¹ Kraisi damukage kuna kinken utuc sinkemino. Erarure ukukevaci fayan yokam bainta uman mareninic ure mini umar arafim iyec bano. ² Seni Poli, sego, enafo amundanonawe Kraisi mano emi iyeukami ofaintemino. ³ Umacden baintuaci siyimeko yenafo yimunde yonuni lobaci awakuroko. ⁴ Kraisin namac iyem banamino, iyec eni micnin tefono, lo emi antekanami Kotinic avacbaci iyen onanonami. ⁵ Spiriti kim sindun munkuinami, sikandevanaci anteckan anda bani dafisente umpe. ⁶ Jisasin kine yimunde yonafi iye yimunde yonafi ena anecneucino, andun munkini avacbac kimi yokemino. ⁷ Awokuc biric makeonamifo, iyec emi aosinke bayaci fuka sikenin anda iye awakurefono? ⁸ Mana arani iyenon arayan yeona fate baino. ⁹ Sitoc yisim farawankimi dami famemino. ¹⁰ Koctin kimi sentic indini bemifo eyacbac micnono. Iyec emi mandaic uankantenafi beni mini ayaci marantemino. ¹¹ Sifac siva unano yimunde yonani secumpo, nakac eyaci umani siminteyafono? Micnin toni kekac yani ani uyackenimi amanda kemi. ¹² Iyeuyaci enic asapac uyakanteyafo yenafoni yenyic anda akami amankagic intemino. ¹³ Sivac sivac unano, awokuc bantimi yewamino, mini awokuc bantoni manda andaic iyewaci ono, ecewaci ayinamakac benofaim benofaim ecbano. ¹⁴ Umacden lowe mana bayasim manam bemino, emi ayeninic mana baci urec enawani ayino. ¹⁵ Afo ike yirani yiruec yisiec inakomponi umani maranakomi. ¹⁶ Spiriti kim banonafoni manda andaic iye inonami. ¹⁷ Manda anda ayikarac enimi Spiritic namukom bemi, mini amankac manan Spiriti i manda andaic namukom bemino. Ben umarami ben umarami inakomponi mana anecnevac iyen inakomino. ¹⁸ Spiritic indintac bewe, lo arafinic iyen inonamino. ¹⁹ Umacden manda yokaruke aci afotagic mukemino: anasi namaci bantan barenine anom manda andan uwarenone, ²⁰ umac kotinka mantira, uwac anene dukeyono, namukoc iyona, sampi indini benina, enaic anecne onami yikandenina, yiran anene mareyona,yindur umani yimeyona, daimir andam benina, ²¹ enaic anecne vani indeonava, eran nomi namandeni anana mayonamac ena ena andauc namake. Mi sekunac ure akec ono, mini audauc inayouni Kotinic makusimi benin aneneuc iye maranteno. ²² Spritic akami benimi ayir andava, yimoyeyona, nanayuke beyona, nanayuken dafisir andava, ena amir andava, awokuc bara, andun munkinra, ²³ nanayukan eyon namac yenacu yeyic bam manar anteke, aneneukimi mana lowac iyem bemino. ²⁴ Kraisin indaic mukeyouye yenyic manda andauci kekac yani marem bemino. ²⁵ Spiriti namac beke, yic Spiritic namac bec yec ono. ²⁶ Iyewaci ena aran amir andafi, umantin ankar andafi,enaic bani onanami iye baci siyino.