, mo adi maiboana I yetune hopwedi. Enega gwana tamana be hinana be abeyao nio Yeisu teyawa hito, hi'etolugu gabule mana ene gwanenena i'enoeno. ⁴¹ Yeisu gwana dimana ene ihiaina to ilo'ae'' Talita Koum'' ana nuwahabwalena (lyaine keuke lyaba'emu utole). ⁴² Nonoe'ga gwana itolema to iwalya ( gwana ana lyakwala tuwelo).Tomota adi maibo'ana ona igumwaledi to hi'itaa. ⁴³ Iloina pa'aledi be gehawene ibou aita ida mwalatoni. Enega iyemataluwedi be etigwa hida ebwae be ida e'a.