¹ Je ku miits këm mnijäwetyëp, mugu´uktëjktë, ku ëëts ojts njety mä´äm miits të ke nyigojë. ² Miits mnijäw eedyëP ku ëëts n´äyoy jets kutso´oy nyexy ëëts ojts nyëktuny jem Filipo. Ojts ëëts nyämyëky pemyëdë Dios këxm jets ntämukäpxtët miits Dios y´oy myätyä´äky je ätsijpën ägujky. ³ Ëëts käpx jotmë ëny ke yë tyäko´ony kyëxmë, nikiä´äxëëky äjtën nikiä win ënën. ⁴ Dios ëëts të näxwinkëjxy jets näj yëktëyjyäwëdë yë oy myätyä´äky jegëxts ëëts nkepxy ko ëëts nkepxy ke tse nits yä´äytyëjk jääy ëëts xtäoyjyäwët, je je nits Dios ëëts xtäoyjyáwët je je mädiwë t´ixkëxp ëëts n´ääw njo´jt. ⁵ Je ku nijunë ëëts nkäyëktunk pääty je ayuujk mädi ke tyëyë ntso´om miits xnijäwë, ninkä täywyääty ëëts nigo jets ëëts nwimpëkt, Dios yë tnijäw eepy. ⁶ Nin kätäjotäkoy mëj äjtën mädi yääyë miits mje ok wyijnkpë.ëëts të je jyeexyë mpäyo´y putëjk ëëny nixkëm Cristo pyäyoywyëtëjk. ⁷ Wimpity tsje ëëts të nyäpyëky täkyë oyjyääynyexy näxkën tu´uk nitääk tyëk jotkujk tä´äky iuunk tëjk. ⁸ Näjts ëëts ätsojkën nmëdë miits këxm, ku ëëts ntseky jets nyëkniwäädët ke jeyë Dios ioy miätyä´äky nänyäjmë ëëts këm njuky äjtën. Je ku miits të mëj nexy ëëts ojts n´ätseky. ⁹ Jämietstëp miits mugu´uktëjktë ëëts ntunk mëët ntso ëëts nyämyëk moyë.Jä xëjny jäkoots ëëts ntuny jets nitugën miits niti nkätänipeky ko ëëts nkepxy nmätyä´äky Dios y´oy y´ääw ayuujk. ¹⁰ Miits mnijäw eedyëp mëët Dios nänyäjmë ku wä´äts nexy tyëywyë nexy jets nitij niwämpejtën ntso´om ëëts njääy y´äjtën mëët miits tëyjyäw eewyë tëjk. ¹¹ Nä nyäjmë miits mnijäw´eedyëp ku ëëts nkäpx tudäkyë nkäpxjot mëjëdë miitstë nä nixkëm niteety kém iuunk tmukepxy. ¹² Nänyä ëts miits ntäpäwä´äny ntso mtuyoydyët jets Dios xwintsëgët mädi mwäätsojëp má´äm nyitenäyën mëét myë äjtën. ¹³ Jekëxts ëëts nä nyäj nmooy yëskojuyën je Dios itp nexy. Ku miits ojts xkuentëpëktë je Dios myätyä´äky ku ojts mädowdë ëëts këxm, miits ojts xkuentëpëktë tyëywyënexy Dios y´ääw ayuujk yë ayuujk mädi tump mä miitstë midiwë tëyjyäw eedyëp. ¹⁴ Tigëx ku miits mugu´uktëjk ojts wyimpit të pätumpëtëjk mä yë Dios txyäptëjk mädi jem Judea Cristo kyëxm.Miits nä nyä m´äyompäätëp jemyë mä´äm mnäjx mkäjp, nä nixkëm jedë jiät´t kiowet´t Judios kyëjëm. ¹⁵ Judios je mädiwë tyëk ooktë je wintsën Jesus mëët tukëyë profeta tëjk, Judios je nänyääm mädi ëëts nkexpitsëëm. Ke je Dios t´oyjyäwëdë jedë nipën jääy tkäkupëktë. ¹⁶ Yë ëëts xkäkupëktëp jets ntämukäpxtët näxwinët jääy tyë nits nitsojkën tpäät´t. Je txyoktëp jets jem y´itkunäxt tyäkony jety py jägëxëmts Dios jiot ä´n ojts tyänäxkidäkyëdë. ¹⁷ Näjts ëëts miits mugu´uktëjktë weenë miits nmëtnyäwyäkxë, winkëxm jeyë äm jotm ke. Mëk empy ëëts njotäkoy jets n´ixt miits mwiin m´ääw. ¹⁸ Jeku ntsekypy jets nëkxt mä´äm miits ojts Pablo tukyäjë jádukyäjë; kyäoywyë je ëts ojts x´ätsipy. ¹⁹ Tigëx ¿Mädiwë ëëts n´äixy ijtën eepy mädi mimp kidäkp ok xontäjkën ok mëëtën mädiwë nätyämëjpëktäjkën ko wintsën Jesus myin´t?¿keje miitsët tso´om nidukëyë? ²⁰ Je ku miitstë yë ëëts nmë´äjtën eepy jets ëëts ntxontä´äkt.