¹ Ko ëëts y´ity ke n´okmuten eenyë, nits nwinmääy jets ntän´t nätyu´uk jem Atenas. ² Jets mpäkexy ëëts Timoteo ëdëm nmugu´uk Dios tyumpë mädi oy ääw ayuujk myätyekypy Cristo jye´ jets mëkmojëdët nits myëjotkujk tägët nixkën jenxyäwën. Ná éëts ntuuny jets nipën kyä´ayëktä ätsipt yä´ät jätë kowetë. ³ Miits mnijäw eepy ko je këxm ëëts të nyëkwinkeny. ⁴ Tyëywyë nexy ko y´ ijty jem miits nmëdëdë, jets ëëts nwääny ko të tpätnë nits ëëts n´äyo´m päät näjts të jyety nixkëm të xnijäwëdë. ⁵ Jekëxts ko ët ke n´okmuten eenyë, nits mpäkejxy yë Timoteo jets tnijäwët ntso miits mjenxyäwën ok tëëk win ëëmpë mwin ëënyëdë nits ëëts ntunk niti kyäwä´äny. ⁶ Kots Timoteo jem wyimpity mä miits jets tyëkmiiny oymyätyä´äky ntsi miits mjenxyäwën jets mtsojkën. Jets tnikepxy ntso ëëts miits xäymyetxy, nits miits xä ixwä´äntë ëëts nixk nänyä ëts miits n´ixwä´äny. ⁷ Jekëxts mugu´uktëjktë ojts ëëts njotkujk jety miits jenxyäwën këxm m+a´äm ëëts njotmáy ooky jets n´äyom pääty. ⁸ Näjts ëëts ixyäm njukyë ku miits tukyë wintsën kyëm. ⁹ ¿Ti kujuyën ëëts nmo´op je Dios miits këxm ko je xontäjkën mädi ëëts nmëët Dios wyinkukm miits këxm? ¹⁰ Jä xëjny jä koots ëëts mëknexy nukxtä´äky jeyts miits mwiin m´áäw n´ixt jets nyä´kt mädi käitp má jenxyäwën. ¹¹ Jets këm Dios ëdëm nteety mëët ëdëm nwintsën Jesus, xtäni´ixët ëëts ntu´u mäjem miits. ¹² Nits wintsën tun´t jets tsojkën yeekt myëjët myäyët mä tu´uk jänidu´uk mä´äm tukëyë jääy, nä nixkëm ëëts mä miits. ¹³ Wen je näj tuny nits tmëkmo´ot m´ääw mjoot tyiky peky nyiwä´äts´t wä´äts äjtën këxm ëdëm nDios teety winkukm ko myin´t ëdëm nwintsën Jesus mëët tukëyë tyumpë.