¹ Yeisu ilugu ebehobwano ene , enega ibou tai dimana melyomelyona henenena ene iduweduwe. ² Palisiyao hietonowa ai'aila, madihige Yeisu ata tomohinena igiye kauhala sabate enena o gebu'a. Nuwanuwadi hinanina be yeisu na loegehi hida loba be hida e'talae. ³ Tomohinena dimana melyomelyona ibae," utole be uma gamwagamwane''. ⁴ Enega wete tomota enedi ile, '' etigwana hahawene be ta guinuwe sabate ene? guinuwa kauhalena o guinuwa geina, lyawahi taleme o taloemwawahi.'' To kaka ibou aita ania'na iyeiha. ⁵ Yeisu tomota 'inuwageiyedi mo 'inaga wete mena 'atenuwa'oleole tomotedidi di 'ate pa'ala manunega. .'' Yeisu tainena ibae dimamu u'elelenama'' . ⁶ Enega tomohinena dimana i'elele to Yeisu igiyekauhala.Lomaniniyega palisiyao be Elodianao teyawa nuwanuwa ibou higuinuwe be madi wehige be Yeisu hida loemwawahi. ⁷ Yeisu be ana toemulitetelyao hito badeya , wetena boda hinanina hiyemulitete , Galiliyega ,Yudiayega , ⁸ Yelusalemaega be, Yolidaniyega , Taiya, Sidon enediyega wete. Manu hinowa etigwa Yeisu iguguinuwe ko manu hima. ⁹ Yeisu ana toemulitetelyao ibaedi be ibou waga kekeuna ida lihi daole be ene ida gelu, manu boda hinawawahae hilyalyabibibina. ¹⁰ Lyawawahae tolewahao igiye kauhaledi enega wete aiadi me adi lewahao hito waiwa be hima ene ,nuwanuwadi konaga hida hia'i. ¹¹ Mana ene eguma lyalulyawa baibailidi hi ita, hi beu homwane be hibobo iloe " omu Yaubada natuna'', ¹² mo ietobodedi be gehe hida ehimahimane. ¹³ Yeisu i'laga lo'olya'olya ene to, tomohididi mana na nuwanuwa, iyegabedi, to hima ene. ¹⁴ Tomota hite tuwelo iyehinuwedi ana toemulitetelyao be wete tetela kauhalena ana tohimanao, adilyolyouna I ebwaedi tomulia. ¹⁵ Be wete medi waiwaiwa be aiaila lyalulyaluwabi'i adi paiya ene. ¹⁶ Hite tuwelo, Simon analyolyouna eluwena Yeisu iebwae ko Pita. ¹⁷ Sabedi natunao Yemesa be Dioni tonididi adi lyolyou ibou wete opalala natunao. ¹⁸ Andulu ,Pilipi, Batolomiu, Madiu,Tomasi, Diemesa tonina Apolosa natuna, Tadiesi, Simoni ibou tolohaiya ¹⁹ be Yudasa toninena at muliyega Yeisu hipupuwe. ²⁰ Enega ila ito aha ene mo boda hiyegogonalimana to gebu'a adi lobwena be hie'a. Tutenena na susu hinowa emwahalina. ²¹ Hito habi ebe'ewena manu hilaga wa'ona tai gei. ²² Loina ana toeitalyao idaoloma Yelusalemega to hilo'ae, ko lyalulyaluwabi'i adi towanugana enega na waiwa i'ewaewa. ²³ Yeisu 'iegabedima ene, to ona hobuwega enedi ilo'ae, madiwehiga hahawene talauwala wehena 'ipai hopwe? ²⁴ Eguma ebeloina dumadumana be dumadumana, ebeloinenena gehe itotole. ²⁵ Eguma a'ha dumadumana be dumadumana gebu'a analobwene be 'itole. ²⁶ Eguma talauwala 'itole dumaduma tonina a'a be eweyaweyalina, gebu'a ana lobena be 'itole mo hai'ida lohaola. ²⁷ Gebu'a 'ibou 'abega hahawene 'ilugu tai waiwena na a'ha hinaene be onenao i'ipwalidi, 'ida lyon 'idue be muliyega 'ida 'ipwalidi 'onenao na a'hega. ²⁸ lya ona palupalu enemi, loegehi maibo'ana tomota enedi me adi nuwaluluna, nai ena pa'ala enediyega hie'enapa'ala , ²⁹ mo abega LyalulyaluwaTabuna ene i'enapa'ala gehewene nuwaluluna iloba mo tomohinena hai iyomalyamala ataya manu. ³⁰ kame wehigate ionaega manu hiyonaona ebega lyalulyawa baibailina ena. ³¹ Hinana be hiyanao hima to mala'ate hilotoledi mo a'le hiyetune manu. ³² Boda hinanina hiduwehakowahiye enega hile, ''hinan be wete hiyamwao mala'ate, mo nuwanuwadi hida mwalatoni mao mo'o munam''. ³³ ''Iloa'elimana ile, abega hinagu be hiyagwao?'' ³⁴ Iloita hakowahiyedi abeyao hiduwe hakohakowahie enedi to ile, '' waita kamedi hinagu be hiyagwao. ³⁵ Abega lyaubada na nuwena iguinuwe, ko tomo'hinena hiyagu, nugu,wete hinagu''