¹ Naedo'a i'e'ale oa'deoa'dewe. Boda hinanina hi 'oabu hakohakowahie,to enega waga ene igelu,to hinaene i'mihobu. ² O'na hobu yawoidi e'nediega i'edo'a. ³ Waenowalya; to bagula hopwea to bagula i'hapalyaulyaule. ⁴ Bagulenena ene, a'ina pehi hi'amwa'ho e'da hione to manua hie'di. ⁵ A'idi pehididi hanegwala lo dau'dau'ledi e'nedi hia'mwaho to di ha'ipowa hilomaniniwawahae. ⁶ Mo tutenena i'nala i'haelagama yala'oa'oalidi to hiulu manega gebu'a lolohidia. ⁷ A'idi pehididi hi'amwaho lopiadaita ene ,to lopia i'giematedi.Ko pehididi gea e'edia. ⁸ A'idi pehididi hi'amwaho hanegwala kauhalena e'nedi to hiha'ipowa. Ko pehididi u'waidiyao teti be sikisiti be a'na leda. ⁹ I'lo'ae, abega me a'niyana i'da enowalya be ida noa. ¹⁰ Tutenena e'ne Yeisu e'nehina a'a, tondidi a'beyao helabene teyawa, wete hite tuwelo manunega hie dedena. ¹¹ Oe'nedi i'lo'ae, e'be nuwaowana Yabamao'o na a'welawa manu naitu tolya'ebwaemi. Mo tonidiaodi mala'ate maibo'ana ko o'nahobuega. ¹² E'nega 'eguma hido'a, hido'a mo gebu'a hawehawene hido'ado'a , ko e'nega wetena hinowa, geya mo ,gebu'a hida nuwahabwaleni, a'bonanai hida e'ha'ugelaha be Yabamao'o I' da nuwaluludi. ¹³ I'lo'ae, o'na hobunena kame wanuwahabwaleni? Tapi'igadi a'ta a'ina o'nahobudidi wa nuwahabwalenidi? ¹⁴ Togehowa o'na i'eulayauyauledi. ¹⁵ Kamelye tonidiaodi ko hi'amwa'ho e'da hione, ko e'ne i'eulayauyauledi. Tutenena hinowa, Seitan nonoega i'ma be oe'diega o'nenena i'ewanoe. ¹⁶ Kamelye tonidiaodi hanegwala loda'uda'ulena e'ne higehoidi, a'beyao tonidiaodi lomaniniega o'na hi'ewa mwahanega. Tutenena hinowa, Seitan nonoega i'ma be i'ewa noe nonoega . ¹⁷ Oe'nedi, gebu'a lolohidia mo die'alamai'ita gebu'a tuta e'bwalonina, eto hi'amwa'ho e'guma e'lotalauwala i'hopweaya o'na manunega. ¹⁸ A'idi ko, tonidiaodidi hi a'mwaho hena lopilopiyedi e'nedi.Kamedi, o'na a'di tonowaLyaLyao. ¹⁹ Mo hanegwala a'di hinapuyao, lohiahiaLyona hanegwala e'he'hediao oe'diega hi luguma to o'na higiemate, e'to gebu'a u'waina. ²⁰ Tonidiaodidi hi a'mwaho hanegwala kaukauna e'nedi, ko tonidiaodidi o'na hi noweya to hi e'wa, to hiuwa. U'wedidi a'ina teti, siksti, a'na leda e'be wete i'uwa po'ehi. ²¹ Yeisu oe'nedi i'lo'ae; "Madiwehige, malyale u'luguwe a'ha hinaene be a'huwa hinaene u'dodoi, geya e'be 'eno lyagalone u'mwau? U'luguwe be a'na ebe ha'u ene u'ha'u. ²² Manu be, e'te'ao duweduwe ekwaidawanina, gebu'ai i'da lo'ahimatale, a'ta i'lo'ahimatale. ²³ A'bega e'guma me'aniana i'da enowaya. ²⁴ Oe'nedi I'lo'ae, "e'te'ao u'nowanowa, wete u'wenowalya giagiawa, e'bea'loninena u'wepaihewia, ata u'weloloba, be wete hinanitaetaena. ²⁵ Manu be, a'begana e'nena e'te'aonena, lyawoina a'ta ibabana, be a'begana e'nena gebu'a, oe'nega e'te'ao i'duduwene a'ta hi'ewanoe." ²⁶ Yeisu i'lo'ae , "Yabamao'o na a'welawa, talo'aga wehia'te tai pehi a'na to hapayauyaula. ²⁷ I'eno be i'tole, e'eatana be u'tuwana, mo pehinena i'ha'ipowa be ilaga, bwagana gebu'ai i'da a'tai. ²⁸ Hanegwala, i'nehina i'uwauwa, nugana i'didi, e'nega i'hipula, neha i'pa'ala. ²⁹ Mo e'guma pehinena i'mwanogo, e'dimadimanega, e'be tayoyowa i'ehopwe manu be tayoyowa tai pwei. ³⁰ I'lo'ae, tigwa teyawa tada i'taetoetonoi Yabamao'o na e'be loina, be e'to ona hobu e'nega tada gie'ehamahama? ³¹ Talo'aga tewa pehina keke'utaena a'na e'lelehiwa pehihenao e'nediega hanegwale. ³² Eguma hie'lelehiwai, enega i'ha'ipowa, ilaga to maniyedi kaiwe ilagahehedi, be la'enao hinanidi be yoyoudi owenedi, manuwa mwatuiyega hawehawene a'di lyua hi'abidi. ³³ Kame wehige o'na hobudidi oe'nediega o'na i'inanedi e'nedi toko inaga hinowedi. ³⁴ O'na a'tuhebega be gea e'nedi i'da ona daita, mo mwaumwauwega a'na to oeyabuyao e'nedi i'giemaedana. ³⁵ Kano a'hiatenena e'ne, neitu a'welawa i'ala'utuwane, neha e'nedi i'lo'ae, wama tabala i'bou hena e'ne. ³⁶ Boda hitohinedi , tomulitete hito waga e'ne Yeisu teawa. Maniena waga wete teawa. ³⁷ Kano e'ne wediliya i'enolaga to lihu waga ilahaebwaebwaha, to e'bega bwahi waga i'daelagapwe. ³⁸ Mo Yeisu i'nehina kuliga a'na bwahi'unu e'na tai e'no. Hi'ehaon, hile, Toeita, gubu'a u'da a'teha'ala ? A'ta taulu. ³⁹ I'haona , yaumai i'inana, to poeha e'ne i'loae, hiwalowa,u'atana, lyaumai i'e'eno to hiwalowa hinan taetaena i'hopwe. ⁴⁰ E'nedi i'lo'aga, tigwa manu wamatota ?A'ugwa maetam gea miemisa. ⁴¹ Hi matota hinanina,to i'bou ibou e'ne hilo'aga a'bega hana kame, to lyaumai be poeha a'niana hinoweya.