¹ Galesiaugo, indiruc anana ugeniuge! Iyec yigemi umocdu yinkarukagafono? umacde yigen yugankaci Jisasi Kraisin mandar afotaci iyinayonic emi. ² Mana anece mana yigempate indin marare: Yigena Ayo Inta marami lo yogaric ompoyac maregafono, haca! indirec yindum munkegompoya fino? ³ Yigeni indiruc ananac ugenafino? Ayo Intaic yogantac kugandeci, acka mage mana bugim maro kiparagafono. ⁴ Yigeni umani amucna anecneukimi fayande ugam maramino_fugama sirem banami fayande uganafino? ⁵ Yigema Ayo Inta yimicdem amin yogani uvarenimi lo yogam marampoyafino, haca, yindun munkurec indempoyafino? ⁶ Abrahami Koctin "kaci andun munkim poni anteckam avic maremi." ⁷ Oganic ure indeno, micnure yindun munkugeyouni Abrahamin agafandauci beno. ⁸ Mam bayagimi onanami iyec mapacteno andun munkinami Kocti antec ankantemino, micnugami acnantapac mam baya Abrahami amemi semi , "Enkinken mana magagackena iniya baintauc avacbac ⁹ marantenone." Yindun munkugauni avoguc avacbac marantenone Abrahamin namac, andun munkugarac evam bainta. ¹⁰ Umacde iyeuyafo loic yogantac yogauni "umam maran sifanankimi benone; afo micnin siren santemino, umacde iyeuyafi lo yogin santam iye avakunde uvareni umam maran sifanankimi benone." minin uvarantenone. ¹¹ Afo mage afotagici ugemino mayavac lo gimi Koctin ogankac iyen anteckec umpe, nevarafi, anteckauni yindun munkin anda gimi bantenone. ¹² Afo loic yindun munkir andava benaino, " Enai banta loic yogaric evanani lo ginac bano" ¹³ Kraisi yigeunamac loic uman maran sifanankinken utuc sinkarukemino, micni siremi agantemino umam maran sifananici ugagemino_ nevaraino, yogim santemino, "umacde iyeuyafi yasac iyeyouni umam maran sifanankimi benone." ¹⁴ Kraisi Jisasin kinkemi mapateno gaci Abrahaminic ayoguc yintemino mapatenu Jisas Kraisin kinke yintemi, micnugami yindun munkir andafoni Kocti yimiran sirukan Ayo Inta igeunamac marantego. ¹⁵ Sifactiva unano, ecanagaci banta seyon asapac seno. Bantama uwandem simar erarugam baya, maya mandar avafac iyen dantemi, ena baya vac mini naroc mandar iyen dantemi, lo fona uwantananim. ¹⁶ Afo mage Kocti andandauc yimiran sirugam baya Abrahamim namac ben "anavasim nani sirukemi." Amucno vara sirukena, iye ino. "ben kigke ampaminaniyi nani sigem," Beni Kraisi ino. ¹⁷ Afo mage seni mage manavani secumpe: lo ve 430 orande yankagaimi yemino. Kocti acnantapac uwandanin lo mandan fasapac iyen demi. ¹⁸ Afo marananin anecne lo fate yigenin andandauci bana sigenim pateva yigenai. Kocti bani sirukageninuci amemi. ¹⁹ Afo, nevaraci lo benafi? Mini naroc enavac amugac dami, nevaraino, manda andauc fonino micnuganami inaem Abrahamin ana iye bapagafi yino bana Kocti yimiran sirukanici intemi. Acbanac bainta mano ensoroc kimi loi manar eraremi. ²⁰ Afo mage amucno ban kinke acbanac bainta mayanar iyen semi, Kocti manai. ²¹ Loi Kocti yimiran sirukan andandauc kimi acao sigenafi? Iye ugamino! Afo lo yimic dukam pona fanana bam bani yimic dukagemi anteckarac uge beyon andai fuga siren lo ginken yigemino. ²² Mam baya mano manda anda dumuegem arafin demi. Kocti sivicman besapac darare sirema yimiran sirukan anda yindu munkir anda foni Jisasi Kraisin kinke mandan yindun munkugauni yimintemino. ²³ Yindun munkir anda yirarugami lo yigeunamac dumuman dukami inaem yindun munkir anda afotagic emi. ²⁴ Afo lo yigeunamasic dafisirici uganimi Kraisi yemino, micnugami yindun munkir anda foni antec sinkantemino. ²⁵ Afo mage yindun munkir anda yenin poni lo yigeunamsic dafisiric iyen ugemi. ²⁶ Yigeni Koctin agafandauci bamino Jiasa Kraisin kim yindun munkir anda foye. ²⁷ Afo yige amucno Kraisin kim nom mandugauc Kraisimi avicman yinduntin damino. ²⁸ Jiu namac Griki namac iyeve, fayan yogam bainta namac fana benim bainta namac iyeve, banta namac anasi namac iyeve, yigeni umacde Kraisin kimi bamino. ²⁹ Afo micnugaci yigena Kraisin indama beci Abrahamin anabasinami beci, Kocti yimiran sirukam maranagouci bamino.