1 وِلَمَّا خَلَّصْ يَسُوعْ الْجُولْ دَايْتِي رَفَعْ عَيْنِيْهْ لِلْسَمَا، وِجَالْ: "ايُّهَا الآبْ إِجِتْ الْسَّاعَةْ! مَجِّدْ إِبْنَكْ، عَلَشَانْ يِمَجِّدَكْ إِبْنَكْ كَمَانْ، 2 أَنْتَ أعْطِيْْتَهَا الْسُّلْطَانْ عَلَى جَمِيعْ الْبَشَرْ، عَلَشَانْ يَعْطِي جَمِيعْ إللِّي وَهَبْتُهُمْ لِيهْ حَيَاةْ أَبَدِيِّةْ. 3 وِالْحَيَاةْ الأَبَدِيَّةْ هِيَّ أَنْ يَعْرِفُوكْ أَنْتَ الإِلَهْ الْحَجْ وَحْدَج، إِللِّي بَعَدْتَهْ يَسُوعْ الْمَسِيحْ. 4 آنِي مَجَّدْتَكْ عَلَى الأَرْضْ، وِعَمَلْتْ الْعَمَلْ إِللِّي كَلَّفْتَنِي. 5 فَمَجِّدْنِي فِي حَضْرِتَكْ الآنْ، أيُّهَا الآبْ، بِمَا كَانْ لِي مِنْ مَجْدْ عَنْدَكْ جَبْلْ تَكْوِينْ الْعَالَمْ. 6 أَظْهَرْتْ اسْمَكْ لِلْنَاسْ إِللِّي وَهَبْتُهُمْ لِي مِنْ الْعَالَمْ. كَانُو لِيكْ، فَوَهَبْتَهُمْ لِي. وِهُمَّا عَمَلُو بِكِلْمِتَكْ، 7 وعِرْفُو الآنْ أَنَّ كِلْ مَا وَهَبْتُهْ لِي فَهُوَّ مِنَّكْ، 8 عَلَشَانْ نَجَلْتْ لِيهِمْ الْوَصَايَا إِللِّي وَصِّتْنِي بِيهَا، فَجِبْلُوهَا، وِعِرْفُو الْحَجْ أَنِّي خَرَجْتْ مِنْ عَنْدَكْ، وِآمَنُو أَنَّكْ بَعَدْتِينِي. 9 مِنْ أجْلْ الْنَاسْ دُولْ آنِي بِصَلِّيلَكْ. آنِي مُشْ بِصَلِّي الآنْ عَلَشَانْ الْعَالَمْ، لَكِنْ مِنْ أَجْلْ إللِّي وَهَبْتَهُمْ لِي، عَلَشَانْ هُمَّا لِيكْ. 10 وِكِلْ مَا هُوَّ لِي فَهُوَّ لِيكْ، وِكِلْ مَا هُوَّ لِيكْ فَهُوَّ لِي، وِآنِي قَدْ إِتْمَجَّدْتْ فِيهُمْ. 11 الْنَّاسْ دَايْتِي بَاجِينْ فِي الْعَالَمْ، وَلَكِنْ آنِي مِشْ مَوْجُودْ فِي الْعَالَمْ، عَلَشَانْ آنِي مَعَاوِدْ لِيكْ. أَيُّهَا الآبْ الْجُدُّوسْ إِحْفَظْ فِي اسْمَكْ إِللِّي وَهَبْتَهُمْ لِي، لِيِكُونُو وَاحِدْ، زِيْ مَا إِحْنَا وَاحِدْ. 12 لَمَّا كِنْتْ مَعَاهُمْ، كِنِتْ احْفَظْهُمْ فِي اسْمَكْ. وِإِللِّي وَهَبْتَهُمْ لِي، رَعِيتْهُمْ، وِمَا هِلِكْ مِنْهُمْ حَدَاً إلَّا ابْنْ الْهَلاكْ، عَلَشَانْ الْكْتَابْ يِتِمْ. 13 وِالآنْ آنِي مَعَاوِدْ لِيكْ، وِاتْكَلَّمْ بِكُلْ دَايْتِي وِآنِي بَعْدْ فِي الْعَالَمْ، لِيْكُونْ لِيهِمْ فَرَحِي كَامِلْ فيهِمْ. 14 آنِي جُلْتِلْهُمْ كِلْمِتَكْ، وِالْعَالَمْ كِرِهُّمْ عَلَشَانْ هُمَّ مِشْ مِنْ الْعَالَمْ. 15 وِآنِي مَا بَاطْلُبْ أَنْ تَاخُدْهُمْ مِنْ الْعَالَمْ، لَكِنْ تِحْفَظْهُمْ مِنْ الْشِرِّيرْ. 16 وَهُمْ مِشْ مِنْ أَهْلْ الْعَالَمْ دَايْتِي زَيْ مَا آنِي مِشْ مِنْ الْعَالَمْ دَايْتِي. 17 جَدِّسْهُمْ بِالْحَجْ، إِنِّ كِلْمِتَكْ هِيَّ الْحَجْ. 18 وِكِيْفْ مَا أَرْسَلْتِنِي أَنْتَ لِلْعَالَمْ، أَرْسَلْتَهُمْ آنِي كَمَانْ لِلْعَالَمْ. 19 وِمِنْشَانْهُمْ آنِي أَجَدِّسْ ذَاتِي، عَلَشَانْ يِتْجَدَّسُو هُمَّ كَمَانْ فِي الْحَجْ. 20 وِآنِي مِشْ بَصَلِّي مِنْشَانْ دُولْ بَسْ، لَكِنْ مِنْشَانْ إِللِّي هَيؤمِنُو بِي بِسَبَبْ كِلْمِةْ الْنَّاسْ دَايْتِي، 21 لِيِكُونْ الْجَمِيعْ وَاحِدْ، أَيُّهَا الآبْ، زَيْ مَا أَنَّكْ أَنْتَ فِيَّ وِآنِي فِيكْ، لِيِكُونُو هُمَّ كَمَانْ وَاحِدْ فِينَا، عَلَشَانْ يِآمِنْ الْعَالَمْ أَنَّكْ أَنْتَ بَعَدْتَنِي. 22 آنِي أَعْطِيْتْهُمْ الْمَجْدْ إِللِّي أَعْطِيْتْنِي، لِيِكُونُو وَاحِدْ زِيْ مَا إِحْنَا وَاحِدْ. 23 آنِي فِيهُمْ، وِأَنْتَ فِيَّ، عَلَشَانْ يِكْتِمْلُو وِيِصِيرُو وَاحِدْ، عَلَشَانْ يَعْرِفْ الْعَالَمْ أَنَّكْ أَرْسَلْتِنِي وِأَنَّكْ حَبِّيتْهُمْ كِيفْ مَا حَبِّيتْنِي. 24 أَيُّهَا الآبْ، آنِي بَدِّي إِللِّي وَهَبْتُهُمْ لِي أَنْ يِكُونُو مَعَايْ مِنْ حَيْثْ أَكُونْ آنِي، فَيِشُوفُو مَجْدِي إِللِّي أَعْطِيْتْنِي، لأنَّكْ حَبِّيتْنِي جَبْلْ تَأَسِيسْ الْعَالَمْ. 25 أَيُّهَا الآبْ الْبَارْ، إِنَّ الْعَالَمْ مَا عَرْفَكْ، وَلَكِنْ آنِي فَعَرِفْتَكْ، وِالْنَاسْ دَايْتِي عِرْفُو أَنَّكْ أَنْتَ أَرْسَلْتِنِي، 26 وِآنِي عَرَّفْتَهُمْ بِاسْمَكْ، وِأَعَرِّفْهُمْ كَمَانْ، لِتْكُونْ فِيهُمْ الْمَحَبَّةْ إِللِّي حَبِّيتْنِي بِيهَا، وِأَكُونْ آنِي فِيهُمْ".