¹ Eto katekari embo puto vivitia umo ga gaiha aisi.Simba ejo no da sahu,ijukejo no embere,hamo ta ivo ari,jigijo puto vahaita ai. ² Eto da Israel avo pegene embo na toreto i hatu kahumbetere kiari sisae etija te na God na egerembeto kogombasona, haja vaja Jacob ta avo,israel ta vahai ainge. ³ Eto sovera embo ta beha amo ohoma, eto isoro embo tapa amo bo ohoma be asari ra; eto isoro iji te o horse hamo ta arumbeto enana ta auri ti asahi ijie ki overo ita uvavari eora. ⁴ Eto o horse na seima na mane da jo ta ima toto huma toto euja.Kiari enana ta amo karama usasa,eto tutuvari enana ta amo sariambu ainge ra. ⁵ Eto tohota embo okokose hotembeuja;enana ta porena hatirari ta mine ara teto veora avo;enana sausau eto da jo ta isoro aisi.Eto isoro embo peikasi beha pajire matu nunuga etera. ⁶ Umo ta degi pe avo vasiri na hirikite, Queen ta irari besi avo pepejeketo vetija. ⁷ Queen Huzzab avo teto bo ujuketo umbuto pambera;tohota pure pamone avo di dipo arako osaga uhe jenge torue mitia. ⁸ Nineveh amore umo puheto veuja ainge ra, eto tohota embomeni amo joru umo na pambuja ainge pambasora. Embo nei na jage eto,"hetevu,hetevu,rate amuna hapereketo kiae ra. ⁹ Hajae vaja evi umbavu,amita tutumo ari irae ra Nineveh ta sago javotoho amita ujeje donda aita. ¹⁰ Nineveh be ambu etija;be ambu eto visi visi etija.embo tapa ta jo toto re vetija,eto embo tapa ta paunge mine tara etija,bande pe tapa osaga kogue tombu pe opo etija. ¹¹ O lion ta irari degi daita re,eto degi daita o meni unduora,degi daita o embo te o huega hae eora,tohota meni ga,daita enana nei do joru ae eore? ¹² Eto o embo na tohota o meni avoeto embo ta visi amo osese eto memeni euja;eto o huega ta ikasi amo tunga ta umbuto tei ambuora, tohota panga te hoto te embo sari na enete euja. ¹³ Eto ki , na umo ga gaiha ona- eto emo ke araha ari God hena.Na God na no isoro ta jigama ari o horse iposi na undukasona,eto ki na o meni siosao aisona.No endata o avo kahumbasona,eto no ke ari embo ta ke hoenge avo mane ingesora."