¹ Pablo, Silvano mëët Timoteo jem Tesalonicenses tsäptëkm Dios teety kyëxm mëët wintsën Jesucristo. Jets je y´oy äjtën mëët äwä´äts äjtën jem jyemét mä miits. ² Itp ëëts nmo´oy yës kujuyëp je Dios miits këxm; kyäpx pety py ëëts miits ku ëëTS Nukxtä´äky. ³ Itp nexy ëëts ntukjpapaymyetxy Dios teety wyinkukm mtunk mädi jenxyäwën këxm, mtunk mädi tsojkën këxm mëët näxkëjxy äjtën jets tëyjyäw äjtën mädi mimp kidäkp éëdën nwintsën Jesucristo kyëxm. ⁴ Mugu´uk tëjktë Dios ätsok, ⁵ n´ixätyëm ëëdëm wyäätsojën, ntso´om ëëts n´oymyätyä´äky të miny mä miits ke nigo myätyä´äky, mäjäw mëët je nänyäjmë, wä´äts jäwën këxm mëët mäynyexy jup´ixën nänyämëts miits x´ixëdë ëëts njääy y´äjtën ku ëëts nikxy mä´äm jem miits, jets je tsojkën mädi ëëts mëët miits këxm. ⁶ Miits ojts xpätuntso´ontä´äktë tso´om ëëts mëët wintsën, ku xkuentëpëktë je ääw ayujk mä muntuun je jä´jtën kowejtën jets jotkujk nexy wä´äts jäwën këxm. ⁷ Nät miits ojts mtäntë nixkëm tu´uk ixpëtën mäm tukëyë tëyjyäw eepy mädi jem Macedonia mëët Acaya. ⁸ Ku ojts pyitsemy mä miits je wintsën y´ääw ayuujk mädi të yëkmädoy, ke je jeyë jem Macedonia mëët Acayä nänyäjmë oymyästsow të wyäkx kexy je jenxyäwën mädi Dios këxm, näjts ëëts ke x´okjti´ijt jeenyë ntso njäkwä´änt. ⁹ Tigëx je ku jedë këm tmätyäktëp këm tmätyáktëp, ntso ëëts miits ojts xkuentëpëktë jnedë mätyäktëp ntso miits mtikätstë mäm yë äwänäx mä Dios jets xtujnëdët je juky Dios jets tyëywyë. ¹⁰ Jedëts tmätyäktëp ku miits xjä ixt je y´uunk jem tsäpjotm mädiwë je yëk putëjk ookp äkukpy, je Jesus mädi xtokniwäjts ëm je jot´ään mädiwë mimp kidäkp.