¹ Anega Yelusalema ene hima, Bedani be Betipegi helabedi olya Olibe ene. Enega Yeisu ana toemulitete hi teluwa iye iyetunedi hihopwe, ² to enedi ilo'ae, wato eda anega be wabala aha enedi. ³ Eguma wa'etolugu ase natuna waloba gebua abega wete ene ida toa. Wagilikami be wame enegu.Eguma abega oe'nemi ilo'ae, '' etigwana manu kame wehige waguguinuwa ega?'' ene walo'ae, Inapwana nuwanuwana be wete lomaniniyega iyetuneilenama. ⁴ Enega hitolya to hi loba ase nena hilohipweya awa ene eda hinanina ene. ⁵ Aina tomota enedi hilo'ae,'' etigwa waguguinuwa to ase walikalikami?'' ⁶ Anega Yeisu na ona hilo'aene to hitagwaledi be hi'ewa hitoe. ⁷ Tomulitetedidi ase nena hime Yeisu ene, adi oa'malayo hiulagaedi asenena gwaune be ene ida towa. ⁸ Tomota eliyedi adi kalekolyao eda ene hiyehodi, aina kaiwe laedi hilahedi to edeya wete hihaudi. ⁹ Maniyedi hiehanuganedi be maniyedi himulia, hiyegabe " Osana! tamwahana toninena ima , inapwana ana lyolyounega. ¹⁰ Onaona obobomena ebeloina imemema tamada Dabida manu! osana ilaga wawahae. ¹¹ Anega ietolugu aha Yelusalema hinaene to ito ebe tapwalolo ene, iloita hakowahi ,yage maiboana i'itedi enega aitu ahinuwenuwe ihopweya to ito Bededi mena toemulitetelyao ite tuwelo. ¹² Ituahali hila'ila Yelisalema ene Bedaniyega, Yeisu ibotana. ¹³ Ediawega mwadeba i'iteya lyoina enega itolya be iiteya eguma aina uwinao hiduweduwe be te himwanogo.Tutenena ima ene, ilobeya lyowa daihina manu gebua mwadema anatuta be iuwa. ¹⁴ Enega ilo'ae ene, gehene wete ibou aita emuwega ida ie'e'a .Ana toemulitetelyao hinoa etigwana ilo'aene. ¹⁵ Hima Yelusalema, anega ilugu ebe tapwalolo hinaene to iyeale be toegimwane bunebune be togimwane hielopaidi , wete mane ana toehaugelyahao ebe tapwalolo anega. ¹⁶ Gebua ibou ida tagwalale be ilugu ida egimwane. ¹⁷ Iye'ita enedi to iloae, etoetoladina be guaha hida egabe ebe lo sidasida hena maiboana manudi.Be omi wahauwa ebega toipwala digola. ¹⁸ Palisiyao adi towanuganalyao be loina ana toetoladiyao hinoweya etigwana iyoneone,anega edaeda hitautauli be hida loemwawahi mo himatota manu boada ana maiboana na edoalyao enedi ebe nuwaowana igigihopwedi. ¹⁹ Maniniyeulowa mo aha hinanina hi tohine. ²⁰ Awa'awa mo hima itoto anega hi'ita mwadeba nena ioa'oalele debanega to ito lolohinao enedi, ²¹ Pita ihinapu anega il'oae '' toeita kaiwenena upelenonoe aibamu tai o'oalele. ²² Yeisu enedi iloae, '' Lyaubada wada e'mihe. ²³ Onaiailega lyabaemi eguma yaita kame olyanena ibae , utole be tonimu ulemu ito poehea be kakae nanuwanuwa hida etolaelae mo hai atena ene iyemisa etigwana iyonae ata ihopwe ko toninena Lyaubada ata iguinuwe. ²⁴ Anega lyabaemu eguma tiao manudi umiyamaula be uawanoi, uwemisa aitu tauewa be tiaonena manu uawanoi uloba. ²⁵ - ²⁶ Eguma utole be umiyamaula, uda nuwataudi tomohididi toumalina higuinuwe enemu be enega hahawene Tamamu wete mu toumalinao inuwataudi. ²⁷ Hima Yelusalema wete. Yeisu ie'etolugu ebe tapwalolo ene, palisiyao be toetoladiyao be wete towanuganao hima ene. ²⁸ Anega ene hilo'ae ,'' towaiwa anega kame lyagedidi uguguinuwedi?'' be abega waiwa iebwaemu be uguguinuwedi?'' ²⁹ Yeisu ilo'ae enedi, ''ibou enaida lyaededenemi wabaegu be wete lyabaemi, toewaiwa anega kame lyagedidi lyaguguinuwedi. ³⁰ Diyoni to babitaiso madiwehiga galewega o tomota ediyega waiwa iewa?'' wae ihegu, ³¹ Tonididi a'a enedi hiyonaona to hiyegewagewane to hilo'ae , eguma talo'ae galewega, etamu iloaga be etigwana manu gebu'a wada emihe? ³² Be eguma talo'ae tomota, tomota hi matota enedi manu hihiyai abega Diyoni tonina Palopita. ³³ Anega Yeisu ene hiyeisa hilo'ae,gebu'a ada mwalatoni , anega Yeisu iloae lyo wete gehawene lyabaebaemi aita na waiwa enega lyapapaihehwa.