¹ Sena segunai mini andanda afoi, bena aninta bemi, beni fayan yogaric eyounamac enaic iyen ugemi, masicden maga dukembage. ² Afo benkac dafitau namac benindagac dafiteyou yigantim banami benafo ugacdanin yamugic intemi. ³ Afo minivagi-i ugemi, yigeunamac aninta bagunami mana magagakenaic andauc poni dumuman dukagemi. ⁴ Afo mini yamuc yeraimi Kocti bey agac sankemi, anasiginke macimi, lo aragimi magemi. ⁵ Afo beni micnimponi lo arafim bauni utuc yinkemi, mini foni manam be yagagic emi. ⁶ Afo nevaraino, yigeni ben agafandauc bami Kocti beyagagic Ayo Inta sankarami yigeunamac sinduntim bemi, ararem semi "Aba Sentifo'o" ⁷ Afo micnu gayami eni enavac fayan yogar inta iyem banami. ⁸ Mesac mini yamuc Koctim bac iye onarukec mana magagakena eram foyac bac iyevan koctinuc kacbac fayan yogar intaic ugagegomi. ⁹ Afo mage yigeni Koctin onarani yemino yigembaci Kocti yonaic memino, inkenigac yevegec iye antekem benic eranda iye vam lo andauc kim begafono? ¹⁰ Onano kugagenina oyan igona yenina ockac yenina orande yeninuge! ¹¹ Yigenamac yogauna yogaruc fayaric inaninani semi saci gemino. ¹² Sensifactiva unano seni yigemi indaego, senkanac ogo, seyac bac yigen kacnaci ugego, semi mana andavac iyen uwantikam mino. ¹³ Yigeni sonamino, sugimi sicim poni seni anantapac kugandeci mam bayani siyimecumpe. ¹⁴ Sen sugin kena umanano yigemi amam magantimi yinkaci semi yifo iyenkeci ec iyen damino. Iyeino Koctinic ensoro sonaric murec saramino. Kraisi Jisasin benafon kege. ¹⁵ Yigenyic avoguc yimigami nafagac mage benafino? Afo seni yigemi siyimuna mini amankagicma emi, yigeni yige yugan durucdec se mana sonago. ¹⁶ Micnugemifo, fuga baya siyimuna foyac ikenyic namukoic egafu? ¹⁷ Mana ayoguc kara emi manan yesapac darani erarugan eya ono. Emi mapac uyacman dukaya yenkin erarukano bano. ¹⁸ Ayoguc anda barac umacden nurami erarugan ure amoyono, enamac banuna nuram mana bara seno. ¹⁹ Sentika fandauko, seni yevekec yikenani am mage yom sinavisikimi baunami Kraisi yiken kin yefekemi no. ²⁰ Seni mage ikenamac bec sesic baru manam bayecman antekarar ugami siyemino, nevarafi seni ikenani anon indiric kugamego. ²¹ Sisimego, iye ugac lo arafim barar indeka, ikeni lo bayani iyec indeka? ²² Abrami kar inta kanda dukanani akantemino, manan fayan yokar aginta kac kena ifo manan avic inin kac kenai. ²³ Mana buci ayini ampamimi fayan yokar aginta kac mana magemifo, afo ba sikanckaci avic ininano ena inta magemi. ²⁴ Amam magaruc kegem anecneuci bayec kantemi, ma mini inikandai mana yirackaci de anecne uwareyon kacnaci bano. Maya i Sinai Anufateno bemi anuc macyinkenimi fayan yokar intauc mo. Mini i Hagai. ²⁵ Agai i Arabia ic Sinai Anum bemi mage i Jerusalemim bemi, beni mage fayan yokar inini beyaga fandauc namac bemi. ²⁶ Afo yampaci beni Jerusalemi ²⁷ i beyani bemi, beni mayau sinom bemino. Micnin siren akantemino, "Amoyono an iye mageono an iye mageona vare. Ific damar acnure bacde amoyono, eni iyeci am mageyom anavisic iye mareonove. Nevafi beyavafumi dukenin iniyacbaci yeankaremi ben avafum yere ecenin ini nano amucna intau kugami dukemino." ²⁸ Afo ikeni, sifac siva unano, bani sikanic mureci Aisaki kacna i bamino. ²⁹ Mesac mini yamuci mana buci ayini ampami mageniyim mano mi Spiritic ayini ampamiyimi mandaic uankemino. Mage baci micnim memino. ³⁰ Afo mam baya kimi neveci sigenafi? Fayan yokar aginta namac ben akac namac sankanam bino. Fayan yokar aginta akac mano avic ini yakac namac beninda andandauc iyen daimintemino. ³¹ Micnin mugemifo, sivac siva unano, ikeunamaci fayan yokar iniyakafanda iyem bec umpe, avic iniyaka fandam becumpe.