¹ Sifac siva unano, iyeci manda andakin yandinte nafi, spiritic nanayin namakaci ofaurananaci yeveken ukukano. Ayokugic ure daficdevaci bano, eyandac amam makantin yandinone. ² Enaic umani ofaure kaci, Kraisin awayani awakurogo. ³ Maya beyarani amoyinanive, beyani umaci sintemi. ⁴ Maya beyic yokarani amoyemi iyewaci ena samino. ⁵ Maya maya beyic umani benafuni marantemino. ⁶ Iyeci ayokuc baric ukano bani samintenafi, ben namakaci ayokuc baraci marano. ⁷ Eyani umac iyevaci seno, Koctimi iye baci umac siankanonam mino. Banta beni ne yunan ayunaci yokantenafi, mini yunan akam manan koyintemino. ⁸ Manda anda uwandei manda ayaci anankayini banami maranonam mino. Iyeci Spritic indintac anecne intenafi, beni Spiriti kim banana bam bani marantemino. ⁹ Ayokuc anda uwararani iyewakaci afokano, beni ovekem yinananin nurami minic anomi koyinona mino. ¹⁰ Mage igeunamac yokan duckeguna, umacden inim bainta ayogugic uyinkano, mi ma yindum munkin tima beyouye. ¹¹ Siyamponi mana iyena afaruci sarec umpe. ¹² Mana bukac yimoyeyouni o ackecyano bani samintenone. Mini andan uwareyomi, Jisasin avitac umar iye mararani mini uwarantenone. ¹³ Yu akecyeyouni lo iyevaci awakurenone, ike yu akec yaraya mini ban yimoyiranone. ¹⁴ Seni iyewaci simoyontec umpe, seni simoyonunai Jisasinic pukirani simoyontec umpe, micnenim poni mana makakackena manda andauci sinduntimi beninuc kipasinkem mino. ¹⁵ Yu akecyante kafe iyec akecyante kafe mini anon onaric iyebakac ogo. Banta bey anduni baecdemi oyam bani afakananim, minin anon andandaino. ¹⁶ Mini andandauci yinduntinken avakureyouni, avacbac namac akun anecne yen namaci bantemino. Yeni fuka Israiriuci beni Koctin indam bantenone. ¹⁷ Mage ecanam maya umar iye simino, se sukaci Jisasinic afuruci mandec nocumpe. ¹⁸ Sifac sivac unano avacbaci iken namaci bantemino. Fukave.