¹ Yeisu aitu hihopwe itoto anuwa tapwalolo anega, to ibou ana toemulitete ene iloae, toeita uda ita anua tapwalolo, daula kaukauhaledi a'a anediyega hiabi. ² Anega iloae, u'ita kano ahenena maibo'ana ana daulalyao ata ilyewalyaulyaule. ³ Tutenena hima olya olibe ene, ahenena tupine.Pita, Yemesa, Diyoni be Andulu hiyenaide kwaikwaiyega, ⁴ hiloae, '' uda baema totuta ene ata kame lyagedidi hihopwe? To weiweilyalya ata hihopwe eguma ana asiyata ilohalahalabe?'' ⁵ Anega Yeisu iyeale be iyona enedi iloae, walomatai'ihimi gehawene aita ikakaboemi. ⁶ Lyawawahae ata hima agu lyolyounega be iloae, lyowo Yeisu guna kame ko ,be tomota lyawawahae hiye eda gehiyedi. ⁷ Eguma lohaiya be ona lohalohaiya emwahadidiyao wanoedi, gene atemi ihaala. Kame lyagedidi ata hihohopwe mo ko kaka tuta ana ebe lohalowa. ⁸ ata hihopwe mai hena be mali hena enedi, ebeloina be ebloina enedi wete. Mugi be botana hihopwe wete hena lyawolyaoidi enedi. Talaaga higadi gwana natubuwa ene be ana ulya iyeale. ⁹ Be memi duwe gibugibu'una manu ata toloinalyao hihiyaimi be lyauwa wa loba ebe bwagobwago adi aha enedi. Wete ata watole kinilyao be tolinalyao hinanidi matadi lyowo manuguwega be wada ebeita enedi. ¹⁰ Mo kame emwahalinena kauhalena nugana idatalahimahimane be hena miboana ida lawali. ¹¹ Eguma hihiyami be hiebwalya'emi toloinao enedi , gehahawene etigwana manu wanuwanuwa o madiwehiga ata waonaega .Manu ko tutenena ene ata umwalatoni etigwana uoanae, omu ata kaka uoana mo Lyalulyaluwa Tabuna enemu ata ioana. ¹² Tai hiyana ata mwawaha ene ihau ,be tama natuna, gwagwadiyao ata hidebapa'ala tamadiyao be hinadiyao enedi be enediyega mwawaha hilobeya. ¹³ Maetamu hi bubuna geigeiyemu agu lyolyouna manu mo eguma aita ialamaiita ito ebelohalowa ene, etoseyana iloba. ¹⁴ Eguma waita Yelusalema tolosaiyalyao hitole hakohakowahiye be adi ita didiga'aa, be umwalatoni kaka hahawene be ene hida totole( to hawa ida nuwasabwaleni) abeyao Yudia holae hiduweduwe hi da dea hidato olya enedi. ¹⁵ Aita aha debane gehawene ihodaolo be ilugu na aha ene o etigwana konaga i hiyai. ¹⁶ Aita wete na balate ene gehawene ila ito nai ana kaleko manu. ¹⁷ Mwau hinani aiailina abeyao eu'eu'wanedi be toehuhu enedi kame tutenena ene. ¹⁸ Wa awanoi be kame gehe ida hohopwe gogohuluhu ana tuta ene. ¹⁹ Etalalyawa be etalalyawahina hinanina at ihopwe , kakae wehige ebe'ale ene, Lyaubada na mweluluwaunu ene, kame tutenena be tuta imemema enedi. ²⁰ Eguma Lyaubada kakae ahiyata ida giyekakapuwedi, gehawene aita kauhalena mo manu na tomotalyao ehiehinuwedi manudi ahiyata iguhu kakapuwedi. ²¹ Anega eugma lyaita iloae, u'doa kame Yeisu nena! o iloae, uitano kano ha'i gebu'a hahawe wae mihe. ²² Keliso kabokabo be palopita kabokabo hihopweya be weiweilyalya be ebenuwaowana hi guinuwedi be ediyega ikabo ,hahawene be lyaubada na bodao ehiehinuwedi wete hi kabo'edi. ²³ Wa eno lyawelyawe be walomataiita aiaila, tolya gimi baemi kame lyagedidi maiboana manudiyega muliyega hihopwe. ²⁴ Egumama etalyauwala adi tuta muline kano tutenena himemema enedi, inala ata i'ala dudubale , tabuona ata gebua'i na maedana ida e'ebwalya . ²⁵ ata ielo amwaho pwana enega. Be galewa an toewaiiwalyo ata hilo niu. ²⁶ Neha ata hi doea tai natuna imemema pwana ediyega mena waiwa be mena ehaeha. ²⁷ Be neha na aneloseyao ata iyetunedi be hiyegogonedi na tomotalyao ehiehinuwedi, llyagila da'ina diebetoa oa'enediyega ,hanegwala na'ebe lohalowa enega be pwana na ebe lohalowa ene. ²⁸ Ma'ama'alyau nena wada ewa damalya enega. Totuta lyowa awaudi ihuhu'idi,wamwalatoni abega helabene lohiye. ²⁹ Eto wetena,totuta kamelye lyagedidi wadoedi hihohopweya, wa mwalatoni abega tonina helabeya, awa ene. ³⁰ Ona aiailega, lyaloae oe,nemi kamelye epata nena gebu'a ata idagumwagumwala analaba kamedi lyagedidi hihopweya. ³¹ be hanegwla ata hi gumwala mo gu oana ata gebua ida gumwagumwala. ³² Emo ahiyatenena manunega geya kano tutenena gebua lyaita ibou ida mwalatoni, gebua aneloseyao galewe o natuna mo tamana a'a. ³³ Me mi gibubuna be waebae, manu gebua wada mwalatoni ahiyatetena. ³⁴ Taloaga wehiate tai ibou itotolya habi adu, na aha itohine be na topaihewalyao ihaudi na aha eteaina manunega, ibouibou adi paihewa iebwaedi. Ebe toeteaina i loina pa'ale idadu lyawelyawe. ³⁵ Ko enega waeteaina aiaila manu gebua wada mwalatoni totuta ene ata toni aha ilalimanama,ebe maninieulyowa ene, geya kakaleko na tuta gwae ene, geya gonegone. ³⁶ Eguma ihopweyama loehalutuwega ,gebua hawehawene ibabalobemu ue'noeno. ³⁷ Etigwana lya loaene oenemi wete maidoadi enedi lyaonane. Waeteaina aiaila.