¹ Da Niniveh amita do iji ambota puresuja avo Nahum ,da Elkosi embo amina hotembari ta putuhunu kajena. ² God amo siari eto mine ari God; tinikambari embo eto mine ari God;God gaiha teho mane euja,te kitoho eore avo mine euja. ³ God amo gaiha ta seima euja te ivo sovera ta pajire be ra;sapura embo avo mane au sapura be aisora.God amo utu ita eto pisara javaka ainge vasiri te huresuja,eto johi amo amita utu oniho ra. ⁴ God ke eoi eva evekeuja eto ainge umo ga tapa evekeuja.Degi Bashan, Carmel eto Lebanon ta i vuji tapa ivo irae asuja. ⁵ God ta mine umbari aita tiri vasiri aisuja eto heti sisasuja;eto enda ga tapa pepejeketo veasuja,enda te ainge embo te tapa ai iriora amiga tapa. ⁶ Embo amuna God ta memega jo ta hetau? Embo amuna God ta tinikambari gaiha avo senikau?Tohota gaiha amo i vevere ainge overekasuja, eto karu amo pepejeketo memeni aisuja. ⁷ God amo javotoho, iji sapura ta orekari embo eto omena euja;eto amuna avo kebe eora avo oreka asuja osaga memega joaita. ⁸ Bada na au iji tutumo ta kitoho embomeni avo irae asora eto umo vuenga na korinekasuja; eto mume ta daroho iresora ⁹ Ungo do embo God ta degi ondikari na ke eove? Amina au iji tutumo irae asuja eto memega bouka iji heriso mane huresuja. ¹⁰ Vuvunda ari pepe ainge eto embo umo indito be indito eora ainge, enana avo garase kokoso ina vevere na endekeuja ainge aisuja. ¹¹ Ungota degi,Nineveh,aita embo putahara amina God ta javo urumba uera amita javota, embo onde katari sapura uera. ¹² Eto God ke einge eria,"enana amo ivo te eto ijemeni be ra te tano irae aisora ;tohota embomeni irae pojembeto pambasora.Rate umo, Judea: Nane umo etene memega umbea,avo ehako mane aisona. ¹³ Eha nane poekasona embo ta bouka no degi ta avo;esi na pundurari jo ta avo tahukasona." ¹⁴ God na ke gaiha na no degi ena, da Nineveh aita:'"No ahihije na no javo mane jigesora.Nane i na ove ari eto auri na embo ari no god jakeka ari bandeta ta avo kahumbasona. Use no avo nane sirikasona, umo ke ingae oa avoeto." ¹⁵ Titi tiri ta eto ki embo ta utu hae eto duru javotoho umbuto putuha,jajage eto peka ta ke eria! No torukari avo osa ejo, Judea embomeni eto ejo be ai ke do onde ari avo,sapura na mane umo andiresuja;pete kahuketene irae etija.