1 جُلْتُلْكُمْ دَايْتِِي عََلَشَانْ مَا تِتْزَعْزَعُو. 2 هَيَطْرِضُوكُم بَرَّةْ الْمَجَامِعْ، وِهَيِجِي وَكْتْ يِظُنْ فِيهْ مِينْ يِجْتِلْكُمْ إنَّ يِجَدِّمْ خِدْمَةْ لِلَّهْ. 3 وِهُمَّ بِيَعْمِلُو دَايْتِي فِيكُمْ عَلَشَانْ مَا عِرْفُو أَبُويْ، وَلا عَرْفُونِي. 4 جُلْتُلْكُمْ دَايْتِي عَلَشَانْ لَمَّا يِجِى وَكْتْ يَعْمِلُو فِيهْ الْكَلامْ دَايْتِي تِفْتِكْرُو إِنِّي آنِي سَبَجْ جَلْتُلْكُمْ الْكَلامْ دَايْتِي. وِآنِي مَا جُلْتُلْكُمْ الْكَلامْ دَايْتِي مِنْ الْبِدَايَةْ عَلَشَانْ كُنْتْ مَعَاكُمْ. 5 لَكِنْ الآنْ فَآنِي رَاجِعْ لِلِّي أَرْسَلْنِي، وِمَا حَدَاً مِنْكُمْ يِسَأَلْنِي: لَوِينْ رَايِحْ؟ 6 وِلَمَّا جُلْتِلْكُمْ الْكَلامْ دَايْتِي جَلْبَكُمْ إِمْتَلا حِزِنْ. 7 وَلَكِنْ أَجُولْ لِيكُمْ الْحَجْ: مِنْ الأَفْضَلْ لِيكُمْ إنِّي أَرُوحْ، عَلَشَانْ لَوْ مَا رُحْتْ، مَا بِيِجِيكُمْ الْمُعِينْ. لَكِنْ لَوْ رُحْتْ أَبْعَتَهْ لِيكُمْ. 8 وِلَمَّا يِجِي يِبَكِّتْ الْعَالَمْ لِلْخَطِيَّةْ وِلِلْبِرْ وِلِلْدَيْنُونَةْ: 9 وِأمَّا لِلخَطيَّةْ، عَلَشَانْ مَا آمَنُو بِي، 10 وِأمَّا لِلْبِرْ، عَلَشَانْ آنِي رَاجِعْ لِلآبْ وِمِشْ رَاحْ إِتْشُوفُونِي تَانِي، 11 وِأَمَّا لِلْدَيْنُونَةْ، عَلَشَانْ سِيدْ الْعَالَمْ دَايْتِي إِتْحَكَمْ عَلِيْهْ حُكْمْ الْدَيْنُونَةْ. 12 وِآنِي عَنْدِي أَمُورْ كَتِيرَةْ أَجُولْهَالْكُمْ، لَكِنْ الآنْ مَا تِجْدِرُو تِحْتِمْلُوهَا. 13 وَلَكِنْ لَمَّا يِجِيكُمْ رُوحْ الْحَجْ يِرْشِدْكُمْ لِلْحَجْ كُلَّهْ، عَلَشَانْ هُوَّ مَا بِيجُولْ شَيْ مِنْ عَنْدَهْ، بَلْ يِخَبِّرْكُمْ بِاللِّي يِسْمَعْ، وِيِطْلِعْكُمْ عَلَى كُِلْ شَيْ هَيِحْصَلْ فِي الْمُسْتَجْبَلْ. 14 وِهُوَّهَيِمَجِّدْنِي عَلَشَانْ كِلْ إِللِّي هَيِجُولْكُمْ جَايْ مِنِّي. 15 كِلْ إِللِّي لِلآبْ، هُوَّ لِي. وِعَلَشَانْ إِكْدِهْ جُلْتِلْكُمْ إِنِّ كِلْ إِللِّي هَيِحْصُلْ بِيهْ صَادِر عَنِّي. 16 بَعْدْ جَلِيلْ مَا إِتْشُوفُونِي، وِبَعْدْ جَلِيلْ إِتْشُوفُونِي!" 17 فَتْسَاءِلْ بَعْضْى الْتَلامِيذْ: "آيْهْ هُوَّ كَلامْ دَايْتِي: بَعْدْ جِلَيِّلْ مَا إتْشُوفُونِِي، وِبَعْدْ جِلَيِّلْ إتْشُوفُونِي، عَلَشَانْ آنِي رَاجِعْ لِلآبْ؟" 18 وِجَالُولَهْ: "آيْهْ هُوَّ الْجِلَيِّلْ إللِّي تِتْكَلَّمْ عَنُّهْ؟ إحْنَا مُشْ فَهْمِينْ إللِّي بِتْجُولَهْ!" 19 وِعِلِمْ يَسُوعْ إِنَّهُمْ عَاوْزِينْ يِسْأَلُوهْ، فَجَالْ لَهُمْ: "إِنْتُو إِبْتِسْأَلُوآيْهْ مَعْنَى بَعْدْ جِلَيِّلْ مَا إتْشُوفُونِي وِبَعْدْ جِلَيِّلْ إِتْشُوفُونِي كَمَانْ. 20 الْحَجْ الْحَجْ أَجُولْ لَكُمْ: إِنْتُمْ هَتِبْكُو وِتْنِيوحُو، وِالْعَالَمْ يِفْرَحْ. إِنَّكُمْ هَتَحْزِنُو، وَلَكِنْ حِزْنَكُمْ هَيِتْحَوَّلْ لِفَرَحْ. 21 الْمَرَةْ تِحْزَنْ لَمَّا سَاعْةْ وِلادِتْهَا تِيجِي. لَكِنْ لَمَّا تُولِدْ طِفْلْ، لَا إِتْعُودْ تِتْذَكَّرْ الْعَنَا، مِنْشَانْ فَرْحِتْهَا إِنَّ إِنْسانْ إِتْوَلَدْ فِي الْعَالَمْ. 22 وِإكْدِهْ أَنْتُو كَمَانْ، تِحْزَنُو الآنْ ، لَكِنْ لَمَّا أَعَاوِدْ لِيكُمْ، تِفْرَحْ جِلُوبْكُمْ، وِمَا حَدَاً يَاخُدْ فَرَحْكُمْ مِنْكُمْ. 23 وَفِي الْيُومْ دَايْتِي مَا تِسْأَلُونِي عَنْ شَيْ. الْحَجْ الْحَجْ أَجُولْ لَكُمْ: الآبْ هَيَعْطِيكُمْ كُلْ إللِّي هَتِطْلِبُوهْ مِنَّهْ بِاسْمِي. 24 حَتَّى الآن مَا طَلَبْتُمْ بِاسْمِي شَيْ. إِطْلِبُو تَاخْدُو، فَيِكُونْ فَرَحْكُمْ كَامِلْ. 25 آنِي ضَرَبْتْ لِيكُمْ أَمْثَالْ فِي كَلامِي عَنْ الامُورْ دَايْتِي، وَلَكِنْ هَيِجِي وَكْتْ أجُلُّكُمْ فِيهْ عَنْ الآبْ بِكُلْ صَرَاحَةْ، مِنْ غَيرْ أَمْثَالْ. 26 فِي الْيُومْ دَايْتِي تِطْلِبُو مِن الآبْ بِاسْمِي. وِآنِي مِشْ بَجُولْ لِيكُمْ إِنِّي أَطْلُبْ لِيهْ عَنْكُمْ. 27 عَلَشَانْ الآبْ نَفْسُهْ بِحِبُّكُمْ، عَلَشَانْ أَنْتُمْ حَبِّيتُونِي، وِآمَانْتُمْ بِإنِّي مِن عَنْدْ الآبْ خَرَجْتْ. 28 خَرَجْتْ مِنْ عَنْدْ الآبْ، وَجِيتْ لِلْعَالَمْ. وِآنِي هَاسِيب الْعَالمْ وِاعُودْ لِلْآبْ". 29 فَجَالْ لَهْ تَلامِيذَهْ: "أَنْتَ دِلْوَكِتِي بِتْكَلِّمْنَِا كَلامْ صَرِيحْ بِغِيْرْ أَمْثَالْ. 30 وَالآنْ نَعْرِفْ أَنَّكْ تَعْلَمْ كِلْ شَيْ، وِمَا تَحْتَاجْ أَنَّ حَدَاً يِسْأَلَكْ. عَلَشَانْ إِكْدِهْ مِنْآمِنْ إِنَّكْ جِيتْ مِنْ عَنْدْ اللهْ". 31 وِجَاوَابْ يَسُوعْ: "دِلْوَكِتِي تُؤمِنُونْ؟" 32 هَتِيجِي سَاعَةْ وِسَاعَةْ دِي إِجِتْ الآنْ فِيهَا كِلْ وَاحِدْ يِعَاوِدْ لِبيْتَهْ، وِتْسِيبُونِي لِوَحْدِي. وَلَكِنِّي آنِي مِشْ وَحْدِي، لأَنْ الآبْ مَعَيْ. 33 خَبَّرْتُكُمْ بِكُلْ دَايْتِي عَلَشَانْ يِكُونْ لِيكُمْ فِيَّ سَلامْ. فِي الْعَالَمْ هَيِجِي عَلِيْكُمْ الْضِيكْ. وَلَكِنْ إِتْشَجَّعُو، فَآنِي غَلَبْتْ الْعَالَمْ دَايْتِي!".