¹ بەڵام شائۆل هێشتا هەڕەشەی لە قوتابییەکانی پەروەردگار دەکرد و دەیکوشتن. بۆیە چووە لای سەرۆک کاهین، ² و داوای نامەی لێکرد بۆ کەنیشتەکانی یەهود لە دیمەشق بۆ ئەوەی بۆ ئەوەی ئاسانکاری بۆ بکەن بۆ گرتنی ئەو ژن و پیاوانەی کە ئەم ڕێگایە دەگرنەبەر، لە هەر شوێنێک بیاندۆزێتەوە، بۆ ئەوەی بە بەندکراوی بیانبات بۆ یورشەلایم. ³ کاتێک دەچوو بۆ دیمەشق و لەوێ نزیک بۆوە، لەناکاو ڕووناکییەک لە ئاسمانەوە بە دەوریدا درەوشایەوە، ⁴ کەوتە سەر زەوی و گوێی لە دەنگێک بوو پێی گوت: «شائۆل! شائۆل! بۆچی دەمچەوسێنیتەوە؟» ⁵ شائۆل پرسی: «تۆ کێیت پەروەردگار؟» وڵامەکە هاتە لای: «من یەشوام، ئەوەی کە تۆ دەیچەوسێنیتەوە». ⁶ بە لەرز و سەرلێشێواوی گوتی: «پەروەردگار، دەتەوێت چی بکەم؟» پەروەردگار پێی فەرموو: «هەستە و بچۆ ناو شارەکە، لەوێ پێت دەوترێت چی بکەیت». ⁷ ئەو پیاوانەی لەگەڵ شائۆل گەشتیان دەکرد سەرسام و بێدەنگ لەوێ وەستابوون، گوێیان لە دەنگەکە بوو بەڵام کەسیان نەبینی. ⁸ شائۆل هەستا، بەڵام کاتێک چاوەکانی کردەوە هیچی نەبینی، جا دەستیان گرت و هێنایان بۆ دیمەشق، ⁹ سێ ڕۆژ مایەوە بە بێ بینینو خواردن و خواردنەوە. ¹⁰ لە دیمەشق قوتابییەکی پەروەردگار هەبوو بە ناوی ئەنانیا، پەروەردگار لە بینینێکدا بانگی کرد و فەرمووی: «ئەی ئەنانیا!» وەڵامی دایەوە: «بەڵێ ئەی پەروەردگار!» ¹¹ پەروەردگار پێی فەرموو: «بڕۆ بۆ ماڵی یەهودا لە شەقامی ناسراوە بە ڕاست، و داوای پیاوێکی خەڵکی تەرسوس بکە بە ناوی شائۆل. چونکە خەریکە نزا دەکات. ¹² لە بینینێکدا پیاوێکی بینیوە بە ناوی ئەنانیا هاتە ژوورەوە و دەستی لەسەر دادەنێت، بینی». ¹³ ئەنانیا بە پەروەردگاری گوت: «پەروەردگار، زۆر هەواڵم بیستووە دەربارەی ئەم پیاوە و هەموو ئەو زیانانەی کە لە یورشەلایم بە گەلە پیرۆزەکەتی گەیاندووە، ¹⁴ بە دەسەڵاتی سەرۆکی کاهینەکانەوە هاتۆتە ئێرە بۆ ئەوەی هەموو ئەوانەی بانگەشەی ناوی تۆ دەکەن دەستگیر بکات». ¹⁵ پاشان پەروەردگارفەرمانی پێکرد: «بڕۆ! ئەم پیاوە هەڵبژێردراوی منە ببێتە دەفرێک ناوی من بۆ نەتەوەکان و پاشاکانیان و بۆ نەوەی یەسرائیل بگوازێتەوە. ¹⁶ نیشانی ئەدەم کە چەندە دەبێت لە پێناو ناوی من ئازار بچێژێت!» ¹⁷ ئینج ئەنانیا چووە ماڵی یەهودا و دەستی خستە سەر شائۆل و گوتی: «ئەی شائۆلی برا، پەروەردگار یەشوا، کە لە ڕێگادا بۆت دەرکەوت کاتێک دەهاتیتە ئێرە، منی ناردووە بۆ ئەوەی جارێکی تر ببینی و پڕ بیت لە گیانە پیرۆزەکە». ¹⁸ دەستبەجێ شتێکی وەک تەرازوو لە چاوەکانی شائۆل کەوتە خوارەوە، ئینجا ببینی، پاشان لە ئاو هەڵکێشرا. ¹⁹ خواردنی خوارد هێزی بۆ گەڕایەوە و چەند ڕۆژێک لەگەڵ قوتابییەکان لە دیمەشق مایەوە. ²⁰ دەستبەجێ دەستی کرد بە بانگەشە لە ناو کەنیشتەکان کە یەشوا ڕۆڵەی خودایە. ²¹ هەموو ئەوانەی گوێیان لێ بوو سەریان سوڕما، و پرسیاریان کرد: «ئەمە ئەو پیاوە نییە کە لە یورشەلایم هەموو ئەوانەی بانگەشەی ئەم ناوەیان دەکرد لە ناوی دەبردن؟ مەگەر نەهاتووە بۆ ئێرە تا بەندکراوی بیانباتە لای سەرۆک کاهینەکان؟» ²² بەڵام شائۆل بە خرۆشی زیاترەوە وتاری دەدا، و یەهودییەکانی دانیشتووی دیمەشقی تووشی سەرلێشێواوی کرد بەو بەڵگانەی کە دەیسەلماند یەشوا مەسیحەکەیە. ²³ دوای تێپەڕبوونی چەندین ڕۆژ، پیلانێک لەنێو یەهودییەکاندا دروست بوو بۆ کوشتنی، بەڵام شائۆل بە پلانەکەیانی زانی. ²⁴ شەو و ڕۆژ بە وردی چاودێری دەروازەکانی شاریان دەکرد بۆ ئەوەی ئەگەر رۆیشتە دەر بیکوژن. ²⁵ بەڵام هەندێک لە قوتابییەکان بە شەو بردیان و لەناو سەبەتەیەکدا، بە گوریس بە سەر شوورای شارەکەوە شۆڕیان کردەوە. ²⁶ کاتێک شائۆل گەیشتە یورشەلایم هەوڵیدا بچێتە پاڵ قوتابییەکانی ئەوێ، بەڵام هەموویان لێی دەترسان، باوەڕیان نەدەکرد کە بووبێت بە قوتابی پەروەردگار. ²⁷ بەرنابا بردی بۆ لای نێردراوان، پێی گوتن کە چۆن شائۆل لە گەشتەکەیدا پەروەردگار بۆی دەرکەوتووە و قسەی لەگەڵ کردووە، و چۆن لە دیمەشق بە ناوی یەشوا بە چاونەترسی بانگەشەی کردووە. ²⁸ ئیتر دەستی کرد بە هاتن و چوون لەگەڵیان لە یۆرشەلایم، و بە بوێری مزگێنی ئەدا بە ناوی پەروەردگاری. ²⁹ لەگەڵ یەهودییە یۆنانییەکان قسە و مشتومڕی دەکرد، بەڵام ئەوان هەوڵیان دا بیکوژن. ³⁰ کاتێک باوەڕداران ئەمەیان زانی بردیانە بۆ کەیسەریا، ولەوێوە ڕەوانەی تەرسوسیان کرد. ³¹ لەم نێوەندەدا کڵێساکە لە ناوچەکانی یەهودیا و گەلیل و سامریا بە چێژی لە ئاشتی دەبینی. لەخوداترسیدا رێچکەی گرتبوو گەشەی دەکرد، بە پشتیوانی گیانی پیرۆز. ³² لەکاتێکدا پەترۆلە شوێنیكەوە دەرۆیشت بۆ شوێنیکیتر، سەردانی دانیشتووانی لیدیای کرد، ³³ لەوێ پیاوێکی بینی بە ناوی ئەنیاس، کە ئیفلیج بوو و هەشت ساڵ بوو لە جێگادا بوو. ³⁴ پەترۆ پێی گوت: «ئەنیاس، یەشوای مەسیح چاکت دەکاتەوە. هەستە و بۆخۆت پێخەفەکەت کۆبکەرەوە!» دەستبەجێ هەستا. ³⁵ هەموو ئەوانەی لە لیدیا و شارۆن دەژیان، بینییان و گەڕانەوە بۆ لای پەروەردگار. ³⁶ لە شاری یافا قوتابییەک هەبوو بە ناوی تابیتا، واتە: مامز، هەمیشە چاکەی دەکرد و یارمەتی هەژارانی دەدا. ³⁷ لەو کاتەدا نەخۆش کەوت و مرد، شۆردیان و لە ژوورێک لە نهۆمی سەرەوە دایاننا. ³⁸ کاتێک قوتابییەکانی یافا بیستیان کە پەترۆ لە لیدیایە. یافا نزیک بوو لە لیدیا، دوو پیاویان نارد بۆداوایان لێکرد و پێیان گوت: «بلەگەڵمان وەرە بە بێ دوا کەوتن!» ³⁹ هەستا و لەگەڵیان ڕۆیشت و کاتێک گەیشتە ئەوێ بردیانە سەرەوە بۆ ژوورەکە، هەموو بێوەژنەکان لە دەوری کۆببوونەوە و دەگریان، و ئەوکراس و جلوبەرگانەی پیشان دەدا لە کاتێکدا لەگەڵیان بوو دووریبووی. ⁴⁰ پەترۆ داوای لە هەموو ئامادەبووان کرد کە لە ژوورەکە بچنە دەرەوە؛ چۆکی دادا و نزای کرد، ڕوویلە تەرمی مردووەکە کرد و گوتی: «ئەی تابیتا، هەستە!» چاوی کردەوە و کە پەترۆی بینی دانیشت، ⁴¹ دەستی بۆ درێژ کرد و یارمەتی دا بۆ هەستانەوە، پاشان بانگی باوەڕداران و بێوەژنەکانی کرد، و بە زیندووییبۆی گەڕاندنەوە. ⁴² هەواڵی ئەم پەڕجووە لە هەموو یافا بڵاو بۆوە و زۆر کەس باوەڕیان بە پەروەردگار هێنا. ⁴³ پەترۆ چەند رۆژێک لە یافا لەگەڵ چەرمسازێک بە ناوی شیمۆن مایەوە.