¹ Eto osaga ona da sasaga na enetari! Ke sokova eto pegene donda na pe vitari;tari kajari embo meni ai mitera. ² Rate eha avo esi pepete amita ke tura eto vuri vuri ta havi, o horse ta utu asahi, eto o avo kaju ari ta tutuvari. ³ Eto horse jigari embo enana oenga kaija ti te eto ki na mine ara iketo uhora!amburari ando biruhu etija etekari haite ae-enana ta isoro embo,ando hoga ta vitito teitein ue vovora. ⁴ Evi putuha amita be amo ujeje ta vasiri eto tiha paiha ta sago,eto saruka ta okose,amina tohota embomeni avo tiha paiha eto saruka amina ombuto umbuja. ⁵ " Eto ki na umoga gaiha ona-araha ari evi God ta ra-nane no bo avo jigono no tombu ta vitesuja eto no hamo otohu ano embo tapa na keisora,no me avo degi nei na keisuja. ⁶ Nane sasapura avo no degi gosiketo ano jo memega aisoa;eto ikano araha ta hetasoa. ⁷ Eto evi ano amuna no puresora avo umo kito joru pahue ke aisora,'Nineveh avo hatiketera;eto amuna avo si au?' Eto na dainge pato embo jombure ano umo kekota aro?" ⁸ Nineveh,eto umo Thebes nembari rete,da amo jai Nile engitita ikari ra,jai na jiroro ari ra,tohota apupu amo eva, eto eva amo amita apupu ra? ⁹ Cush eto Egypt amo tohota ivo,eto amita tutumo irae ra;Put eto Libya amo tohota bambu ra. ¹⁰ Ainge rate Thebes avo tipura umbuto pambari ra;tohota meni ehaha avo gaiha na teto siro pepejeketo degi tapa ta ikitara;kitoho embo na tohota embo papajire avo hatikitara eto neinei esi na pupundikitara. ¹¹ Umo ga tapa jai indito gavegave aisoa; ondikari degi jombure aisoa,eto umo ga tapa kitoho embo ta degi ondikasi pambasoa. ¹² No da matu amo re i junga be matu sari ari ainge ra:eto jahevaro,karau eto indiuja embo ta pe ta veasuja. ¹³ Eto ki,embomeni umoga mitera tapa amo pamone ra;eto no degi ta torari bokiri pe amo kitoho embo ta hiriketo mitia;i vevere na tutuvi irae eveketija. ¹⁴ Pambuto umo timbavu degi sisae etija;oro bande sojiva evu. pambuto enda ono avo haito pejevu;eto karu vusi siriketo umbavu. ¹⁵ I na aita evekasuja eto kaija na kahumbau irae aisuja. O,okisa na donda tapa irae indiuja ainge avo umo indesuja.Umo oenga ejo o okisa memeni ainge ijemeni ai eto ehako ejo okisa ingereva pepeni ainge ai. ¹⁶ Eto no donda ombari embomeni avo papajiketera utu i ta tarama ainge;rate enana amo o okisa memeni ainge:pegene eto degi nei ta kin eto pambuora. ¹⁷ No iae sago te amo o okisa na gotohu gotohu iriuja ainge eto no isoro ta titi jigari amo okisa na jajemo iji te apupu ta vahaita eto iriora ainge ra.Rate iji vivituoi joru pambuora, eto pambuora degi amo ae araha ae ra. ¹⁸ Assyria embo ta King,no o simba ari embo avo evo ora;no embo ototohu avo sesereketo sipere ere ora.No embomeni pojembeto irae tiri ta pahora, eto umbuto vahaita ikasora embo irae ra. ¹⁹ No toto amita javotoho ari irae ra,toto pejeto vovua.Embomeni amuna no duru evi ingesuja amo osa ue ingeni taisuja. amita degi sapura emo toae kaiketo ete?