¹ Enega Yeisu iye'ale be iedo'edi 'onahobuega, ilo'ae, tomota 'ibou na bagula 'igehoi, i'ogali hakowahie, to gola 'ilyala 'oine ana ebe degu.Na 'aha i'abi, to toguinuwa enedi i'ebwaelyae.Enega 'itolya 'ibou hena ene. ² Tuta 'ai'a'ila ene, na toguinuwa 'iye tune to 'ito be 'ilo'aga na bagula 'uwaina 'ida 'ewa. ³ Mo hi'eweya to hihapi, to hietune ito medidimana. ⁴ Wetene 'ibou 'ietune toguinuwenena to hilau debana ene, to hitunaemate 'ai'aili. ⁵ 'Ibou wetena 'iyetune , be kame toninena hiloematena to iulu. Be maniena wete wehiga higuinuwa'ega enedi. Maniena hilaudi be maniena hiloemwawahidi. ⁶ 'Enega 'ibou nena a'a 'iduweduwe be 'ida etune, natuna 'iobobome. Be toninena 'ebe lohalowa, 'ietune 'eneda, 'ilo'ae, natugu 'ata hi'amwayabe. ⁷ 'Enega to guinuwedidi tonidi 'enedi hionaona, hilo'ae, kame na tomatuwa. ⁸ Hihia'i, to hiloemwawahi, to hiule hopwe bagula mala'atene. ⁹ 'Enega 'etigwana tonibagula 'iguinuwe? Ata ima be to paihewedidi i'egeidi be bagula i'ebwayae maniedi 'enedi. ¹⁰ Madiwehega, gebu'a 'etoladi wada hawahawa? To'abi da'ulenena hi'oate'oate, taiye 'olamatana. ¹¹ Kame Inapwana enega, be kauhala wawahae matada ene. ¹² Enega nunuwa'ai'ailidi be Yeisu hida hia'i,mo bada himatotedi, manu tahi hinapuwa ebega ko 'iona hobuwedi. Enega hitohine to hiwaya. ¹³ Hietunedi maniena palisiao be Elodiyanao,be ona enega hida hulyabode. ¹⁴ Tutenena hima, 'oene hilo'ae, toed'a, amwalaton gebu'a 'uda nuwanuwa ebega na nuwanuwa manunega, be gebu'a tomota dunuanua 'uda do'a leleleidi.Mo 'uwe do'a 'ai'aila Yabamao'o na eda. Madiwehige loina 'iduweduwe be takisi taemaihi sisa ene gea gebu'a? Tae maiha o gehene? ¹⁵ Yeisu tai mwalatoni di 'ona ha'ugehilyao enega 'ilo'ae, etigwana manu wahihipupuegu? Mane wame be lya doea. ¹⁶ Enega 'ibou himeye Yeisu ene. To 'oenedi 'iloae, abega ana ma'ama'ayau be ana lyolyouna kame? Adi maibo'ana hilo'ae, sisa. ¹⁷ Enega Yeisu 'ilo'ae, ebwaya sisa na gwegwe sisa ene, be Yabamao'o naga Yabamao'o ene. Adi maiboana hi'apuwaya. ¹⁸ Sadusiyao hima Yeisu ene to hilo'ae, hilo'aga ebega gebu'a tolelimana.Hie dedene, hilo'ae, ¹⁹ toedo'a Mosese i'etoladi manudega, eguma tai hiana 'iulu be oa'bulina iduweduwe, mo gebu'a natunaa, hiana 'oabulina ida 'eweya be mwanena, be hida enatuna hiyana manunega. ²⁰ Hiyadiao hite sebeni,nuganuganena i'eweya mwanena to 'iulu, gebua natudiya. ²¹ Eluwena hiyadi i'eweya to wete 'iulu, mo gebu'a natuna. Emetona wehigadi. ²² Hite sebendidi gebu'a natudiyaowa lyainenena 'oene. Ebe lohalowa lyainenena wetena 'iulu. ²³ Tole limana ene, eguma hi tole limana, abega ata i'awamwanena? Manu hite seben mehiyadiao hi'awa mwanena ene. ²⁴ Yeisu 'ilo'ae, nai kame gebu'a alena manu enega waloloegehi, manu gebu'a etoladi be Yabamao'o na waiwa wada mwalaton. ²⁵ Enega eguma hitole 'uluwega, nai tahi wai o hihawapa'ie, mo tondidi talo'aga anelohe Galewe. ²⁶ Wehigate to'ulu, ebega hitole, Mosese na buki wa hawahawa, 'ionaona 'uda'a manu, maduwehiga Yabamao'o , Aisake na Yabamao'o, be Iyakobo na Yabamao'o? ²⁷ Tonina gebu'a 'ulu ana Yabamao'o, mo meyawahidi. Wa loegehi 'ai'aila. ²⁸ Loina 'ana toe'ita 'ibou'ima to dila'owayao 'inowedi. 'Ido'a 'abega Yeisu 'ie'eno giagiawidi.To 'iededene, 'eto loina, loina maibo'ana 'ihinanihinedi? ²⁹ 'Enega Yeisu 'ie'iha 'ilo'aga, loina hinani 'ai'ailina kame, omi me Isileli gu ona kame wa nowea abega, Inapwana LYabamao'o 'ibou taetaena. ³⁰ Enega mu Inapwana LYabamao'o 'uda obobome 'atemu maibo'ana 'enega, nibowanimu maibo'ana enega, mapulumu maibo'ana enega, be mu etogaga maibo'ana enega. ³¹ Lona eluwena kame, wehemu 'uda obobome wehiga tonimu 'amu oboboma. Kame loinedidi 'eluwa loina maibo'ana 'itohinedi. ³² To loina 'ana toe'ita 'ilo'ae, toe'ita kauhala, ko mwaetana 'ulo'ae LYabamao'o 'ibouna be gebu'a 'ibou wetena hionega. ³³ 'Ana lyala 'ate maibo'ana 'enega nuwa hapulamana maibo'ana enega be 'aha helabe tomohina ana oboboma tonida wehigadi ko hinani 'ai'ailina be eneha oboboma gabugabudi be taliya. ³⁴ Tutenena Yeisu 'ido'a abega tai nena hinahinapuega 'iye'iha, ene 'ilo'ae, omu gebua 'adi'awa LYabamao'o na ebe loina enega. Ko enega to gebu'a 'ibou 'abega wetena Yeisu 'ida ededene. ³⁵ Enega Yeisu 'ielye'ita ebe hobwano hinaene to 'iba'edi 'ilo'aga, Tapi'iga to loina 'ana toedo'alyao hi lo'ae 'abega Keliso ko Deibida natuna. ³⁶ Deibida tonina Yaluyaluwa Tabuna enega 'ilo'ae. Inapwana ilo'ae gu inapwana ene, ataigu ene 'umiheba, analaba amu talauwalayao lyaha'u daoledi aelyapalyapamu lyagalaune. ³⁷ Deibida tonina Keliso ielyolyoune, Inapwana. To tapi'ige to ebega Deibida natuna. Boda hinani taetaena Yeisu neitu nuwadi i'ewa. ³⁸ Yeisu na 'eita ene 'ilo'ae, loina ana toeitayao nenediega waete'aimi. Tonidiaodi nuwanuwadi adi 'oama ebwalonidi be hi lohewatawata. ³⁹ Hi 'elotowa 'ehaeha aha hobwano ene be hagali adi watala enedi. ⁴⁰ Wetena tapi'iga ne'oabula hida kaboe be na gwegwelyao hida 'ewedi be lohidahida ebwalonidi ediega nuwadi hi'ewedi. Ko ma'etamu LYabamao'o 'adi e'iha gei 'ai'ailina i'ebwaedi. ⁴¹ Yeisu 'imiheba ebwalyadaita ana ebe ha'u gwaune mo ilyo'olyo'odi tomota hie'ebwayadaita. Toehaehalyao mane hinanidi hidododoidi. ⁴² Neha ne'oabula ima to na penipeni wehiga eluwa toea 'iha'u. ⁴³ Yeisu ana tomuliteteyao 'iegabegogonedima to enedi 'ilo'ae, 'ai'ailina lyaba'eba'emi kame ne'oabulenena tabudena 'ie'enoi be neha maibo'adi. ⁴⁴ To medi tupwa be ne'oabulenena 'ielyomlyom to howona 'ihau'oi.